十六歲但非處子身嘅女孩: 12.2 我係邊個嘅女朋友？

我同呀Rick 漫冇目的咁喺條街到行，大家都相見多對方一陣，又唔肯講要見返屋企
「Anki，不如我帶你去飲黑糖珍珠好冇呀？荃灣新開咗間，好好飲㗎」佢用一個好雀躍嘅樣望住我，既爭我地都冇野做，所以就行過去試下新野
其實兩個學生拍拖真係好簡單，一齊放學又一齊去食下野，行一陣街，唔需要話又要送禮物或者去食貴野咁
最純潔同簡單先係最美好同最珍貴

去到間鋪頭出面見到人頭湧湧，可能因為放學時間，所以都特別多人
行近d, 我仲見到有我地學校d 師弟妹，其中一個小師妹望住我同呀Rick，可能因為我地著同一件校服啦，所以佢不停𥄫住我
呀Rick 好專心咁望住個野飲牌，因為佢身高嘅優勢，所以突圍而出
而我就係佢身邊，互睥嗰個女仔



「我諗好飲咩啦，你點呀？」Rick 拉一拉我隻手問我
我眼神離開咗嗰個女仔，仰起頭望住個餐牌
「咦？乜咁啱嘅，好耐冇見喎」呀RIck 離開我，行咗去個師妹到同佢打招呼
呢句好耐冇見真係最老土嘅開場白，我即刻跟住Rick 唔理個餐牌，呢個女仔係咩人？我冇見過嘅？

「你考DSE 考成點呀？仲有一個禮拜就考曬，你要加油呀」個女仔出聲
究竟佢係咩人？佢又識Rick？又叫佢DSE 加油，咁親切算係咩意思？
「我知道啦，你都要努力讀書先得呀，同你介紹返，呢個係我女朋友Anki」呀Rick 回應個女仔，向佢介紹我女朋友呢個身份
個女仔望住我從上以下打量，然後用一個好虛假嘅微笑望住我「Hi Anki，我係Janice」



呢個Janice 同我差唔多高，個樣都幾可愛幾cute，齊陰紮高馬尾，眼大大皮膚又白，一睇就知係個d 心機婊
「Janice 你好」所以我都用一個好假嘅語氣黎覆佢，之後再順手翹住身邊嘅呀Rick
「唔好意思呀Janice，我同Rick走先啦，下次再見啦」老實講作為一個女朋友，見到另一條女出現，我都要即刻宣示主權
「Anki，你唔係想買野飲咩？」呀Rick俾我拉住黎行，我地離開人群
離遠見到Janice 喺到同Rick揮手，而Rick 都一路行一路同嗰條女揮手

「我唔想飲黑糖珍珠，我怕肥」怕肥又好，怕嗰Janice又好，總之就唔想留喺嗰到
「係呢，頭先個Janice 係咩人黎？點解我冇好似冇見過嘅？」女人嘅疑心同好奇心又黎料
「Janice 咪係呀源個妹囉，佢細我同呀源三年，有時去呀源屋企都會見到佢，咁咪say 句hi 傾下計咪識囉」Rick 嘅回答非常自然
「原來係咁，你同佢好熟㗎？」照女人嘅直覺黎講，我覺得呢個女仔好有殺傷力


「ok 熟啦，咁我成日去呀源屋企溫書或者打機，撞到面都會禮貌上打招呼，傾一兩句咁」
「咁你地大多數傾咩呀？」我竭斯底里咁追問
「冇呀，咪傾下讀書d 野，學校d 是非仲有呀源d 野咁囉」

「你放心啦，我唔會同其他女仔玩咁埋同傾咁多計㗎」Rick 翹搭住我膊頭攬住我條頸錫我一啖
「我都對你好有信心，我知你唔會聊女仔嘅」我地彼此之間都俾對方好多空間
可能正正因為空間太大，我就控制唔到，出咗軌，什至空間大到，佢連自己戴綠帽都唔知
「Anki，我對你信心都好大，我知道你對我最好」佢用誠懇嘅眼神望住我

我心跳加速，加速嘅原因並唔係因為心動或者小鹿亂撞嘅感覺，而係講大話緊張嘅心跳
「冇錯，我對你都好有信心」撫心自問，我係絕對唔可信，但係呢個好男人，我又唔捨得放佢走
「Anki，我真係好愛你，我想同你有更好嘅將來」Rick語重深長咁講
佢停低步伐，拉住我雙手交差疊起然後放喺佢心口上面

「喺18歲呢年識到你我真係好幸福，同你一齊嘅每一分每一秒我都好珍惜，好舒服，就算頭先見到Janice 見到你呷醋同在意我嘅樣，我都覺得好美滿，雖然我地只係一齊咗七個月，不過我已經認定你係我呢一生最愛嗰個，我想我地畢咗業之後都可以繼續一齊，同你相識嘅過程同時光都好奇妙，好似係上星期發生嘅事咁，我想我地永遠都喺埋一齊」


呀Rick 突然之間情深款款咁對住我講，我都唔知應該俾咩反應好

「做咩冇啦啦講d 咁肉麻嘅野喎，傻豬」我冇言以對，唯有迴避
「我想你知我有幾愛你呀嘛」佢錫咗我一啖，咁我應該點回應好？

「Rick，我都好愛你」