[武俠甜故] 古裝武俠有味巨著 - 鐵血丹飛: 第二十七章 - 歸途之中

 
師爺基又問住八叔, 「係呢八叔, 你嘅武功咁高強, 但點解你會選擇留響呢度荒山野嶺度黎隱居嘅?」
 
八叔聽到之後正嘆住氣講, 「唉, 本來我同內子都係住響唐山嘅, 但自從有一次我同內子遠遊而至, 內子黎到之後, 發覺此處景色優美, 就係咁, 我同內子就在此處逗留左一段時間, 但估唔到, 在此期間內子身患惡疾, 而不久之後亦在此處遠離人世。
 
我在此處下葬左內子之後, 為著要陪伴佢, 而亦唔想佢受到任何人嘅騷擾, 所以每馮山上有任何人來到此處嘅時候, 我都會將佢地一一咁殺掉。
 
但尋晚剛巧我正在上面採緊山藥嘅時候, 跟住就發覺你地響上面發生打鬥, 我知道你地係為著逃避惡人追捕而至, 所以我先至會為你地療傷解毒!」
 


哦, 明白哂, 但大力好似又有啲野想再問八叔咁。
 
「八叔, 即係咁, 我見你幫佢地又解毒, 又治傷, 又打通任督二脈咁犀利, 但我就好似咩都無咁, 其實….我有個小小要求, 就係….唔知八叔可唔可以好似呀基咁, 幫我伸番一腳黎強化吓條前列線咁呢?」
 
八叔呆啤住大力, 跟住就用千里傳音咁同大力講, 「V…………」 但就因為太過接近, 所以千里傳音啲 feedback V 得好犀利, 見大力正面容扭曲緊, 八叔即時醒覺跟住就行番遠啲黎再同大力千里傳音咁講。
 
「你咪岸鳩啦, 伸佢一腳就可以強化前列線, 其實房事係好倚靠心理因素, 我果次見佢插條女插到打哂仗咁, 所以我之後咪就咁同佢講, 等佢下次就會有番啲信心咁解之嗎!」
 
眾人都要準備離去, 臨行前, 丹娜正提劍行到最後, 見佢回望左八叔一眼之後, 跟住丹娜就轉身合手恭恭敬敬咁作道別之餘, 亦為道謝佢嘅解毒同提昇功力之恩, 而八叔亦微笑住揮手回應住丹娜。
 


眾人行到落河邊, 跟住再朝天一望以辨東南之方向, 起程嘞, 一行八人, 正浩浩蕩蕩咁沿住河邊一路咁向前邁進。
 
已經行左一半路程之後, 但天色已經逐漸昏暗, 睇黎眾人亦需要暫時搵個地方先行逗留一晚, 等到天光之時先至可以再繼續起行。
 
前面河邊過埋小橋就好似有一條村落咁, 眾人見到之後, 正加快腳步趕到村口之處, 入村之後, 村內各家各戶正一片熱鬧非常, 燒飯嘅, 乘涼嘅, 各處都充斥住小朋友走黎走去咁玩耍。
 
但眾人身上嘅財物經已盡失, 龍飛等人一便向前行住, 一便留意住有無地方可以供借宿一宵, 龍飛向住其中一個村婦問, 「呢位老太太, 我地一行八人剛路過此地, 但唔好彩剛才就遇到山賊, 身上嘅財物亦經已盡失, 所以想問唔知村內有無地方可以提供比我地借宿一宵咁呢?」
 
村婦好有禮貌咁回答, 「又係山賊, 唉, 你地就真係唔好彩嘞, 不過呢排附近又真係好似多左啲山賊出現, 所以你地都唔係第一個黎呢度要搵人幫手架嘞, 嗱咁啦, 你地可以行去前面村內嘅善堂, 果度可以有啲齋菜同住宿提供倒比你地架嘞!」