再來一次

「再黎一次。」我用力拍咗落眼前橙色嘅按鈕，然後靜觀窗外嘅變化。睇到窗外係短短五分鐘日夜不斷交替，我就知道我好快可以番到三年前。
我踏出房門，行到客廳開着電視，啱啱好播放住六點半新聞報道。「經過連日談判，195國終於在巴黎氣候峰會達成共同協議...」見到呢一則新聞，我就知道我成功番到去2015年。
「做緊咩呀？」手機傳來Kelvin嘅一個whatsapp。收到呢一個whatsapp，我就更加可以確定自己番到三年前，因為我今次再番黎正正係因為呢個人，而今次亦係我第三次番到黎。
「唔好嬲我啦，原諒我啦好冇?」
「我錯喇，對唔住呀:( 」
「唔好唔應我啦」
電話不斷咁彈出Kelvin傳黎嘅whatsapp，而縱使經歷過三次同樣情況嘅我，對住佢不停咁傳黎嘅訊息依然都係束手無策，皆因我深知佢咁做只係想敷衍我。
「嗯，冇嬲喇，我瞓先，早抖:) 」
「Goodnight <3 」