[甜」我和家姐的日常: 颱風篇 7

當我醒來，望一望個鐘，原來已經下午兩點幾了。

休息咗一晚，雖然仲有少少攰，但係都已經好返好多，燒亦已經退去。因為尋晚都冇咩食嘢，頓時覺得好肚餓。本來瞓喺隔離嘅家明唔喺度，應該已經起咗身。於是我都馬上起床，打算去準備午餐。

我起身之後，望一望上格床嘅琳琳，佢仲係熟睡當中，將被連頭咁蓋上。我輕輕拍一拍佢：「琳琳，兩點幾喇，仲未瞓醒呀？」

佢好似仲熟睡緊，毫無反應，可能尋晚佢同家明傾計傾得太夜，就由得佢瞓多一陣吧。

出到廳，我聞到一陣飯香味。入到廚房，竟然見到家明竟然喺度煮緊嘢食。



「家姐你瞓醒啦？」佢拎住個湯杓一邊攪拌一邊講。

我驚訝地問：「你喺度整緊咩呀？」

「你唔舒服吖嘛，今日我負責煮嘢食。」

我禁不住笑咗出黎：「你煮嘢食？」

「係呀，堯柱肉碎粥，病人係應該食粥。」



「咁叻？你點識煮㗎？」

佢拎起身旁嘅 iPad：「Google 咪得囉。」

從來唔入廚房嘅家明，竟然破天荒下廚，煮粥比我食，我真係有啲感動。於是我踮起腳尖，錫咗佢一啖。佢望住我笑咗一笑，然後繼續好專心咁去攪拌個煲粥。

「好快就食得，你尋晚食咗咁少嘢，係咪好肚餓？」佢講完就將湯杓放低，摟住我輕輕咁喺我個肚上面搓著。

我將手放到佢手背上，打圈咁搓咗幾下肚子：「嗯，好肚餓，啲粥好香呀，好似好好味喎。」



「我上網跟住煮，唔知好唔好食呢。你出去刷牙洗面先，好快就有得食。」

我刷完牙洗完面，出到廳聽到大風將門窗都吹到拍拍作響，明顯風勢比尋日更加厲害。我入房叫琳琳起身，佢仲係用被冚住自己，於是我輕輕將被拉下：「傻妹就黎3點喇，你肚唔肚餓？起身食嘢吖。」

佢亦然沒有回應，只係背住我咁瞓咗喺度。

「琳琳，起身食嘢喇。」

「嗯。」

「快啲起身食嘢啦，家明煲咗粥呀。」

「嗯。」

我覺得有啲奇怪，比著平時嘅琳琳，佢一定會即刻彈起身，跟住就會取笑家明。但今日佢竟然咁靜，毫無反應。於是我問：「你係咪唔舒服呀？」



我同佢講咗咁耐嘢，佢都冇擰到過黎，一路都係背住我。佢聽到我問佢係咪唔舒服，都冇擰轉頭，只係背住我咁搖一搖頭。

我伸手摸一摸佢額頭：「冇發燒吖，你邊度唔舒服呀？」

「冇嘢呀，我想瞓多一陣，你地食先吖。」

聽到佢咁講，我冇再迫佢起身。我說：「好啦，咁你瞓多一陣，我地留返啲粥等你瞓醒食吖。」

佢背住我點一點頭。

我打開電視，原來已經掛咗 10 號風球，難怪個抽氣扇都比風吹到猛轉。我睇緊風暴消息嘅時候，家明已經將粥拎咗出黎放到台上。

「家姐食得喇。」



我坐埋飯台，將手上嘅粥靠近鼻：「唔。。。好香喎。」

家明一臉期待：「快啲試下，睇下好唔好食。」

我拎起匙羹食咗一啖：「唔，好味呀。」

家明好開心咁將粥放入口，然後瞪著我：「冇味嘅，咁都話好食。」

我一路食第二羹，第三羹，一路講：「唔係呀，好味喎，淡淡地咪好，我都唔鐘意食咁咸嘅。」好快我已經食咗半碗粥。

佢笑住咁望一望我，跟住就拎起個碗，將淡淡嘅肉碎粥送進口裡。我地好快就食完一碗，佢幫我再添，然後問：「琳琳仲瞓緊？」

「係呀，唔知點解個傻妹咁好瞓，我地留返啲粥比佢吖。」

「吹到咁嘈佢都咁好瞓，佢係咪唔舒服呀？」



「頭先我問佢，佢話冇唔舒服。」我再諗咗一諗：「但係，我覺得佢好似有啲怪怪地。」

「怪怪地？」

我點頭：「嗯，我叫佢起身，同佢講嘢，佢都冇望過我，只係一路用張被冚住自己。」

家明沉默咗一陣，然後說：「你估佢會唔會知道我地尋晚。。。」

我吃驚地說：「吓，唔會掛，尋晚我地咁小心。。。」

「唔。。。應該就唔會嘅，唔通佢嬲我尋晚唔同佢傾落去？」

我認真咁諗一諗：「都有可能。」



喺我地諗緊到底好唔好再入去叫醒琳琳嘅時候，琳琳就喺房入面叫出黎：「姐姐，你入一入黎吖。」