《緣•份；完•分？》: 第八章：約會(四)

「你有冇睇過威E呀？」殷桐問
「冇喎…」
「咁你睇下就知點解我咁講㗎啦~我覺得自己好似威E！」
「好似佢咁得意？」我說笑
「當然係其一啦！」
「其二就係…」
「小心！」我把殷桐抱過來
有幾輛單車幾乎貼着行人路飛快的駛過，形成的風讓殷桐的裙輕輕的飄起來。
「你有冇事啊？」我看著殷桐
她還沒有回神過來，仍然看著前方。




我拍拍殷桐肩膀「喂！你嚇暈咗呀？」
「不如我地下次又嚟依到踩單車呀！」殷桐說
「可以呀，但係你頭先有冇整親先？」
殷桐甜甜的笑「咁關心我做咩呀？我又冇整親~」
「但係你識唔識踩單車？」
「嘻嘻，其實我唔識踩~」殷桐伸出舌頭
「咁我下次教你啦。」
「好~」
.
不知不覺間，巴士駛到了我們熟悉的觀塘繞道。殷桐上車後便聽着歌靠著我的肩膀睡著了。夕陽西下，陽光照到殷桐臉上。




「殷桐，起身啦。」我輕輕的說
殷桐睡夢惺忪的揉揉眼睛「嗯…而家起身…」
「你凍唔凍呀。使唔使借件褸俾你着一陣？」
「我唔凍呀！不過點解你把聲咁溫柔嘅？」
「你好想我對你惡啲咩？」我笑一笑
「先唔係啊！哼~」
「我落去啦，我下個站落車啦。」
殷桐扁扁嘴「可唔可以陪我一齊落車啊…?」
「咁好啦。」
殷桐微微一笑，繼續望著窗外，說了一句「Thank you~」