《DSE幻想校園(一)》── 從這裡開始 (Do Something Easy): 第二節：從宿生長開始 1.2

「卓龍？做咩咁得閒嚟健身室？搵我有事？」

在跑步機上選擇模式的健壯短髮男人，是宿舍的男導師 ── Man Sir，他任何時候也穿著運動裝。

「Man Sir，你係咪話我間房會有新同學嚟住？宜家都差唔多五點，點解咁耐都未嚟嘅？」

Man Sir見我有點著急，卻用輕鬆的口吻回道：

「可能唔係今日搬入嚟呢！仲有幾日先開學，你好心急想知邊個係你同房咩？」





這問題有點多餘，我當然想知！他又說：

「……你宜家係師兄嚟㗎喇，之後要好好幫下新同學……」

「哈？我怕人哋唔想我幫佢啫……」

Man Sir對我過去的事不太了解，加上他四肢發達、頭腦簡單，根本不會明白我們這班小朋友的思維。

這時，從外突然傳來一陣小號聲，與今早聽見的是同一首樂曲，應該是她。





「啊……又係呢首歌……」

Man Sir深深吸了一口氣，感慨萬分的樣子，再說：

「……你有無睇過宮崎駿嘅《天空之城》？」

我點點頭，還依稀記得這個故事。Man Sir解說：

「……套嘢一開始就講女主角喺天上面飄咗落嚟，期間失去意識，被男主角接住咗佢。到第二朝，就被男主角喺屋頂吹住呢首歌嘈醒。宜家每次我聽到呢首歌，都會諗返起嗰套卡通片嘅畫面！真係好懷念……」





Man Sir將視線回到跑步機前，微微調整了一下斜度後，按下「開始」，跑步機便運作起來。

「吹喇叭(即小號)嘅人應該係今日先入宿嘅同學，你去幫我提一提佢，宿舍範圍內係唔可以玩樂器，會影響其他同學。」

「……呢啲唔係你嘅工作咩？點解係我呀？」

「係喎，唔記得同你講添，我已經私底下委任咗你做中四級嘅宿生長，聽日會出通告公佈呢件事，宜家就俾個機會你，試下點同同學相處！」

「下？」

「做咩呀，你宜家係Pre-tutor嚟，應該要試下幫新入宿嘅同學㗎！」

「但……聽聲好似係女生宿舍嗰邊嘅天台，應該係女仔嚟喎！嗰度係男生禁足㗎！」

「放心啦，頭先一直都無收到通知有其他女生入宿，無問題嘅，快啲去搞掂佢！」





看著Man Sir一呼一吸，開始專注在跑步機上，已單方面將責任交給我了。

「Pre-tutor……我先得嗰十五歲，就當正我係大學生……真係……」

我走出位於地面的健身室，抬頭一看，被宿舍的建築界定了天空的範圍，當中的蔚藍漸漸染上橙黃，快黃昏了。

要是平常，我會獨個兒走到天台，待巡視的保安檢查了天台的門後，借機會走出門外，看看一個沒有界限的日落。因為那道門是唯一在宿舍沒有被電腦控制，由室內的人手鎖上，所以在內也可以輕鬆打開。可是這次是要走進女生宿舍的天台，踏著的每一級也感覺在犯禁。

當我走到門前握著手柄時，小號的演奏剛好完成，那時正好給我機會思考。

既然同學已經停下來，我就不用去說什麼，要是誤會了我來說教，惹起不必要的紛爭，我的中學生活就更加困難重重，現在這樣太好了，我可以減少與對方的摩擦！

本以為這就是最好的決定，下定決心，準備離開……





這時，都是我的觀察力惹上禍，發現門被人手反鎖了！這不太好，就是說那同學已被困在天台，無法離開。估計是同學偷偷上來後，巡視的保安沒有留意天台是否有人，習慣地鎖上了。這……沒理由讓同學在外不理……

唉……算了……

「咔擦！」我扭開門鎖，往外走出去。

(待續)