【懸疑】《記憶謀殺效應》: -----獄長的盛宴：奉獻之門-----
「到底咩事啫？」芷籬察覺至信驚愕失色，不禁驚慌。
至信嚥了口水，打個眼色示意芷籬去瞧瞧，芷籬雖然害怕，卻依然敵不過好奇心。她把頭探向白光，隨即怔住了。
眼前雪白的冷藏房......
掛滿了一條又一條赤裸的屍體，鐵勾插穿它們腦袋吊起，場面似是屠宰場一樣。地上刻印著一攤攤啡紅色的血漿，還有不少手手腳腳躺著，有好幾個頭顱還對著芷籬的方向，死寂的臉卻展視著怪異駭人的笑容。
芷籬掩嘴，胃酸一陣騷動令她幾乎想吐出來。至信見狀，馬上把她拉離冷藏房。芷籬低頭喘起大氣，顯然對目睹的東西感到不安。
「嘻嘻嘻嘻嘻嘻嘻............」
雪房裡忽熱迴蕩著笑聲，仿佛那此屍體向著他們笑著。
「走啦！！」至信拉著芷籬意欲逃回大門，甫走幾步路，冷藏房的鐵門被推開，光線把原本漆黑的黑房打成白晝。
兩人回望，一位年約三十的女人亮現他們眼前，她的美貌一顧傾城，粉色彩雲的秀髮配以一雙星眸，是個大美人。她身上是監官們所穿的制服，不過卻是紫色的，女人身上散發著腥血味道。
「兩位好，我係監獄島呢度最高指揮權力既人。」女人嘴角微揚：「大家一般都叫我獄長。」
聽見獄長二字，至信停下腳步，仔細打量此人。獄長與她想像的可不一樣，他一直以為獄長會是個老女人。
至信鼓起膽識︰「獄長，我唔知你有咩企量，我亦無意干涉。我地想離開呢度返返去宿舍，你請我地今次嚟既呢個盛宴，我地心領喇。」
獄長聽罷捧腹大笑。
「哈哈，從來都無人敢拒絕我既好意，你都算係第一個喇，陳至信。」
「佢知道我個名...」至信心想。
獄長繼續說：「但係...你地見到啲唔應該見到既野啵...」
「我地咩都見唔到！」芷籬瞪眼替至信回應。
「哈哈...」
獄長又再笑起來：「知唔知點解我會叫呢個做盛宴？」
「點解？」芷籬其實並沒興趣知道。
獄長撥弄頭髮︰「呢個盛宴，查實唔係為左你地，而係為我架。」
「咁呢個咩幸運之門又係咩嚟架？」
「就係睇你有幸為國家付出，抑或是為我...」
獄長開始一步一步靠近，至信兩人緩緩退後。
「你地朋友所揀既記憶之門，其實係要獻出記憶......」獄長掏出針筒，裡頭滿是紅紅液體：「你地可能唔清楚，呢支針筒唔止用嚟注射液體，仲有「交換」既作用。」
「液體注射之後，會同人體腦袋既「記憶」作為交換，換嚟藍色既記憶體，食左之後就可以獲得果個人既記憶。」「不過無啦，咁難食既野我先唔會食，我亦對你地無謂既記憶無興趣。只不過係要定時交樣本比國家我先局住要咁做......」
對於獄長的話，至信芷籬摸不著頭腦。
「雖然我完全唔明你講乜，但咁樣都係盛宴咩？」
獄長睜大眼：「算啦當然！」
「你地咪就係我既盛宴囉......」
至信和芷籬大驚。獄長的美貌，蓋不過她駭人的殺氣。
「你知唔知，人類既內臟係幾咁美味既食物。只要識得好好處理，食用之後可以令人精神大振，鶴髮童顏，有凍齡既作用。」「但係食用過多又會陰陽不合，走火入魔而死，一年幾乎只可以食一次......」
獄長張開血盤大口：「知唔知我每年等呢刻等左幾耐？班監官都爭住食我食完既口水尾架......你地有幸嚟到奉獻之門，成為我地既食物應該要好榮幸！！」
