望山的女孩: 第二十章-聖誕party
第二十章～聖誕party
經過咗之前守秘密嘅事，我同詠芝嘅關係可以話係每況愈下。
為咗挽回我僅此一個嘅朋友，我決定唔可以再畀呢種每況愈下嘅關係繼續落去，我要作出改變，同時亦都係為咗我嘅英文功課。我今次
一定要令到佢對我嘅好感重拾返返嚟。
講就易啫，但邊度有實踐嘅機會先得㗎。
兩個禮拜後咪有個聖誕party囉，一於就喺聖誕party嗰陣時去隆重「表白」。 嗱，唔好諗歪咗呀，我講嘅嗰個表白只係朋友對朋友之間
嘅心靈上嘅對話而唔係戀人嗰啲呀。
點知呢個機會一開始已經唔成功，仲要差啲畀我打消埋個念頭添。點解？因為嗰日又嚟咗一個轉校生囉。仲要係由一間band1嘅名女校
轉過嚟嘅添，即場我嗰班為數不少嘅狗公沖曬過去同佢打好關係，而我都係好基友陳庭佳嘅半推半撞嘅情況下，行咗過去同佢打招呼。
點知呢一打唔緊要，小息詠芝就冇理我直接沖咗去小食部買嘢食。
當時我心諗，既然我同佢嘅關係越嚟越差，睇黎個計劃都要快啲諗好先得。
～～～～～～～～～～～～～～～～～～
鐘聲響起歸家的訊號，冇錯又係每日學生最鍾意嘅時候啦，放學啦。
如果換轉係平時嘅話，我會同班基友一齊去機鋪打機。首先講明先啊，我係唔鍾意打機，係比基友推咗我入機鋪嘅啫。
之不過，因為我想搞番好同詠芝嘅關係，我已經成個禮拜都放學留低喺學校寫企劃書。
我嘅表現就連陳庭佳都覺得驚奇呀。
佳：「喂你又唔走呀？唔係呀？咁即係又係我自己走啦！」
我：「係呀。」
佳：「妖，有異性冇人性。」
我：「有異性冇人性？咩黎架？」
佳：「你真唔知定假唔知呀？」
我：「真唔知。（︶︿︶） 」
佳：「咁等庭佳哥哥黎教你啦！（﹀∀﹀）你想要文藝D嘅解法定唔文藝嘅解法啊？」
乜呢啲都有文藝嘅講法㗎咩？算啦，都應該冇好野㗎啦！
我：「我揀..唔文藝嗰個。」
佳：「你條撚樣，竟然咁重色輕友都有嘅，正一仆街黎。」
我：「......」
佳：「......」
我：「咁，文藝啲嗰個呢？」
佳：「你條向左走向右走樣，竟然咁重色輕友都有嘅，正一hihi黎。」
我：「......」
呢位同學，我唸我都係時候搵個歷史老師同你補補歴史，如果唔係，我驚你夜晚會見到四隻僵屍形態嘅人行入你間房，而復興四子嘅棺
材板早已彈開咗。
之不過錯有錯著，庭佳講嘅呢番說話，呢個『重色輕友』，令到我返到屋企就開始反思並係一片迷惘之中搵到答案。
冇錯，我係唔應該重色輕友嘅。所以我為咗要補償番友情，我決定今次黎個『重友輕色』嘅計劃。
於是當日.......
