我和補習姐姐不為人知的秘密關係…: 1

「梁禮賢，今次考試你又唔合格？仲要係全班最低既32分！你點樣考架，你無聽先生講書架咩？讀屎片架！」

梁太激動得面色相當紅潤，十足十成個關公咁紅。　　

梁太，即係我阿媽，作為一個擁有女性傳統美德的師奶，囉唆是無法避免的一件事。

其厲害程度，足以媲美羅家英所飾演的唐三藏。　　

「是咁的，拿32分呢個行為，不是我所直接所造成的。主觀來說，間接因素就佔據了很大的因素，根據著名的皮格馬利翁效應，話你得，你就得，唔得也得；話你唔得，你就唔得，得都唔得。阿媽你從小到大係咁話我讀屎片，所以咪會變成咁囉。」



我突然間大條道理論述起來，我只見到阿媽個口合唔埋，成個吹氣公仔咁，呆了半秒。　　

「衰仔，講野有紋有路，但讀書就咁渣，無你咁好氣。拿!為左準備升學，我幫你報左個私人補習，星期一至五放學立即返屋企補習補到夜晚十點，一於咁話啦，我已經book左啦，聽日就開始同我補！」  　　

「阿媽，你其實無謂浪費錢銀，去請埋d濕柴補習老師，為人師表，教埋d無用既理論野，對社會又有咩野貢獻！」　　

「唔補就無零用錢！」阿媽語氣強烈，睇來對於呢個決定相當堅定。 　　

哇，呢句一出，試問聲一位中六既學生哥，金錢封鎖呢招必殺技，邊個頂得順，係呢個不平等的地位下，我只能扮住死狗同意左先。