話未落下，獄長已經盤起身子向至信他們奔去，兩人沒命的跑向大門，獄長嘎嘎叫著，腳踏在地上令地板生出裂紋，發出沉重悶響，這顯然不是人類能做到的事。
「佢...佢變左隻怪物咁啊！」芷籬頭也不敢回。
兩人也不顧前方黑漆漆會否誤撞上什麼了，只是靠著大門門縫弱小的地光作為目標。獄長的這樣出現他們未有預料過的，至信思緒裡沒有一絲喘息空間，恐懼蓋過一切疑問。
光線漸近，芷籬跑到大門嘗試打開，卻發現依舊被鎖上。至信左右顧盼，沒有燈光下根本無法找尋另一出口。
「嘶啊啊啊啊......」
困於死胡路了。
「芷籬，開唔開到？」
「唔得呀，而且咁黑，我連附近有冇咩可以幫手打開都見唔到。」
「......咁黑？」
至信靈機一觸，瞄向獄長朦朧不清的黑影，心生一計。
「開到門喇，我地快啲出去！」至信對獄長作勢的嗌著，然後用手搖著門邊，發出卡卡聲。
「唔會比你地得逞！」眼前的黑影一躍，獄長拼了力氣飛撲向大門。芷籬呆站著，搞不清狀況。
「伏低！」至信拉下芷籬伏在地上。
獄長的衝擊把整項門撞開至老遠，她亦狼狽墜地受傷，宮殿大廳光線照亮環境，兩人終於找到出口。
「跟我嚟。」至信和芷籬落人繞過獄長向出口奔馳。
「啱啱到底發生咩事？」芷籬疑惑。
「頭先環境咁暗，我估獄長都睇得唔清楚，靠我地發出既聲音追尋我地。」至信展出勝利笑容：「所以我就呃佢我地打開到門，等佢心急撞過去，雖然我無估計到佢可以將道門撞到咁遠......」
「睇到佢咁既力氣，我諗佢已經唔係正常人。」
「可能因為佢成日食人體內臟影響。」
「咦......好嘔心。」
兩人跑出宮殿。
獄長從瓦礫般的門碎中起來，忿忿不平，忽然傳來無線電呼叫。
「獄長！！有個犯佢發癲啊，佢......」
「發癲？」「咩事？馬上匯報！」
獄長被接二連三的事情感到一陣混亂。
「砰！」
「出左咩事？！」
「......無事喇，個犯應該係夢遊啫，解決左。」
「打左針會夢遊？......搞掂就好。」
「快啲帶佢地過嚟。」
獄長根本無暇顧及其餘三人的事，她只是重視至信兩人。她舔舔手上受傷的傷口，慢慢步向出口。
「反正，你地都逃唔出呢個監獄。」她收起了獸性，淡然一笑。
至信帶著芷籬一直跑，路上聽到遠方監官們喝止的聲音，但未有人出現攔路。
芷籬拍拍至信後背：「我地跑去邊啊到底？」
至信放慢腳步：「離開監獄既閘門。」
「我地要離開監獄？」
「係......除左咁冇其他辦法。」
「但係出面係荒涼一片，我地會死架。」
「我地留喺監獄都一樣會死，出左去再打算啦。」
「咁......」芷籬思量一番：「我地不如去島既「下工」果邊？」
「下工？」
「我聽到偉晉之前講，生紅痘果十個人比佢地趕去下工，以免影響到上工，即係監獄呢邊。」
「就咁話！」
離開監官領域的路並未遇上太大困難，只是偶有監官在路上查察，需要左閃右避。源著上次捕魚比賽的記憶走到大閘門口，他們兩人躲在雜物後觀察。
高聳的大門牢牢關起，門下是一兩個監官怠慢看守。中央有道玄關，記得上次有監官用鎖匙扭開後，門裡便喀喀的解除著機關，緩緩開啓。
「我諗我地唯有硬闖過去喇。」四周空曠，沒有讓至信兩人伏擊的機會。