佳：「 喂早晨呀羅賓，做乜咁嘅樣呀。係咪因為琴日太興奮，諗住同我放學去邊間機鋪玩而興奮到瞓唔著呢？真係辛苦晒你。」
我：「唔辛苦，唔辛苦。」
我心諗，我夜瞓關你鬼事咩。再講，我都冇諗過同你去機鋪打機。
無視咗埋伏喺門口嘅佢之後，我行咗入課室，準備開始實行今日最偉大、最宏偉嘅計劃。至於係咩計劃呢？到時你咪知囉。
~~~兩個禮拜後~~~~
佳：「喂，準備好未呀？」
我：「準備啲咩呀？」
佳：「你唔係準備向詠芝表白㗎咩？」
佢講既係表白心聲嗎？
我：「吖係，你唔講我都唔記得。」
係呢個時候我拎出收埋咗喺我背後已久嘅一束花，呢個唔係一般嘅花，而係我花咗兩個禮拜時間，用喺誠品到買嘅紙整出嚟嘅紙花。希
望可以用呢一束花去化解我同詠芝之間嘅誤會，同埋做番好朋友，點知陳庭佳呢條友以為我係拎束花去表白。
我環視課室，主角喺曬度，準備，3，2，1
詠芝：「我有樣嘢想同大家宣佈。」
咦，我咩都未做喎
詠芝：「我拍拖啦！」
………
全班：「下！！！！」
全班之所以咁嘅反應，都係因為詠芝佢前嗰排心情低落嘅時候，講咗句『 邊個拍拖先就死全家。』， 再加上人人都以為我同詠芝玩得咁埋，應該係真命天子，估唔到詠芝會咁快公開宣佈。
詠芝：「嗰個人就係隔離班嘅魏博文。」
咦，乜唔係我咩？
庭佳聽到之後，馬上狗衝過黎。
佳：「唉，係咪衰呢？叫咗你唔好拖咁耐先表白㗎啦，而家俾人截你胡啦！可惜、可惜。」
聽到呢句話，我嗰隻拎住纸花嘅手慢慢垂低。
唔甘心就梗㗎啦，明明我俾嗰個魏博文早咁多開始。
呢個時候，係唔係應該播翻啲回憶片段？
咦，我明明都唔係鍾意佢，點解會有種扎心嘅感覺嘅？
無論如何，望見詠芝咁開心俾咁多人圍住，自然唔好意思行過去打擾人雅慶啦！
所以，我還是先行離開吧。
~~~~~~~
啊，鬧鐘響了，也是時候上班去了……對呢，我現在是休假中啊，根本不用上班。既然是在休假中，那就盡情休息下吧。
我從床上爬了起身，看了一看床頭旁的時鐘。嗯，時間尚早。以我這種工作狂來說，是不可能再躺回被窩中的了。還是像個上了年紀的
叔叔一樣，落去街晨運和飲早茶吧。
慶幸由於是上班曰，所以茶樓並沒有太多的人，不僅令到顧客用餐時的舒適程度大大提升，更令我可以秒速殺入去。真是寫意的生活啊！
「哦，二位嗎？請坐這邊吧！」服務員把兩個人領了過來，接著他們便坐了下來。
「咦，羅Sir？咁啱嘅？」
呢把聲係？我轉過頭去查看，想不到竟然是蘇子悠兩兄妹。
「羅Sir咁得閒嚟飲茶嘅？唔洗返工咩？」蘇子悠說道。
蘇子悠是我出來做老師教的第一批學生，而在他旁邊的那個就是她的哥哥蘇子峰，目測22歲。
「無，我放緊大假呀嘛。平時掛住返工，都好耐冇嚟過飲茶。見難得放假，咪嚟放鬆下、食下久違嘅叉燒包咁囉。你呢？唔洗返學
咩？」我反問她。
「一睇就知，我啱啱放學就趕過黎啦！」她說。確實，在這個全是上了年紀的人的一間茶樓，居然坐着一個穿着校服的「小妹妹」，不太正常。
在隔壁桌子的一個五十歲以上的老伯，把視線集中放在子悠的裙子上，並露出猥瑣的笑容，我彷彿猜到那老伯的思想，是多麼的不當、
多麼的色情。
我正想提醒子悠要小心那老伯時，那老伯卻轉移目標了。是那老伯良心發現了嗎？不，是因為子峰在死死的盯着他。那兇狠的眼神，就像在告訴那老伯「你敢動她，你死定了！」。
唔……是一個很保護妹妹的好哥哥呢。
他掉轉頭，問我：「羅Sir？冇野呀嘛？」「冇，冇……」無事就奇啦！
我問：「係呢？子悠你而家讀緊邊間中學呀？」
子悠側了側頭，微笑着回答我：「咪德望中學囉，你咁都唔知。」
我又真是的，明明校服上就有校徽，這都要問……
不過在我看來，這段如低能般的對話似乎也能挑起子峰的不滿。為甚麼我知道？因為他那討厭的眼神又出現了，而今次他的目標不再是
甚麼咸濕啊伯，而是我。
唔，容許我修正一下剛才對子峰的評價。這個蘇子峰是一個……正宗的妹控呢。