望山的女孩: 第十四章-實習老師（下）

第十四章~實習老師（下）

詠芝：「喂呀，羅賓叔叔，係時候黎打救世界啦。」

我：「又打乜Q救呀？」

詠芝：「唔係呢……啫係呢……個實習老師教得又快又模糊。嗰啲咩直接抒情，我點識啫？！」

唔係下話？直接抒情都唔識？！你究竟係唔係中國人黎㗎？呢啲野……BB都識啦！小姐。





我：「咁你具體啫係有乜野唔識呀？」

詠芝：「…………全部。」

我：「…………」

我呢刻嘅心情係崩潰嘅。唔係掛？！

詠芝：「多得濟啊？Sorry囉！嗱，最多咁喇，我請你食飯啦！」





唸返上個星期嗰幾餐Lunch，都係佢話請我食。然而，冇一次係請我食正餐應該食嘅野，全部都係魚蛋燒賣。導致我一個星期都營養失
衡。

我：「欵，唔洗喇。次次你請親食飯都冇好野發生嘅！」

詠芝唔耐煩咁講：「咁你想點啊？賓少。」

望見佢嬲到爆個樣，我知道.........千祈唔好再刺激佢。

我：「身為一個紳士，點可以要個女仔請我食飯架。不如我請你食飯啦！」





頭先仲嬲到爆嘅詠芝，突然喺一瞬之間對住我笑容滿面。真係女人心海底針，好難捉摸啊！

咁作為我今次成功估到詠芝嘅心嘅獎勵，最終，我地去咗食吉野家。

雖然唔係話食得好好，但係都叫做有啲正餐食下咁，唔使再搞到營養失衡。

就係咁，我變咗詠芝嘅私人中國語文課外補習老師。順帶一提，呢個都係導致我想做老師嘅契機嘅其中之一。

~~~~~~~~~~~~

等到我瞓完唸完、係返身嘅時候，已經係六點。

喺呢個時間，仲留喺教員室嘅。估計得返我同埋其他要出卷嘅老師。正當我唸住趁冇乜人、走出教員室嘅時候，我見到一個喺我意料之外嘅人。





我：「咦，你點解會喺到嘅？」

芷詠：「冇，我喺度改緊3D班嘅功課咋嘛。」

我：「其實唔洗對3D班啲功課咁上心㗎喎！如果你趕時間嘅話，可以擺低俾我做㗎嘛！」

芷詠：「話晒呢班都係我教學生涯嘅第一班，梗係想做好教好佢地㗎啦！同埋........」

我：「嗯？」

芷詠：「....羅傑賓老師，你嗰班同學都錯得好離譜喎！不如你........」

弊，瀨野...

我：「我醒起仲有啲嘢未做，我走先啦！」





說罷，我徑直向校門奔去，頭也不回。

好彩走得切啫。如果唔係，我應該俾佢留低咗㗎啦！

~~~~~~~~~~~~

話時話，都七點啦！我仲未唸到今晚食咩。唉，連自己想食咩都唔知，真失敗！
我邊喺條街到漫無目的行，邊喺到唸食咩。

突然間，我見到前面有個好熟悉的身影。我好肯定呢個人就係林芷嘉。唔知點解，我永遠靠個背影都可以認得出啲學生邊個打邊個㗎喎。

我：「喂同學，記唔記得我哋學校嘅校規啊？」

佢好明顯知道我講咩，但係佢都係冇擰轉頭同我講嘢。





芷嘉：「羅Sir你想講『放學後不准在街上』嗰條？但係我而家行緊返舖頭開舖喎，應該唔計㗎可！」

我：「吓，乜原來你而家行緊返去開舖呀。咁我又去。」

芷嘉：「你冇飯食咩？」

家陣串我呀嘛！

我：「係呀！」

你好彩！如果我今日唔係真係肚餓嘅話，我呢個唯一嘅客人真係唔鬼幫襯你。

芷嘉：「咁好啦，本小姐就免為其難咁煮俾你啦！」





我：「但我冇帶錢喎！」

芷嘉：「okok……...咩話？！咁大個人都唔帶錢出街？！冇辦法，咁唔食得啦！」

我：「唔食得就記缺點一個。」

芷嘉：「吓？啊Sir你咁公私不分嘅！」

我：「咁而家仲係咪唔食得？」

芷嘉：「唔係.......」

就係咁，我又R到一餐免費餐啦！

而家啲細佬女真係易呃。