【懸疑】《記憶謀殺效應》: ------內鬼-----
雖說要攻進監獄，但村落的裝備實在遜色，木製長矛圓盾、弓箭、好一點的鐵劍，卻只有不到十把。因此老三決定從晚上偷襲，目標先是最近大閘門的武器庫，然後直搗宮殿。
監獄武器庫裡擺放了警棍、防暴盾、還有現代化的武器如手槍和散彈槍等等，只要成功佔據，要成功攻陷監獄也不是沒可能。
村裡的人知道，要離開監獄島，必須要得到監獄的資源，因此他們也抱著拼死的決心，為自由奮鬥。
一切看似完美，只怕有意外出現。那怕一丁點變數，也能令整個局勢扭轉。
晴空萬里，距離攻入監獄還有四天，至信站在村落邊端遙望著一望無際的逆光道，略有所思。
「喂！」芷籬從他背後竄出來，至信睜大眼，但未有被嚇到。
「扯......你無反應嘅。」
至信淺笑：「你行過嚟既時候腳步聲咁大，已經聽到有人啦。」
「哼。」芷籬別過臉。
「點呀，幾日後攻入監獄，緊張啊？」
「話唔緊張都呃你啦。」
芷籬細看至信。
「喂傻信。」
「嗯？」
「你同牛牛傾完之後，結果點？」
「點？」至信抬頭眯眼細看蔚藍無雲的天空：「知道左「陳至信」呢個人之後既結局係點囉。陳至信係咪我，已經唔重要。」
「睇你個樣咁感慨，又唔似好煩惱不安咁，應該係個好結局啦？」
至信展起爛漫笑容。
「係好，係壞，發生左既事都係人生既階段同閱歷，我又何必刻意探討當中既好壞呢？」
「嘩...會唔會太玄啊，我唔明喎！」
「唔明係你蠢啫！」
至信結果吃了芷籬溫柔的一拳。
「但係呢，牛牛都無左自己點解入獄既記憶。」
「噢......好奇怪啊，點解個個都會記唔起嘅？」
「呢個世界，本來就仲有好多未解既答案啦。」
芷籬竊笑：「你幾時變得咁老積，咁睇通世事架？」
「你理得我。」至信擘大手掌按壓芷籬柔滑的啡髮。
她反反眼皮，倏地，看到逆光道有個黑色身影。
「有人。」她拉著至信的手。
兩人把注意力投到黑影，怎料身影漸近以後，佇現眼前的是這個人。
兩人驚訝得交不出反應。
那人面如土色，用沙啞的嗓音開腔。
「我......我想投靠你地。」
———
老三注視坐在椅上，綁著手腳的他。
他托著胳膊，頭疼的嘆氣。圓頂包裡，只有老三、至信、芷籬跟這個人。
「老三，你意下如何？」
「我都唔知應該點......佢始於係大名鼎鼎既偉晉。」
偉晉凝視老三，露出一貫不自然的笑容。
「你就係老三，我好耐以前就聽過你既大名。」
「唔好咁講。」老三啊哈的笑兩聲：「我受唔起啊，後生仔。」
「曾經係監官既你，而且仲係獄長頭號後選人，咁傳奇既人物比我見到，實在三生有幸。」
芷籬瞄看老三，這個好色老頭子，怎麼原來大有來頭。
「陳年舊事，唔好提啦，我都對果啲事再無興趣......反而我對你既出現更有興趣，作為監獄以嚟第一個，亦係唯一一個既發言人，你而家既舉動到底係為乜？」
「權力。」偉晉簡單表明：「我追求既只係權力，並非忠誠......我喺監獄果邊失寵，所以過嚟。」
「咁你想點？」至信問。
「比我做呢度既領導，老三一人之下，其餘之上。」
「荒謬。」芷籬搖頭。
「的確，我無任何理由要比你做領導。」老三說。
「咁如果我同你地講，你地村落之中有人係內鬼，而你地想攻入監獄既事一早已經外洩呢？」
「...」
他怎會知道？
老三沉默不語，臉上坑紋深鎖。
「放心，我應承你地，只要比我做領導我唔會害你地。況且我熟識監獄入面既一切，而且......我同darling仲有恩怨要解決。」
「Darling…佢而家過得點樣？」
