《DSE幻想校園(一)》── 從這裡開始 (Do Something Easy): 第二節：從宿生長開始 4.1

「Tutor！我張宿生證用唔到嘅？」

「你唔可以將八達通放埋一齊用㗎……」

「Tutor！我唔記得帶Card！房門鎖咗呀！」

「你去辦公室搵Man Sir，或者去搵保安囉……再搵唔到人先幫你用『非常手段』……」

「Tutor，廁所無廁紙呀！」





「搵清潔嘅麗姐……再唔係自己喺洗手盤下面個櫃度搵，應該有卷裝放喺度……」

「Tutor……有四腳蛇呀……」

「……妳Call滅蟲公司啦……」

「Tutor……點解我房上唔到Wifi嘅？」

「……佢唔鍾意你囉……」





「Tutor……你有無蒸氣熨斗借嚟用？」

「……蒸氣同熨斗都俾到妳……加埋就無……」

「Tutor……點解洗衣機無反應嘅？」

「……你未拍卡，要確認咗先用得……」

「Tutor……我間房西斜……好曬呀！」





「……咁妳想我點幫妳……睇住個日落都浪漫呀……」

直到開學前的星期六，男男女女的宿生都不厭其煩地問道我五花八門的問題，明明女生的負責人是希桐，為什麼大家都來找我？

「無辦法啦……因為你有個好朋友叫超人，知唔知佢最出名係咩？」

身為超人的親密戰友 ── 佩君故弄玄虛地對著我說，她怎會不知道！於是我也故弄玄虛地回應：

「係咩？我唔知喎……佩君小姐，可唔可以話我知呢？」

她被我的扮聲弄得掩著嘴笑，還用手拍了我一下，很痛……

「咪就係大好人囉！佢喺度周圍幫你賣廣告，有邊個唔知你係中四級嘅Tutor呀……」

早上八時，早餐的時間過了，我跟佩君坐在草坡上等待約好了的阿鼎及超人打羽毛球。雖然大部份同學已經入宿，但還是習慣躲在自己的房間，對四周的環境也不感興趣。或可能說大家正忙著整頓自己的新生活，無論是學校或是宿舍也是個新體驗，我們人類就是一種有很強適應力的生物，只要慢慢習慣下來，相信大家便很快適應了。





這時，在向岸風的帶動下，我隱約聽到一段旋律，輕微得似乎只有我才聽見。

「……你喺度望咩？」

「妳聽唔到有聲咩？」

「……樹聲就有……仲有咩聲？」

節奏緩慢，大概是風吹樹聲的嘈雜下，令佩君分不清楚，我示意想離去看看。

沿著宿舍離開，繞過圍欄，在西面的公路是一個海灣。石堤之外的遠處可見一個荒島，而其他的地方只有大海，或是在迷霧中可見定期的大型貨船駛過。早上的海灣，被東邊山上的朝陽射在水平線上的海面反射出閃爍的光芒，令這裡成為了附近一個朝陽也好、黃昏也好，兩者各有特色的景點。

我隨著音樂走來，聽見是來自海灣碼頭的小號聲，應該是Vinci ── 那個擅闖天台的神秘女生。在她對海演奏時，我一直站在她的後方，直到她完成一首樂章。





(待續)