靈界事務所: 個案一 (3): 正式開工！之二

個案一 (3): 正式開工！之二
「咦，利映姐姐，調查情況如何？」小雪把熱茶端到利映的桌上。「..... 都順利，其實只係好小事，我諗我唔出手社長佢都可以完成到，不過，小雪，妳可唔可以幫我查一查白泥灣最近嘅新聞。」利映托著頭思考著剛才王小姐的情況：邪惡嘅氣息不斷係王小姐身上湧出，如果我唔同社長講，佢一定會出事，但講咗大家一定會要我去協助，咁樣就訓練唔到社長嘅技能。馬利亞大人，點解妳要不辭而別？我係真係可以支持到事務所繼續發展咩？求吓妳，可唔可以返黎大家嘅身邊 ..... 
「好啦，影埋依個就收工！」宇恆細心地用鏡頭對焦大廈外牆的污水渠拍照。叮！是公司傳來的，宇恆於是查閱剛才的訊息。「多謝各位！收到大家送俾我嘅 Vstar Pro 9，我好開心呀！」原來是Sam傳來的相片及訊息。宇恆看著同事們的合照，突然有點失落：我都好想同大家咁融洽相處。哎。宇恆把工作用的照片處理後，就立即回家抱頭大睡了。

「喂！快啲起身，依家要返事務所，出事了。」一把成熟女性的聲音把宇恆從睡夢中喚醒。「咩咩咩... 咩話？喂屌！」利映沒有聽宇恆的話，直接把他的魂魄抽出並帶回陰界。
「屌妳可唔可以唔好成日突然現身，之後咩都唔講就即刻帶我落陰界呀？」宇恆板著臉。「因為緊急。」利映回答。「咁妳都比啲時間我換衫梳洗吓先啦。」原來，字恆下身只穿了內褲。「無時間了。」利映看著手錶說。「其實要我黎做咩架，我覺得好似俾你哋玩緊咁。」宇恆疑惑地問。「哥哥嘅職責係接受工作，然後就去處理個案。」小雪答。「乜處理個案唔係你地做架咩，點解要我做？」宇恆繼續質疑。「因為你係人類，只有你先可以接觸到佢地。我地只係靈體，某程度上只有你見到我地，一般人係睇我地唔到。」利映答。「約翰都係人類，點解佢唔去處理呢？」字恆邊穿褲子邊回話。「咁你係咪唔想做？」利映作勢用鐮刀指向宇恆，宇恆嚇得倒在地上。





咇咇咇 ...「利映姐姐，收到王小姐電話啊！佢話屋企發生大件事。」妮可說。「我哋即刻去。小雪，我要解放權限。」「明白了。利映姐姐。」小雪把手放在利映的額頭上，手背出現了一個藤蔓紋章且發出藍光。「咩係權限？」宇恆問。「社長，因為我地係靈體，權限嘅意思指容許我地係人間活動。」阿細說。「簡單嚟講係實體化。到時到咗陽界之後就可以自由咁切換模式。」妮可說。「妮可，王小姐發生咩事？」「佢話屋企啲玩具突然自己識得郁，而且聽到有小朋友嘅笑聲同喊聲，佢想我地趕走佢。」宇恆聞訊後，想：我屌！仲以為捉乜鬼怪妖魔添，原來要搞呢啲咁既野！「利映既然妳都可以實體化，咁唔洗我去啦。」宇恆氣定神閒地坐在沙發上。「係你自己話要接依單生意，依家咁係咩意思？即使我哋可以實體化，其實對陽界同我地本身，特別係小雪有好大影響。你係社長，你就要負返啲責任。」利映一臉不悅。「表達意見啫，我又唔識法術，保護條撚咩？再講唔係我話想做社長，係你哋個個都迫我做。」宇恆語畢後感覺到利映的鐮刀已掛在頸上。「我乃念你係馬利亞前社長揀嘅天選者先唔殺你，唔好再講廢話。今日我聖恩浩蕩，前事不計。完成咗今次單生意之後，你就消失啦。我地事務所唔會再同你有往來。」「利映小姐，馬利亞前社長揀得宇恆社長一定係有原因，妳冷靜啲啦！社長，我地真係好需要你架！」阿細忍不住插話。「需要我會係咁對我架咩？」宇恆大力拍桌，怒道。利映沒有再說話，然後就消失了。宇恆見狀，道：「好，咁我地去啦，阿細。」

事到如今，宇恆只好硬著頭皮處理個案。一路上，宇恆非常憤怒，回想起這兩三天的遭遇：屌，等我搞掂好依單野，我一定會走，話知你個事務所爆炸定點，唔關我事。

「我地到了」阿細報告。「有冇人呀？」宇恆按門鈴。「黎啦黎啦。」王小姐用嬌柔的聲線回答。一進屋，宇恆被眼前的豪華裝修震懾：哇我屌！間屋大撚到呢！個洗手間仲大過我間房。頂！個廳大到可以跑圈。出面個窗台仲可以望到海。痴線！條友太有錢啦！」女主人王小姐步出客龐，宇恆頓時心跳加速：天呀！一個性感尤物就在眼前。雪紡輕絲製既睡衣隱若睇到佢嘅胴體，想引死人咩！

「你好，請問你就係王小姐？」阿細問。「賈先生佢唔係到咩？點解叫你地兩個黎既？」王小姐疑惑。「賈先生？啊！佢要處理第二個個案，所以由我哋去處理，我姓何，佢係我地嘅社長。」阿細拉了宇恆上前。「你 ..... 你好啊，王小姐。」（宇恆：屌，無撚端端做咩介紹我呀仆街！）「要你地嘅社長親自落黎，唔好意思呀！」王小姐上下打量著宇恆。「傻啦，王小姐， 捉鬼係我地嘅責任。我作為社長梗係唔會手軟啦，哈哈哈哈！」「王小姐，成個情況可唔可以交待一次？」阿細問。「之前其實都有搵過你地，今朝賈先生佢放左個陣喺四個角落，啲怪事就無左，但唔知點解啱啱又出番黎仲要嘈過之前，佢地打爛我啲古董，搞到我好頭痛。」王小姐托著臉說。「王小姐，知唔知佢地幾時會出現？」阿細再追問。「好難去講，有時佢地日日黎，有時隔日先黎，我諗我需要你地保護，佢地會搞到我好驚啊...」「我地梗係會保護你啦，你話係唔係啦阿細，我地事務所會全力幫你既，你可以放心，我作社長我有責任令你放心，我蝕底啲，我留係到陪你啦！」宇恆拍心口說。
「（嬌嗲）聽到你咁講，我真係好放心。你真係好好人，完全無社長既架子，好體貼呀你。」王小姐說。「哈哈，講呢啲。阿細，我地就今晚開始保護王小姐啦。」「社長，我覺得我地視察左先下定論啦。」阿細擔心地說。「有咩要視察呢？王小姐個情況好危險，隨時啲鬼會搞佢，所以我地要保護佢。」「..... 咁社長係咪承擔哂所有後果，包括有機會整爛王小姐啲財產及人命傷亡？」「放心啦，萬大事有在下包搞掂！」

這一晚，沒有什麼事發生。一切安好。