[武俠甜故] 古裝武俠有味巨著 - 鐵血丹飛: 第十六章 - 大戰在即

黑衣人 : 「哦, 咁武功嘅野我又唔多曉喎, 剩係知佢地鍾意玩火玩毒玩武器, 有呀婆有女人有啲又五顏綠色同好大隻, 同仲有我同你呢班二打六咁囉!」
 
龍飛 : 「咁而家下面總共有幾多個大佬響度伏緊佢地呀?」
 
黑衣人 : 「哦, 好似三四個倒呱, 不過夠架嘞, 啲大佬個個成日都鳩鳩屎屎咁講到自己係天下無敵, 放心喎, 一陣打到天昏地暗果陣, 邊個撻埋黎嘅我地咪就伸佢一腳囉!」
 
龍飛 : 「哦, (諗左一陣) 喂, 咁呢度除左街頭街尾之外, 咁仲有無啲咩地方會有機會比佢地走得甩架?」
 


黑衣人 : 「都有嘅, 呢, 果邊前啲就有個山坡, 山坡下面就有條河堤, 不過, 唔知點解班大佬好似有啲畏忌果度, 而次次派親啲人落去都係有去無回頭嘅, 噓, 真係諗起都怕怕!」
 
龍飛想知嘅野都差唔多嘞, 但黑衣人又再講, 「講左咁耐, 做咩果一男一女入左屋度咁耐都仲未出黎嘅? 不過…., 喂, 頭先見入屋果條女就真係正到爆, 你地見唔倒咋, 條女頭先發哂姣咁, 而佢對奶仲若隱若現咁盪黎盪去, 嘩, 真係睇到我扯哂…….」
 
哂完之後, 黑衣人個頭就已經跌左落地, 「飛, 我地準備落去同佢地一齊過去山坡果度!」
 

 
飯店內, 菁菁已經餓到仆街, 「餓死我嘞, 大力呀, 幫我入廚房度催吓佢地啦!」 大力聽到咁, 跟住就層壓式咁又叫搞緊碌棍嘅堅仔去催。
 


堅仔聽到咁, 正繼續一路搞住支棍, 一路就起身向住廚房方向行去, 「唔該, 想問吓啲飯餸到底幾時先至整好呀?」
 
詭秘呀婆笑住咁答, 「後生仔, 呀婆呀伯做野手腳慢, 啲飯餸而家就攞出黎比你地食吓!」 突然呀婆望到堅仔手上碌棍, 咦, 咩支棍咁似係十弟嘅神器黎咁嘅。
 
詭秘呀婆正一臉森沉咁講, 「後生仔, 支野, 幾得意咁, 唔知你可唔可以借比呀婆睇吓咁呢?」 堅仔聽到咁, 「哦, 好呀, 不過妳要小心啲, 我驚佢會彈出黎整親妳呀!」
 
呀婆接過堅仔手上支棍後望吓, 雖然碌棍就比堅仔稍為作過改動, 但整體上支野嘅神韻就依然浩氣長存。
 
呀婆再望吓包住響棍上嘅包皮紋有齊秦二字, 突然, 見佢即時老淚縱橫咁震住音黎講,「齊…秦…., 無錯嘞, 十弟果度就係紋有齊楚燕韓趙魏秦七字, 但點解…? 點解而家就只剩番齊秦二字響度咋?」
 


呀婆殺氣突現, 揸住碌棍嘅手突然就冒住火起黎, 「你班下家剷, 我今日要殺哂你地黎為幾位義弟報仇雪恨!」
 
神火掌係咁燒住碌棒, 鐵棒比呀婆燒多兩燒之後, 冷不防, 棍頭向住自己嘅鐵棒突然就猛然彈出, 一記穿心棒, 呀婆手上啲肉火就即時熄滅, 而幾十年黎練成嘅神火掌, 似乎亦要留到下一世先至可以再度使出。