[新手]兵都可以做將軍: 二.學生會

聽完班主任同校長廢up之後就到小息， 一到小息就梗係去樓下canteen買野食啦，
「誠仔，我有嘢益你呀，一陣放學嚟教員室搵我。」
啱啱同我講嘢既就係由中一開始做咗三年班主任既盧Sir，
「喂呀誠你又做咗D咩嚟，搞到盧Sir又嚟搵你？你係咪尋晚同人哋個女訓完嚟？」呀威搞笑咁講，全部人都將眼神望落我到，期待我點答佢，結果我想答既時候曉琳經過，成班毒撚見到女神行到附近全部都目不轉睛咁望住女神，跟住都冇人理我想講咩，全部開始討論女神，
「女神係我㗎，你哋咪撚再望佢啦」
「我實用床上功夫，令女神屈服我」
D人開始FF咁女神係佢，而我係度諗盧Sir會有咩益我。
keep住li個疑問去到放學，放學既時候同呀威交代聲就去咗搵盧Sir，一去到見到盧Sir已經係教員室對面間班房等緊我。
「誠仔快D過嚟，嗱li份嘢就係我想益你既嘢，裏面D嘢差唔多搞掂哂㗎啦，仲有未填既嘢就係留俾你搞啦，冇咩事就走啦。」
「Andy哥(盧Sir英文名)，我得罪你D咩，你竟然叫我選學生會，明知我對li D嘢興趣不大，做咩要咁搞我......」




「得啦，我問過幾個老師佢哋都話你適合做㗎啦，冇得唔選呀，如果唔係後果自負。」
屌佢講到咁即係一定要硬食啦，打開份嘢，裏面D老師推薦簽名已經簽哂，學生推薦簽名都齊，只係差內閣名單同埋政綱，睇嚟盧Sir真係好想我選，點算好呢...屌都係快D搵翻呀威佢哋先。
行去餐廳既時候又見到曉琳，今次佢身邊有個男仔，個樣唔錯，又高又大隻，應該係佢男朋友嚟既，不過就算佢有拍拖都正常吖，話哂都係級女神，去到餐廳既時候，呀威成堆人問我盧Sir益D咩俾我...
「陳會長，今年靠你幫我哋班毒撚發聲啦」
「喂內閣名單有冇位，我想做個幹事仔，起碼成績表裏面都有寫學生會幹事吖」
「設計個電競比賽，俾我哋可以show off自己打機有幾勁，整到D女仔睇到成地水」
當我講完之後，佢哋就講咗上面一堆嘢。
唉睇嚟今次都幾難過啦，學生會既嘢都係等聽日先諗，反正仲有成個禮拜先截止。

《淪為行過寵物 貓狗了解我的淒慘-寵物》