十六歲但非處子身嘅女孩: 1.1 十六歲生日
11月7日- 今日係我十六歲生日，我嘅好姊妹 Mika 同 Ceci 為咗幫我慶祝，我地喺葵涌嘅工廈區租party room 同班 fd 一齊玩一齊興祝
「我地預早約曬成班人喺葵芳站到等，之後叫 Ivan 帶Anki 過黎，我地要夾定點喺wts group 到講大話呃Anki 話我地會遲到喎」Ceci wts Mika
「得啦，得啦，Anki 咁白痴又咁蠢，講兩句佢就信㗎啦，佢成十六歲都仲咁傻又咁純，真係怕佢第時會俾人呃」Mika wts Ceci
「咁好啦，我地預早d 去到佈置場地，之後最世界匿埋，等佢一入黎就彈出黎，嚇鬼死佢」
11月7號零晨12點，我部電話d message 不停咁彈出黎，不停咁震，大家都不停轟炸我電話，一夠鐘就即刻wts 同snap chat 我同我講生日快樂，我覺得自己真係好幸福，我所有嘅朋友都對我好好，而我身邊亦都有對我好好嘅男朋友，係云云眾海嘅message 之中，我第一個睇嘅就係男朋友Rick 寫俾我嘅千字文
「我最愛嘅Anki BB生日快樂，今日係你嘅十六歲生日，希望你以後每一日都開開心心，而我地又長長久久，不經不覺我地已經一齊咗兩個月，黎緊我地仲會有好多好多個月，好多好年要一齊過，初初識你果陣時覺得你低低能能又蠢蠢地都幾得意，估唔到我地會因為搞學生會嘅野而熟，之後仲一齊咗。雖然你外表就傻下傻下，但我知道其實你內心係個好脆弱，好缺乏安全感嘅女仔，我明白你之前真係俾你前度 hurt 得太深，果個正一人渣，不過Anki 你放心，我會好好咁對你，愛惜你，永遠都唔會傷害你............
我十六歲人，呢次係我第一次睇人寫野俾我而感動到喊
十六歲嘅呢一年，唔知會係點呢？我好希望可以係我呢年嘅青春內，做d 唔會令自己後悔嘅事
「喂 Ceci, 我地陣間不如一齊去葵廣掃街跟住再去party room 好冇？」我朝早一起身就打電話約Ceci 食 lunch
「 Sorry 呀，我要朝早要補習，補到一點，我諗我趕唔切同你食lunch 啦，一係你問下其他人，再唔係就自己一個人食住先啦」
「喂 Mika，你得唔得閒陪我食完lunch 之後一齊去party room 果度呀？」
「你咁遲先出聲㗎，我已經約咗我老母食野啦喎，你食自己啦，我地到時見啦」
我再繼續打俾其他人，點知佢地個個都唔得閒
明明約好咗一點九係葵芳站到等，但係個個都唔見人，究竟乜事？
「嘩！問你驚未！生日快樂呀 Anki 」突然之間有人喺後面嚇我，情急之下我驚到尖叫，原來係Ivan
「屌你咩，嚇死我啦，得你一個嘅？其他人呢？」
「唔知呀，等一陣啦，可能佢地好快到呢」
「 Anki 開始唔耐煩啦，你地果邊搞掂未呀？」Ivan wts Ceci
「你拖多佢一陣先啦，15 分鐘之後就帶佢黎啦」 Ceci 覆返Ivan
「咦 Anki，你好少可唔同你條仔一齊過生日，竟然同我地一齊慶祝喎，平時成日都見你有異性冇人性㗎啦」
「唔係啊，佢約咗我今晚一齊食飯，佢話佢會俾空間我，唔會阻我同fd 出街」
「得啦，得啦，我唔想知你同你條仔嘅事。你知唔知仲有個人好在意你嘅生日㗎」Ivan 露出一個嘲笑同嬲打嘅表情
「邊個？我唔知嘅？」我滿面天真咁問佢
「Cyrus呀，佢仲好在意你嘅所有野，我都唔明佢，明明你已經有新仔㗎啦，佢都仲咁緊張你都唔知做乜，如果我係佢.........
「夠啦，唔好再喺我面前提起呢個人，我唔想知」我燥到一個點，個個約食lunch 又唔得閒，而家又遲到，仲要俾個咁口臭嘅Ivan 串親
「你唔係嬲掛？話曬大家識咗9 年，咪咁小氣啦，壽星女，笑返啦！」Ivan 嘗試氹返我
「冇你咁好氣」成日都開口埋口講我地識咗9 年，冇計啦，由小學 fd 到而家，我都知佢係講下笑啫
「 Happy brithday Anki ！！！！」我一推開party room度門，班友仔就好似喪屍咁衝過黎，我乜反應都未俾得切，只係O住個嘴，唔知做乜
「Anki，我愛死你呀，你有冇嬲豬呀？我地特登放你飛機再俾suprise 你㗎」Reese 攬住我同我講，Reese佢係我咁多個女仔fd 之中最sweet 最體貼嘅一個，有佢每一個擁抱，我都覺得充滿動力，因為我係一個好鐘意攬同 body contact 嘅人
「 點呀 Anki，係咪嚇死你呢，我地有點捨得掉低你呀，我地仲有留低Ivan 黎接應你㗎」Mika 攬住我條頸同我講
嘻嘻哈哈咁，我地九條友就係party room 到玩咗四個鐘
「咁多位我地臨走之前影返張大合照，切埋蛋糕先啦」Ceci 叫齊大家，只要有Ceci 幫手做搞手同統籌，真係萬大事都可以放心。呢九個人係我中學生涯中最寶貴最珍惜嘅九個人
「咁多位我走先啦，好多謝你地今日陪我過生日，我愛死你地全部人啊」
「咪搞我啦，費時陣間 Rick 話我地成班友俾綠帽佢戴」Kenneth 成日都講埋d on 9 野，浪費我人生