我竟然鍾意左...！？: 第二十四章

「一切答案，盡在監察你既使者中。我只可以同你講咁多。」

呢句野真係諗到我頭都爆啊！過左兩個月都一直諗唔到。🤯

「啊明，快D起身啦！講好左今日去玩架！」不過有你喺我身邊就夠啦，諗唔諗到就隨緣啦，唔洗特別搵答案啦～

「俾我訓多陣啦....而家先11點....」雖然冇發燒，但係個身體都係會覺得攰，可能多多少少都會有副作用掛～

「拿，得你自己一個訓好自私啊....」





「你....你...算啦～」呢個傻妹話口未完就捐左個被逗入面攔住我訓，好溫暖。

就係咁，我地一訓就訓到2點鐘，訓多左一個鐘個人精神左好多。結果....我地plan好既活動要取消～

「Samantha： 語音信息」由於我將手機放左喺枱，所以雯雯就見到個信息。

「又係嗰個Samantha啊？佢煩唔煩啊，轉系都唔洗成日問你野吖....😕」雯雯個樣好似識變臉咁，睇黎佢吃醋～

「可能佢真係有唔明呢～放心啦，我既心只係屬於你架傻妹。」





「係吖嘛，差唔多2日就搵你一次...🙁」都唔係「睇黎」啦～

「仲有啊,有咩可能自己轉讀設計但就搵你幫佢做design啊.....☹️」

「佢都話係因為佢信唔過自己吖嘛～我向你保證，我同佢真係冇野。」

「真係既.....？」雯雯露出楚楚可憐既表情問我，唔講仲以為我蝦佢....🤦🏻‍♂️

「千真萬確！」雯雯低頭，唔聲唔聲，一下咀左黎我塊面，雖然就冇唇印，得茄汁....但當然心覺得好甜啦～





「衰妹，咁茅架你！」今次到我反擊啦～

「得啦得啦，咁你唔洗睇個信息咩？」

「女朋友大人重要好多～」

我同雯雯行左一陣當散步。我地返到屋企，我就坐喺沙發睇下Samantha個信息講咩。

「啊明，可唔可以出黎？」短短既一句，但係好明顯聽到Samantha帶著唔開心既心情。

「好,但你介唔介意我帶多個人黎？」朋友有事，講最無謂，行動最實際。但由於雯雯一直喺我隔離，而佢又唔放心，所以就要跟埋一齊去。

「無所謂，多謝你肯出黎...」過左1分鐘都冇，Samantha又秒回我。

「你搵得我就即係有事啦，作為朋友幫到我一定幫。😊」





「而家3點倒，8點鐘，照舊九龍城食夜晚可以嗎？」

「ok，到時間。」

「仲有....多謝你。」

就係咁，我地兩個就去左同Samantha食餐夜晚。我既疑問本身已經夠多啦，食完呢餐飯之後仲俾多個我....