[武俠甜故] 古裝武俠有味巨著 - 鐵血丹飛: 第二章 - 頂包大計

夜深, 小柔正同住響附近由細玩到大啲兄弟姊姊召開緊急會議
 
小柔已經好很驚, 「死啦, 咁而家點算呀? 呀爹又係嘅, 問都唔問吓就應承左堂伯, 呢, 而家死啦, 咁你地話我而家要點算至好嘞?」
 
家族做鑄鐵嘅堅仔講,「小柔, 事到如今, 我睇妳都係同佢地坦白講至好!」
 
自細習武嘅大力就話, 「唔得架, 佢堂伯係做官架, 而且小柔都話佢係黐線過咯, 咁不如就睇吓單野要點拆掂至好先啦!」
 


師爺基又好似有橋咁, 「喂, 不如咁呢, 菁菁個樣同妳又生得咁似, 咁不如今次就由菁菁陪妳去, 咁到時如果要去檢查嘅時候, 咁咪就叫菁菁代妳去囉!」
 
眾人正有同一個疑問, 「咁你又知菁菁仲係處黎嘅?」
 
菁菁有啲唔好意思咁用手睜挫左師爺基一野。
 
師爺基靜雞雞同隔離小柔個表哥龍飛咬耳仔, 「上次我氹左佢成晚, 先至氹倒佢肯除條褲黎比我, 但點知佢度門實在係太厚, 等我搞左佢成晚但度門就依然撞極都唔開, 所以呢度係得我知佢仲有隻豬響度架咋!」
 
堅仔再講, 「喂, 但我又收到風, 今次就連震丸鏢局個太子女聽朝都會落船赴京喎!」
 


眾人無咩反應, 「哦, 咁又點呢?」
 
堅仔又再好緊張咁講, 「唉, 據我爹啲朋友所講, 震丸鏢局吳總鏢頭話呢次必定會想盡辦法令到同行人數減少, 而且佢仲話, 今次水路同陸路佢地都定必會派人去搞破壞, 總之務求要將所有同行嘅對手都要剷除哂為止喎!」
 
冷艷用劍高手丹娜終於都開口講, 「小柔唔使怕, 今次我會與妳地同行, 總之邊個敢埋妳地身嘅我就一劍殺左佢!」
 
經眾人商討過後, 知道此事所冒風險甚高, 而且假如東窗事發之後, 菁菁同小柔都會犯上欺君之罪,而此舉亦會引致二人需要抄家同殺頭嘅後果。
 
但就已經得出左結論, 就係總知今次去又係死, 唔去又係死, 但事到如今, 經過眾人舉手投票過後, 結果就係唯有依照師爺基嘅計劃咁去博佢一舖, 而眾人亦決定呢次都會隨小柔一齊當係旅行咁上路而去。
 


愈緊張啲時間就過得愈快, 暫吓眼就已經到左要出發上京嘅朝早, 碼頭之處, 多艘船隻亦已經靠岸集結等待起航, 而小柔, 小倩, 菁菁, 丹娜, 龍飛, 師爺基, 大力同堅仔一行八人就已經抵達碼頭, 而容叔同堂伯亦已響碼頭守候多時。
 
堂伯見小柔會與眾人同行, 跟住就似係一面放心咁講, 「我正剛好另有要事去辦, 而未能落船隨小柔同行, 難得小柔身邊有班摯友會隨行照顧, 咁小柔此行我就更加可以十萬個放心嘞!」
 
眾人正開始魚貫地上到船上, 好快地, 各船隻亦正開始要陸續地駛離碼頭之處, 船上, 各人亦正響船艙入面集結而聚, 而眾人亦為菁菁將要頂包之事而顯得極度擔心不已。
 
天蒼蒼, 夜芒芒, 船程需時三日, 海面雖然風平浪靜, 但暗地裡正充滿住無盡嘅殺機, 晚上, 震丸鏢局所屬嘅船上甲板之處, 一個眉粗額尖, 四肢發達嘅高手, 正企響船邊係咁不斷地視察住附近嘅同行船隻。