《緣•份；完•分？》: 第四章：地下鐵(站)碰着她

「緊係去啦！你痴咗邊條筋唔想去啊？」阿釗激動的說
阿釗是我身邊已經認識了很久的朋友，通常我一有什麼事便會問他意見。
「但係我要返色士風同跆拳道喎…」話還未說完
「你返嗰啲有得補堂喎，你同女出街可唔可以話『哎呀我有嘢做啊，下個禮拜日補返堂呀』咁樣呀？」
「咁你又有道理…」
「有道理就去馬啦屎忽鬼！」阿釗激動的說
「不過呢其實你係唔係鍾意殷桐㗎？」他又問
「嗯哼，原本之前都係純粹覺得佢好吸引，但係而家…哈哈我都唔知點講添。」
「咁你會唔會同人地表白呢？」
「會嘅應該…有一個時機就應該會啦。」




.
「喂！咁我地一陣一唔一齊食埋嘢先去呀？」電話筒的另一邊傳來一把熟悉的聲音
「嗯…好呀。咁喺邊到等？」
「地鐵站A出口呀！不過你係咪啱啱起身咋？你把聲咁得意嘅？」她笑著說
「嗯哼…你一打嚟我就醒咗lu…」
「咁我地一陣見啦~~你會唔會gel頭呀？」
「做咩咁問嘅？你想我gel咩？」
「係呀因爲你淨係得影學生相嗰日有gel咋嘛，咁少見我想睇下，同埋…你gel咗靚仔啲！」殷桐害羞的說
「咁好啦，咁我而家起身啦，一陣見啦，bye~」
「bye bye~」




當我已經梳洗好準備出門時，「使唔使帶多件褸俾個大頭蝦呢？」我沒想太多，就放了兩件外套入背包便出門。
.
我早了10分鐘到地鐵站，我環顧四周「殷桐應該仲未到」我猜，所以我站在欄杆旁待她來臨。
「係咪等咗我好耐呢！」我被嚇了一跳
映入眼簾的是笑得燦爛與平日不一樣的殷桐，殷桐紥了一個新髮型，白色連身裙加上一件薄薄的黑色棉外套，穿上了一對全白色的NMD
「Sunny？你做咩臉都紅哂嘅？」殷桐側側頭看着我滿腦疑惑的問
「冇…冇嘢呀…」
殷桐用指頭篤了一下我的額頭「你個死仔又諗埋咸濕嘢！？」笑着說
「當然冇啦…」
「講下咋嘛傻仔！行啦，我好肚餓呀！」