《DSE幻想校園(一)》── 從這裡開始 (Do Something Easy): ［請問有無DSE幻想校園］(十一)

［請問有無DSE幻想校園］(十一）

希桐一個人走到附近「書店」，開始執行今日的任務！
她十分苦惱，習慣走到買筆的櫃臺，視線由6B檢視到6H，彷彿也沒合心意，最後還是將焦點落在遠處的新書區。
「唉⋯⋯點開口呀⋯⋯」
正當希桐抱怨著這次行動的同時，發現一個美術用品的售貨員為自己的產品感到疑惑，被上前購買貨品的暴燥太太問得無法回應。
「你睇下，呢個筆頭一用就爛！裂開兩邊，點比我個仔練西洋書法呀？」
「對唔住，雖然呢支都係我哋公司嘅產品，但唔係我呢條Line, 何況我都唔清楚呢件產品嘅情況⋯⋯」
「我理得妳咁多，仲之有問題就要退貨！」
這時，希桐突然上前對太太說。




「太太，妳所用嘅呢支筆係寫美術字用，用力一壓就可以將鋼筆頭分開兩邊，將寫出嚟嘅字變成粗體，放輕力度就可以收窄筆畫，所以只要順住筆勢嚟寫，就可以做到好似毛筆字寫「撇」、「捺」、「鈎」嘅效果，不過當然主要係用係英字母到。」
希桐禮貌解釋過後，連售貨員也恍然大悟，亦令在場的太太呆了一秒。
不過一會，太太又發作：
「關妳什麼事？妳是這公司串通扮客人的嗎？係就快啲退返錢比我！」
「妳講咩呀！我只係想話比妳知妳買錯筆，唔係支筆有問題呀！妳買個時無問清楚sales嘅咩？」
「我點知咁多！我又唔係專業！根本就係妳哋嘅責任，快啲退錢！」
「妳都幾蠻架喎，人哋都話咗唔係負責呢方便嘅嘢，妳要吵咪打去人哋公司到嘈囉！」
「我先唔好似啲八婆咁係人哋公司到賴死！要吵就一定要係counter吵！妳係咪話到事？係就快啲退錢！」
「妳都傻，我路過見到有事想幫手解釋一下之嘛！估唔到妳都唔係講道理，講咩都無用。」
「妳呢啲壞鬼廢青無用學生淨係識搞事！錢都未識賺就係度學人講道理，坐係馬路訓下街跟住話又要呢樣又要個樣，畢咗業之後咪又係死狗咁一日做十幾個鐘，到時我睇下妳點死，仲係咪咁鐵咀雞咁啄啄啄！」




聽著，希桐的怒氣已經燒到頂點：
「妳個八婆！妳睇唔起自己係妳嘅事！唔好睇唔起香港嘅學生！最少大家都用時間爭取過自己覺得理想嘅生活，而唔係好似妳班奴隸咁一味係到做做做，做到7-11咁一味只係想繁榮安定，宜家做壞咗個頭要我哋下一代無覺好訓咁維持妳哋想要嘅繁榮！我先唔希罕呀！」
結果暴燥的希桐在書店內跟太太大罵起來... ...

第十一回完（大概不成功⋯⋯不過是另一種成功）