試玩虛疑實境遊戲，遇到最嚇人的BUG: 經緯度

有一瞬間，我好想將這兩次試玩既經過全數回報給Richard一遍，聽聽他的意見。 

但總覺得有點奇怪，要確是因為我突然的喧鬧引來其他人的注意、要來的應該是保安員而不是身居要職的Richard。要是這樣，吸引了Richard的注目的又是什麼呢？ 

和lewis一邊離開攤展，我一直心裡內想著。 

由於時間不早，我和lewis到了會場附近的一間餐廳晚膳。 

兩個男人出去吃飯倒是不用顧忌太多，哪國的菜不是問題、能放進口中便成了。 





「喂lewis，你而加住緊邊？我記得係屋企唔係附近架喎」等待上菜間，我挑起了話題。 

「屋企既話都係該到，同以前一樣無搬過。但哩幾日其實我就book左會場附近既酒店，聽朝check out。」 

「咁近？咁食完飯你上黎算啦，我用公司錢book到後日阿酒店，不過就遠少少、四五個字車左右。」 

「喂，好喎、你房有冇winning玩？」 

「痴線，無啦啦邊度有winning玩呀。」我喝了口茶、笑了笑，回想起美國留學時、走堂通霄打機的日子。 





LEWIS也搖了搖頭乾笑幾下，然後清了一下喉嚨說：「係喇，頭先又發生咩事？你抄既係咩黎架？」 

「就如我頭先咁講、我又遇返個女仔，但頭先比你睇、你又睇唔到佢，之後佢係遊戲入面帶左我去一個地方。欸……你記唔記得EXCEL95 咪有個地獄之門既彩蛋JOKE既，佢就係帶左我去該到。」 

「咁靈異？！咁之後呢？」 

「無，起初個女仔一入去就唔見左，但一路行到盡頭、打開左道門就見返佢，仲有既就係一串奇怪既數字。」 

「就係你抄果幾行野？」 





「係。」我從文件包中翻出剛才的筆記紙。 

「拎黎睇下？」Lewis倒也不客氣的一手從我處拿了過去。 

隨即，他便因把我手抄的數字串看得出神而眉頭深鎖、夾出了一個『人』字型。 

片刻，lewis說了一個我從沒設想過的問題。 

「咁你咁講，我覺得其實背後係有一個人用左種唔知咩既途徑去將件事隱藏於所有人、除左你，目的就係為左令你知道這一行數字。」lewis把紙反了過來對著我，然後指著37.4739496 -122.1570595 的一行。 

「你聽過coordinates未？」 

「咩話？」那英文單詞我聽不懂。 

「即係中文既……經緯度。」