《DSE幻想校園(一)》── 從這裡開始 (Do Something Easy): 《DSE幻想校園花生區》(七)

《DSE幻想校園花生區》

佩君：開一條扶手電梯到底有幾嘥電？ 
卓龍：做咩咁問？ 
佩君：今朝返學想經商場三樓出去返學校，之後見到兩個阿婆，一個用左手柺杖，一個用右手柺杖，前後唔夠一個身位，大家都過唔到。
超人：嘩！咁都俾妳遇到咁黑仔？ 
佩君：唔係黑仔嘅問題，屋村商場就係咁常見呢種情況！ 
焦爺：環保呀嘛，最大條道理開源節流，妳唔明架喇。 
佩君：咁唔該佢唔好拍咁多宣傳片講到自己咁服務社會喇！開返電梯俾行動唔方便嘅人就得喇！ 
陸輝：哈！君姐！妳有所不知，公關形象係同企業發展係無關係，即係好似妳成日做義工服務咁，幫學校建立正面形象，但唔代表呢間學校係好正面處事。 




佩君：講咩呀？我做自己鍾意嘅嘢之嘛！ 
Pinky：即係公關部只係做返公關責任，會計就做好盤數，Marketing 就只好用睇市場需要做策劃，各有分工咁滿足老闆淨係想賺錢嘅要求。 
佩君：嘩⋯⋯咁煩架！我只係想大家關心返個社會即⋯⋯ 
樂儀：算喇，如果講係有用，特首就唔會係輕家呢個喇！ 
特首：⋯⋯關我咩事？

眾人：唔係話你呀！