[讓謊言與虛偽堆砌成我們的最後樂土]《終末後．新世界》: 34-謊言
對外廣播用的樹狀裝置前的花崗岩，背面刻滿似是「文章」的東西。
而組成「文章」的「文字」都是一些全都很細小的點、橫線，和斜線，在一行行整齊地排列著。
「文章」的標題也在，而且要比內文的「文字」要大幾個尺碼。
「阿和、阿俊。你地可唔可以具體咁形容下講嗰塊石上面啲符號？」紫宜在電話另一邊問。
「係咁嘅。啲符號全部都係點、橫線，同斜線……」阿俊回應。
「點、橫線，同斜線……」紫宜重覆著，又說：「阿俊，你慢慢讀讀個pattern嚟聽下？」
「好……」阿俊全神貫注地觀察花崗岩上的這些符號，開始讀起來：「點、點、空格、點、點、橫、空格、點、橫、點、空格、點、點、點、橫、空格、點、點、空格、點、點、點、橫、空格、點、橫、空格、點、橫、點、點、斜線……」
聽到惱人的「點」、「橫」、「空格」不停地在重覆，我的精神快要崩潰起來。
「原來咁多符號啊……你都係影相俾我算啦。」紫宜打斷阿俊的說話。
「係喎……做咩唔影相……」阿俊回應，拿起手機來拍照，再把照片傳給紫宜。
紫宜很快就確定這些東西是什麼，她跟我們說：「我啱先聽到你地講緊咩『點、橫線，同斜線』嗰陣，我已經諗緊你地見到嗰啲符號會唔會係『Morse Code』，睇嚟真係冇估錯……」
「『Morse Code』？」阿俊問。「哦……原來係『摩斯電碼』。」我回應紫宜，順便跟紫宜解釋。
(註：「摩斯電碼」是一種時通時斷的訊號代碼，通過不同的排列順序來表達不同的英文字母、數字和標點符號。)
「如果係咁就麻煩啦……我要打落啲摩斯電碼翻譯網站度、翻譯返哂做我地睇得明嘅文字。」紫宜埋怨道。
「我都係第一次見到『Morse Code』，以前成日聽都唔知道係咩。」阿俊說，我也說：「我咪又係。」
「佢個標題係『Survival of the fittest.』。」紫宜跟我們說。
「『Survival of the fittest.』？咪Herbert Spencer本《The Principles of Biology》嘅名言？」
(註：Herbert Spencer即赫伯特·史賓賽，他亦提出將「適者生存」的概念應用在社會學。)
我想起生物老師曾在課堂上提過的這些東西，疑惑地思索著為什麼這種地方會印上這個字句。
如果紫宜沒有翻譯錯誤的話，第一行標題印著「... ..- .-. ...- .. ...- .- .-.. / --- ..-. / - .... . / ..-. .. - - . ... - / .-.-.-」，就是常和達爾文進化論扯上關係的英文片語「Survival of the fittest.」，中文大抵就是「物競天擇、適者生存。」的意思。
它在到底在指什麼在物競天擇、適者生存？而它的內文到底又是在表達些什麼？
「內文係第一句係『Our new world can only be created by natural selection.』。」紫宜這時又說。
第一句即是「--- ..- .-. / -. . .-- / .-- --- .-. .-.. -.. / -.-. .- -. / --- -. .-.. -.-- / -... . / -.-. .-. . .- - . -.. / -... -.-- / -. .- - ..- .-. .- .-.. / ... . .-.. . -.-. - .. --- -. .-.-.-」，意思就是「我們的新世界只能透過自然選擇被創造出來。」。
「自然選擇」就是指生物在為了生存的鬥爭中適者生存、而不適合環境的弱者會被淘汰再無法存活的現象。
至於「新世界」……
「呢度嘅『new world』同「新世界議會」有冇關係？」阿俊搶先我一步，已經問了起來。
我們三人一同沉默起來。看來是在思考同一樣的事情。
假如這裡的「new world」確實代表「新世界議會」的話，那麼就代表新世界奉行「適者生存」和「自然選擇」的概念。
稍為加以聯想，不難發覺這裡的「適者生存」和「自然選擇」就是指我們……在末日生存的生還者和所有已經死亡的人類。
「真係……好……心寒……」我不禁自言自語起來。
「佢地到底想要啲咩淘汰……」阿俊也說起來。
「班人仲扮到好似想救所有生還者咁……好恐怖……」我又說。
「而家呢個事態……我地要聚埋一齊傾傾……等陣間齊人再講。我再試下譯埋份嘢佢。」紫宜說。
「你快啲返嚟先，時間都唔早啦。」紫宜又指示我們：「已經就快一點九。」
「咁快……」阿俊回應。他又向紫宜說：「我地而家就返去。」
「都正常嘅。呢間地下室真係好大……我地已經行咗好耐……」
我回應阿俊。然後準備找路回去地面。阿俊也跟上了我的步伐，說：「我有預感我地仲要嚟呢度搵嘢……」
「咁就要睇呢度仲有冇嘢我地要知啦。」我說起來。
其實我很不情願再來一次，甚至要我再留在這個的房間多一秒鐘也不想。
一想起這裡可能還有著更多未知的線索，我就不由得全身發寒般的恐懼起來。
在一個隱藏著眾多惡意的世界，有時候越知道更多反而越會害怕。