「Captain Nancy」如果粒石真係喺家燕媽媽到: 「Captain Nancy 3 之 Black Rose」 黑玫瑰重出江湖 暗勢力全面覺醒

「Captain Nancy 3 之 Black Rose」黑玫瑰重出江湖 暗勢力全面覺醒 「師父！你做咩唔應機架？」張可頤沒有理會正在學習粵劇演舞的人們直奔到忙著寶珠姐面前。 「我無做你師父好耐啦啵。」寶珠姐繼續指導學生，不想理睬這放棄繼承她衣缽的舊徒弟。 上任黑玫瑰精心培訓的繼承人，早早放棄了劫富濟貧，儆惡懲奸的重任，黑玫瑰成為了歷史，這城市的守護者隨年月如花凋謝。 「師父，都過左咁多年啦，個世界都唔同哂啦，你仲要嬲到幾時呀？」張可頤不耐煩地說。 「世界無唔同到，唔同嘅喺你為左李奇放棄正義。」寶珠姐對可頤十分失望，因為她犯了女殺手的大忌，愛上對立的男人。 「隨便你點講都好，呢嗰城市根本就無得救架啦，有得揀我來生都不做香港人。」可頣之所以放棄繼承黑玫瑰之位，是因為她對這城市已經絕望，法理被扭曲，黑白被顛倒，面對強權打壓侵佔，她決定離開。 「唔做香港人，投胎去東方華爾街吖嘛！」寶珠姐重視傳承，就算淡出英雄行列她還是為作育英才而努力，這裡每一個學生都暗中接受著黑玫瑰式訓練。 可頤面對寶珠姐的斥責無言以對，這樣的情景發生過無數次，相對無言，不歡而散。 「你唔係話個城市無救架咩？咁你仲嚟搵我做咩？」寶珠姐別過臉去，其實她對可頣的怒氣已全消，只是沒有一個機會讓兩人冰釋前嫌。 「呢個城市無救，但世界上仲有好多無辜嘅人，而師父你嘅朋友，正為呢啲人奮不顧身。」可頤拿出手機，社交平台正瘋傳著魁隆來襲的消息，Captain Nancy和龍婆在鏡頭下漸露疲態，如果Captain Nancy額上的心靈之石最後也被奪去，後果將會不堪設想。 「家燕……羅蘭……咁重要嘅事你唔早啲講！」無論世界向怎樣的方向走，寶珠姐也不會放棄戰友，和伸張不會變遷的正義。 「重要嘅事要講三次，但我哋無時間啦，馬上出發啦。」魁隆的出現讓各路已隱退的英雄都再披起戰衣。 可頤和寶珠姐馬上駕起鐵馬向池力共鎮進發。 ………… 池力共鎮 「嘰嘰！老闆！有刺客呀！」嘰嘰兵相繼倒地，漆黑的暗殺者穿梭敵軍把一個又一個嘰嘰兵殺死。 「邊個？一而再再而三咁阻住我得到粒墨！唔係！係粒石！」龍婆的亡靈法術被破解，Captain Nancy的力量又消耗甚大，魁隆快要得手之際又被新的正義勢力阻礙。 「跟貼啲呀，你好耐無練功呀？」黑玫瑰寶珠姐兩手反握匕首，在一個又一個嘰嘰兵頸項劃出血痕。 「師父你keep得咁好，我幾勤力都跟唔上你啦。」黑玫瑰二號可頣緊隨其後，保護寶珠姐後背同時擲出暗器掩護師父。 「係黑玫瑰！」Captain Nancy再遇戰友感覺人生多驚喜。 「係寶珠！連可頤都黎埋呀！」龍婆露出慈祥的笑容，闊別多年的戰友為了世界和平聚首一堂。 「咁齊人最啱跳十字步。」Captain Nancy不禁舞動起來。 「四個人啱啱夠打牌𠻹啵。」龍婆想到麻雀手也癢起來。 「家燕姐！羅蘭姐！」可頤禮貌地向兩人鞠躬。 「乖，仲差兩個我哋初代Mother Studio就人齊啦。」龍婆憶起當日創立Mother Studio時的情景。 「唔好掛住聚舊啦，快啲搞掂一齊BBQ啦，邊個係大佬？」寶珠用力一擲，八朵金屬黑玫瑰刺入嘰嘰胸膛。 「師父，係紫色光頭下爬好乾果個。」可頤指向敵陣中最高大的一位。 「係佢啦！佢想搶我粒墨呀！」Captain Nancy眼見現在人強馬狀，那怕眼前是萬呎風浪，都可挽手衝天飛。 「咁陰質……看招！」寶珠姐馬上擲出暗器，但在魁隆的重力護牆下全都無功而返。 「暗器唔得，咁又如何呀。」可頤拿出一雙輕機槍向前邊跑邊射。 「相比起前果兩個，你哋嘅攻擊更加軟弱無力。」