望山的女孩: 第十七章-查案（上）

第十七章～查案（上）

 話就咁話啫，實際上我都唔知點樣搵嗰個人。

畢竟我都未做過警察又或者偵探呢類型嘅工作，咁我又點會識查先得㗎！

不過經過我睇咗多年金田一嘅經驗，我大可以將查嘅方法分成幾個步驟。

第一步：搵返當時人問。





呢到嘅當時人並唔係芷嘉，而係嗰個同我講呢件事嘅人。

事不疑遲，馬上去搵嗰位同學啦！

（A few moments later..）（一段時間後....）

……..

奇啦？點解我行晒全個學校，行晒所有課室、特別室都搵唔到佢嘅？





唔通佢今日病咗？

如果係，咁就冇辦法啦！

唯有等聽日啦.......


我抱著絕望嘅心情行返教員室。喺途中，我撞到一個訓導老師。由於喺我哋學校教務處同訓導處一向都唔太啱傾。今次機會難得，所以

我就同佢傾咗一陣計......

我：「喂李Sir，咁趕做咩呀？」

李Sir：「冇。有個學生因為打人，緊急送咗去訓導室接受訓導咋嘛！」

我：「訓導老師嘅工作真係辛苦呢！而家啲細路又係嘅，做野都唔唸後果嘅！」

李Sir：「其實都唔係好辛苦啫。而且班細路都其實本性善良嘅，係一時唔不心誤入歧途啫。」

我：「咦，你唔嬲㗎咩？」

李Sir：「有咩好嬲姐？所有人都試過走錯路㗎啦！係呢，你好似好愁咁喎，林芷嘉嗰班又唔聽書啊？」

正如我之前所講，林芷嘉呢個名真係無人不曉。





我：「唔係......」

我忽然間靈機一動，萬一嗰個俾人拉去訓導室嘅學生就係我要搵嗰個呢！

我唸到呢到，不禁冒出冷汗。

咪咁快下定論住。總之，先進行初步確認先啦。

我：「李Sir，打人嗰個學生係咪F.5㗎？」

李Sir：「係呀，你點知嘅？」

Oh shxt！唔通真係？！





我：「我可唔可以去睇下啊？」

李Sir：「ok嘅......只不過點解你突然有咁嘅唸法嘅？」

我：「冇，我由细到大都未入過訓導室，唸住人生一定要去一次訓導室咋嘛！」

李Sir：「...........，好......（-_-#）」

我相信我已經唔小心引起咗呢位李Sir嘅不滿。

確實，差唔多每一位香港學生都入過訓導室，無論係好學生定一或係跩學生。好學生之所以入去，十有八九都係入去做證人。而跩學生
大多都係犯事俾人捉入去。喺香港呢啲咁多人入過訓導室嘅情況下，我竟然神奇地冇入過訓導室。

好，不滿還不滿。李Sir最尾都係帶咗我去訓導室。





唔知以前我讀果間學校嘅訓導室係點嘅樣㗎呢？我發誓一定要入一次我以前果間中學嘅訓導室。

我唔知以前中學果間訓導室係點嘅樣，但好肯定裝修比我哋呢間中學遜色好多。嘩，間訓導室仲大過我屋企，冠冕堂皇嘅地板......咦？！
我好似關注錯咗重點。

不出我所料，嗰個線人真是在訓導室。

為咗等佢出來，我可是在門口足足等咗兩個鍾，是兩個鍾啊！你究竟知唔知兩粒鍾係咩概念？！

最後，我終於等到啦。