我竟然鍾意左...！？: 第十七章

「係呢，你地想食咩？」

「日本菜！」
「韓國菜！」你兩個有冇咁齊啊~其實係咪夾埋玩我架...

「咁...咁...」見到兩位女士望住我既眼神，彷彿答錯問題就會被罰...

「不如去食西餐吖～呢度有間西餐廳幾好食架～哈哈」俾我「咁」左5秒，終於俾我諗到呢個方法，接下來就到我睇下「老師們」接唔接受啦～

「都好既～啊明你話是啦。」兩人竟異口同聲的同意我既意見，女人真係永遠都估佢唔到~





「ok～let's go!」

然後小問題又出現了，那間西餐廳離九龍城廣場不遠，行大約3分鐘就到達。但呢3分鐘喺我立場黎講真係幾辛苦...行過去間西餐廳既途中，我都一直企喺佢兩個中間，一路行，幾乎每一位男士都會用敵視既眼神望住我，再眼甘甘望住我既左右。唔怪得佢地既～兩個靚女同一個男仔一齊行，一個較為高既美女，俾人成熟既感覺，一個較為矮既美女，俾人可愛既感覺。係男人見到我咁樣都會想打我啦～佢兩個仲要撞衫，唔講真係以為我溝左對孖生姊妹...🤦🏻‍♂️

好不容易，終於挨盡了呢三分鐘既目光...😌一坐底，個侍應應該係見到兩個大美人，一支箭咁飛左過黎問「佢地」食咩。

「兩位靚女想食咩？」呢位侍應好有禮貌咁樣問雯雯同埋Samantha，然而佢一眼都冇望過我。

「我地要諗一諗先，因間先寫吖。」Samantha同個侍應講。





「ok！你地慢慢。」個侍應滿懷笑容咁一直企左係度靜心等候，見佢眼甘甘望著Samantha同雯雯，就知佢咩料啦。

「我要個A餐7成熟吖～唔該」雯雯用一個甜美既笑容，再加呢一句「唔該」，條友已經笑到...唔講啦～睇黎今晚佢又會ff啦。

「我要個C餐吖，thank you～」條友已經....心已被俘虜了。

「ok！兩位靚女等一等，好快就送黎！」佢話口未完就轉身走左。但係佢好似忘記左我既存在...

「侍應哥哥你未幫我寫啊，唔該。」我友善地將佢叫停。





個侍應轉過身子走返過黎，掛住一臉不耐煩既表情，態度同頭先完全唔同！一句「食咩啊！?好多客啊，快啦。😕」哇！洗唔洗變臉變得咁快啊！又唔見你啱啱話多客！？成個人嗰刻變得好燥😡

「A餐7成熟！😡」佢對我咁冇禮貌，我只係用唔好既語氣同佢講野，已經算最仁慈了。

我開始同Samantha講返正題，佢俾左基本既資料我，然後我地都開始傾一傾設計方向，功能，實用性等問題。傾左大約15分鐘，野食都送上餐桌上，我地一邊傾，一邊享用晚餐。最估唔到既係，雯雯有時會俾下意見出黎，但佢所講既完全唔係廢話，仲要係一些好有用既point同例子。心想，唔通雯雯都係讀室內設計....?

傾左大約個半鐘，終於都傾到個方向出黎。而晚餐都食完了，我地離開左間餐廳。

「今日唔該你啊阿明！仲有雯雯～下次有機會再同你食飯吖。咁阿明你再有咩野就搵我啦，掰掰～」

「掰掰～」我同雯雯向正在上車的Samantha揮手說道，而我地送左Samantha上車之後，就同雯雯一齊搭車返九龍塘...