「咪又係咁，靠住食人去保持年青容貌。」
「唉，所以我先咁反對佢既所作所為。」
至信和芷籬面面相覷。
老三以前，到底是怎樣的一個人？
「好，我應承你。」老三妥協。
「不過，我有一個條件。」
偉晉點頭：「請講。」
「話比我地知，邊個係內鬼。」
偉晉獰笑，然後用失望的眼神瞧瞧老三。
「無理由你會估唔出架喎，唔通你真係一啲眉目都無？」
「我唔會隨便猜忌我既同伴。」
「好...」他扭扭脖子：「呢個人雖然我唔可以十成肯定，不過基本上除左佢，都無第二個可能性，哈哈......」
至信看他不順眼，把他從椅上推倒：「唔好打算耍我地喎，講你就講啦。」
偉晉齜牙咧嘴一笑：「留意翻，我而家喺呢度既權力同地位比你高，如果你再做啲咁唔專重既行為，唔好怪我以後對你唔客氣。」
至信氣上心頭，卻又不能辯駁。
「咁咪好囉，你乖乖地，我咪話你知你地心愛既鬼怪婆婆係邊個殺囉。」
「！！？」
芷籬聽到鬼怪婆婆的名字，馬上打個顫。她激動起來，上前捉起偉晉的衣領。
「邊個做既？」
「咪係個內鬼囉。」
「咁邊個係內鬼啊！！」
芷籬發了瘋的質問，老三勸止她不果。她一想到鬼怪婆婆的臉容，水波便不禁於眼眶打轉。
快告訴我誰是兇手，我要令此人後悔。
芷籬透出兇暴的眼神刺視向偉晉，他被其殺氣嚇得退避三舍。
「哈哈......冷靜啲好喎呢位水姐，呀唔係，我記得你叫芷籬。芷籬你唔好咁激動先，我會講邊個係兇手，到時你再搵佢報仇，你就算殺左佢，我都無異議。」
看著悲慟的芷籬，至信發現她的情緒比在監獄前起伏大了很多。
是因為鬼怪婆婆死後，跟Joyce他們三人分開了，加上現實中窘迫的處境影響吧？
芷籬靠近至信胸膛，至信輕擁著安撫她。
偉晉看著二人，掃掃頭髮：「我明明話喺你地之中有內鬼，你兩個仲糖痴豆咁，無諗過對方會係內鬼咩？」
兩人無視偉晉。
「你講啦，我怕你再唔講，佢兩個忍唔住，然後你無命出翻去咋......」老三又是好言相勸。
「好好好...我講喇。」
偉晉收起無賴臉皮，擺出正經：「一個出色既內鬼，會令你地確定左佢地既身份，令你地要查出內鬼既時候唔會諗到佢，甚至剔除佢喺懷疑者既名單入面。」
「而呢個內鬼今次比你地既形象，正正就係內鬼，不過係村落派去監獄既內鬼。」
至信迷思：「咁莫非係...」
偉晉揚升嘴角：「佢就係......」
「...」
偉晉吐出兩字。
老三瞪大眼，眼白可見血絲。
「居然係佢。」
——-
村落的邊際。觀察著海上恬靜的水波，阿Hill空想得入神。烈陽高照，金黃色的光輝打在寶藍色的汪洋上，浮現數之不盡的銀針。
沉醉於耀眼動人的光景時，往往不知時日過。
多少年了？
當初所追求的到底是甚麼，現在需要的又是甚麼？
回頭一看。來了。
從遠方而來的天鴿。
阿Hill掏出信紙綁好在白鴿上，然後把牠放遠。
不管了，人生從來只有見步行步。不論是工作，抑或愛情。
呼吸幾口屬於自己空間的空氣，他整理好思想準備離開，卻見有人來了。
來者竟是老三。
「做咩事？」阿Hill問。
老三喘氣，啊哈哈的笑。
「唉我果然老喇，行多幾步都頂唔順。」
阿Hill上前扶過他：「有咩事要老三你親自嚟咁遠搵我啊？我一陣都會行返去村落果邊啦。」
「有啲野要問你。」老三神色變得凝重。
「下？」
「我地之中有內鬼，你知唔知道？」
內鬼......
阿Hill望著老三，沒有立即回應他的問題，只是單純地望著他。
「係...邊個？」阿Hill問，語調微微抖動。
「...」
手心好像冒汗了。
老三緩緩說。
「係偉仔。」