魁隆手套凝聚的力量有如無窮無盡，可頤早料到槍火無用棄槍跳上半空。 「以卵擊石！」魁隆想以寶石力量吸引可頤，但卻吸來大量一觸即爆的手榴彈。 「唉呀！扭親條腰𠻹……」寶珠姐趁機入攝想以兩匕首割下穿戴無限手套的大手，但黑玫瑰的兵器反而應聲折斷，反衝力更傷及她的腰骨。 「一把年紀仲著到黑寡婦咁，我就先收拾你！」魁隆轉移目標，龐大身軀直迫寶珠姐。 「睇住呀！」龍婆以亡靈之力阻撓魁隆，但強橫的魁隆還未停下。 「Captain Laser！」Captain Nancy瞬移到寶珠姐面前，她把所有力量賭上在寶石閃光炮之上。 「搞嚟搞去！粒墨……唔係！係料石都係要落入我手！」魁隆以手套擋住閃光，猛力一步一步走近Captain Nancy，心靈寶石已近在他眼前。 「頂唔住啦！」Captain Nancy扭擰大叫，龍婆的力量和從後擒抱的可頤也阻不住魁隆的魔爪，心靈寶石要是再落入魁隆手中，一半人口又會化作塵土。 「齊鼓掌！」 但奇蹟發生在Mother Studio身上，鳳凰從天而降，她魔性的歌聲讓所有壞人聽令鼓掌。 最後兩位初代Mother Studio同時降臨，周秀娜……唔係，魁隆你今次仲唔死！ ………… 平行世界下不同的英雄過著不一樣的生活，這邊箱的唉人Man Eric Kowk熱愛音樂，雷神徐綿剛喜歡把身體染金拍寫真，保衛這世界的和平除了Mother Studio，還有其他英雄以不同方式為和平出力。 太空研究基地內遍地破爛的Ai機械人，入侵太空基地的黑暗勢力勢如破竹，他們已找到移居太空的目標人物。 「Master Joe！」曾以為小朋友解答科學疑難為己任的天才科學家Master Joe和AI Rabee'a移居到太空基地，專注科研的他們無想到會遭到襲擊。 「AI Rabee'a！走呀！唔好理我呀！」對Master Joe來說AI Rabee'a和其他Ai不同，她是特別的存在。 「對自己製造嘅人工智能產生感情，你真係墮落。」漆黑的緊身衣外一件墨綠色斗篷，男人的聲線充滿磁性和魅力。 「墮落得過你？鄭子誠！」Master Joe被鄭子誠的兩名手下拑制著動彈不得。 「係邪神鄭子誠，我等左咁耐，就係等𠵱一日。」昔日他的陰謀被Mother Studio識破阻止，今日她們忙於對付魁隆，無留意到陰謀之子已有所行動。 「我係唔會俾你地為所欲為架！」AI Rabee'a兩手變換作機關炮向鄭子誠開火。 「唔好意思，有錢係真喺可以為所欲為。」鄭子誠揚出一疊鈔票，鈔票築成護牆擋下AI Rabee'a的攻擊。 「老闆好嘢！邪神真不愧係邪神呀！」穿著如DC角色「企鵝」的C君說。 「計我話老闆唔係邪神，係財神呀！」穿著如DC角色「謎語人」的陸永亦奉承著說。 「你兩個點可以背住Do姐做啲咁嘅嘢㗎！」AI Rabee'a憤怒地說。 「近排無通告吖嘛，咪搵d角色客串下囉。」C君笑著望向陸永。 「奸角多發揮啲嘛，你咪口水多過浪花啦。」陸永也享受著成為黑暗勢力的快感。 「AI Rabee'a！快啲走！番地球通知Captain Nancy！」Moster Joe就算犧牲自己也要早一步通知Mother Studio。 含淚的AI Rabee'a只好轉身逃跑，利用基地內的救生飛船回地球求助。 「老闆，洗唔洗阻止佢呀？」C君問。 「唔洗，就算佢哋搞得掂魁隆，想對付我已經為時已晚。」鄭子誠捉走了Moster Joe，他的目標是天才科學家的研究成果。 「咁老闆，我哋宜加應該去邊好呢？」陸永看著逐漸崩毀的太空基地說。 「去召集其他御用奸角，奸角聯盟嘅時代好快就會來臨。」邪神鄭子誠和墮落農夫帶著Master Joe離開太空基地，魁隆威脅未除，但新的黑暗勢力已逐漸狀大。 「Captain Nancy」Maybe continue……