《當世界剩餘最後一小時》: Ch.3

一座樓宇單位中，

一對老夫婦剛知曉世界未日的消息，他們的反應有別於一般的人，反而表現得非常平淡。

伯伯有感而發地說：「以前拍拖嗰時就氹你話不能同年同月生，但求同年同月死，估唔到比我講中喎。哈哈，你都係注定死都同我一齊㗎啦。」

婆婆沒好氣的無視他，自行走到櫃前尋找物品，多年都沒有打掃過的物品經已鋪着厚厚的塵埃，她從眾多相簿中拿出一本最簿、卻最為泛黃的相簿。

相機能夠捕捉人們不願忘記的每個時刻，
記錄住當時的我們，




儘管此時此刻，我們都年華老去，
不過相片則能保存着最風光繁榮的我們。


婆婆甜絲絲地看著相片中的一對情人，男的慌張地向相機方向跑去，而女的只在背後偷笑，令人難以猜透當中意思，「又睇？成日記住我啲樣衰事蹟，明明我就有咁多威水史！」伯伯問道，婆婆笑言說，她很喜歡這張照片，當時伯伯提議在夕陽時下拍出彼此的剪影作紀念，怎料到突然下起大雨，伯伯緊張地上前保護相機時，定時自拍系統竟把這幕拍攝下來，

那刻的滑稽，變成了永恆。

原來，伯伯原先打算拍攝時向婆婆求婚，讓定時自拍系統記錄這片段，可惜因下雨而導致伯伯的全盤計劃都成亂子。





但是，婆婆反而把這畫面記得一清二楚，而且每看一遍都會笑不合攏。

只因，她喜歡看他着緊的模樣。

就如，每次他擔心自己所表露出的表情。

之後，她仔細的把相簿內所有相片重新頃閱一次，彷如要把它們全都記入腦海中。

因為，相片不僅是圖像，
更是，你我之間的回憶。





伯伯看不過眼的插嘴：「唉呀，你都睇咗咁多次啦，仲未睇夠咩？而且你望緊嘅都係以前嘅我，不如睇下宜加呢個寶刀未老嘅我！」

婆婆合上相簿，滿足地牽着伯伯的手：「我想將以前同宜加嘅你都記入腦，我老啦，開始唔記得以前發生嘅事，所以我想直到死都記住你對我有幾好，無論係以前定宜加。」

「重要咩？只要你記得我愛你就夠啦。」

他們坐在梳化上，互相依偎著對方，緊緊牽着彼此的手。

「一生人咁長，邊一刻令你最深刻？」伯伯打破沉默問道。

「同你一齊嘅每一刻。」答案令伯伯出乎意料之外，本以為答案只是結婚而已，他靜靜聽著婆婆的解釋。

「原先我份人又大頭蝦，又對感情木訥，我真係無諗過自己會揾到陪自己過成世嘅人，點知，你就出現咗。起初我都對你無乜感覺，但慢慢就覺得同你一齊好開心，咩煩惱都唔記得曬，你又會開解我。去到你同我表白，我先意識到自己不知不覺中就鐘意咗你。後來發現到，我嘅人生係因為有你先叫做有翻啲色彩，先知道咩為知愛。
細個嘅我對以愛情做題材嘅書一啲興趣都無，好記得有個朋友同我講：『你宜加可能唔鐘意，但日後你嘅人生就有大半係屬於愛情。』





當時我無在意佢講嘅嘢，後來先發現又比佢講中喎，我曾經最唔重視嘅愛情，竟然會成為我最重視嘅嘢。 」
婆婆閉上眼在回顧一生，最後露出最快樂的笑容。伯伯亦甜笑地回應：

「遇上你，都係我一生人最幸福嘅事。」

所有的快樂泉源，
只因有你。