我竟然鍾意左...！？: 第二十七章

我實在唔知究竟發生咩事，啱啱見到既野都好似唔屬現實呢個世界咁！

「冷靜少少先陳啟明！」我走左入廁所洗一洗面。

現實少少咁諗返件事，大概估到既就係我同雯雯一早就識，好有可能係有關係添。而啱啱見到雯雯都覺得好驚訝，佢應該係唔知情。即係話當中應該發生左意外，令我地都變得素未謀面咁。

我望住鏡入面既自己，望下自己究竟有呢個心理準備未。因為出到去，就代表著要接受真相。

「好！」我終於鼓起勇氣，出左去搵返佢地。





「唔好意思啊阿明，我有少少事，我走先啦。」一出到黎，雯雯就用一把沙啞既聲音同我講。

雯雯佢，一眼都冇望過我。一路只係望住地下.....

「洗唔洗我送你啊？」我大聲咁問雯雯，亦趕緊加快腳步，搵返出到餐廳門口既雯雯。

「唔洗追佢啦。」我被冷酷無情既一句打斷左行動....心中藏住既，只係得翻擔心同埋想知道事實呢兩樣野。

「究竟我同雯雯，發生左咩事？」我只能夠靜靜咁，一步一步行返去張枱，坐返埋位問Samantha野....





「我諗，你應該知道自己既真正身份係咩啦。」面前既Samantha，變左另一個人一樣。冷酷無情既語氣，冰冷而帶給人不寒而慄既雙眼，令我完全唔敢離開佢既視線。

「夢入面話我聽，我係一位天使。」

「夢？」呢樣野竟然連Samantha都唔知。

「呢個夢好耐以前已經出現啦，開頭個老師就會講............之後個夢大約就係有個女仔不斷同我講對唔住，仲話係佢害左我。就連我係天使都係佢話我聽。但兩個月前開始就冇再發過呢個夢。」

「原來係咁～」Samantha好似諗通左D野咁，但我當然仲係咩都唔知啦....





「無錯！你的確係一位天使！但係我要更正少少野。」

「唔係掛！？呢個世界真係有咁唔現實既野發生！？但係....你要更正咩？」我當堂O左嘴！除左Oh My God之外我已經講唔出其他野。

「首先，呢個傳說(傳說既詳細可以睇翻第一章)只係得部分係正確。」

「你終究要為到某位捨命，3日後復活。但係，兩條命都冇左就真係名副其實既Game Over啦～」

「下....呢個眾所周知既坊間傳說竟然如此？」

「所謂既天使，只不過係多其他人一條命，同埋有著一顆純潔既愛人之心。但正正係呢一顆心，最為可貴。」

「咁即係話，除左捨命之外，亦都有第二條路行，就係過著幸福快樂既生活啦？」我好冷靜咁反問Samantha。

「冇錯。」Samantha既語氣稍微變得有點慨嘆。





「咁就得啦！我一定會選擇第二條路！」同雯雯一齊....

「但係....至今就連一位都冇，行唔到呢條路。」

一下子，我由充滿希望，打算面對事實。卻被Samantha口中講出既事實馬上擊倒，我既眼淚不知不覺間湧出....

你的確是她的天使，但那身份又令她感受到自己的不配