[讓謊言與虛偽堆砌成我們的最後樂土]《終末後．新世界》: 21-夜宵

「阿和你去唔去食宵夜？」阿俊說。
「你講咩？」在玩恐怖RPG遊戲的我摘下了耳機。
「問你食唔食夜宵。」阿俊重複說。「好啊。」我回應。
然後，我們在夜裡的IKEA開始了探險，目的地是IKEA出口前的食物區。
「好想沖杯咖啡飲……再加塊蝴蝶餅。」阿俊在嚷著，同時雙手揮動著手上的電鋸。
「推理RPG嘅2位Player，而家拎住武器上古木工電鋸一把，挑戰地圖『末日後IKEA』。」我耍白痴地說。
「你係唔係……玩像素RPG玩到中哂毒？」阿俊吐槽道，作勢要用電鋸砍我。
我誇張地閃開，再說：「喂……唔好開『PVP』……嚴禁同隊傷害。」(註：「PVP」即「Player vs player」)
「唔開PVP點好玩你睇下㗎？咦……呢啲係衣櫃……定儲物櫃嚟㗎？」阿俊見到櫃子的專區，問。
「可以喱埋喺入面避怪。」我又說。




(註：恐怖RPG《青鬼》和其他類似RPG的梗，藏在地圖的儲物櫃中可以避過怪物的追殺)
「唔會焗死人咩……直接拎鋸同佢打過唔係仲好咩。」阿俊又吐槽。他真不愧是行動派……
經過售賣不同家居用品的專區，我和阿俊一路來都在各種的搞事。
「*你手上拎住咁多鉛筆同紙尺做咩？」阿俊問。
「你都拎住喎大佬。習慣嚟㗎嘛。」我回應。
(註：去IKEA的傳統就是亂取它原本讓人用來量度家具的鉛筆和紙尺，好吧這是反面教材……)
來到IKEA最後的專區——食物區，正當我和阿俊打算思索要吃什麼夜宵才好的時候，我們兩個忽然發現不遠處預留給顧客用餐的地方，正坐著一個小女孩。
我和阿俊幾乎都被無故在這裡出現的這個人嚇著了。她的樣子讓人感到很熟悉，阿俊嘴裡細聲唸著「咁熟嘅邊位啊」。
「佢咪係……」望了幾眼，我很肯定自己曾經在哪裡見過這個女生。
我終於想起來，說：「佢叫『紫宜』……咪就係我地啱先係議會見到負責研究電腦通訊嗰個女仔。」




那個女孩好像是聽到我們在說話，開口說話。
「你地……而家網絡係咪有問題？」
紫宜並沒有從膝上的筆記本電腦移開視線，完全沒有和我們眼神接觸。
「咩啊……NPC角咁嘅……一嚟就問你『網絡係咪有問題』……」阿俊細聲吐槽道。
「*……你真係好*衰……」我回應阿俊。
聽到阿俊很壞的說話，我其實差點忍不住傻笑，幸好我能急忙正經地回應她：「係啊。」
「你地知唔知道『新世界議會』班人control緊其他人嘅網絡？」紫宜又問。
「你唔係議會嘅咩？做咩同我地講呢啲嘢？」阿俊反問。
「好多事情你地唔知道。」小小的紫宜在喝著和她的年紀完全不乎的無糖咖啡，說：「你地使唔使去整本嘢飲再慢慢講？」
我和阿俊相視，便離開去廚房拿紙杯和隔熱墊，再去咖啡機沖咖啡。




等熾熱的咖啡稍為冷卻下來的同時，我向紫宜問：「你係咪早知道我地喺度？」
「唔單止知道你地喺度，我仲知道你地同沙角班人講咗啲咩。」紫宜答。
我和阿俊完全地默靜下來。
紫宜見狀，停止了拍打鍵盤，終於望向我倆。
她的眼神中透出了她那種年紀本來不應該擁有一種的冷靜與決絕。這種難以言喻的神情，早在先前和「新世界議會」的人接觸時見到她的時候，我就已經察覺到了。我知道，她絕對不是簡簡單單的小女孩。
「但係……」紫宜唸著。
「但係？」阿俊問著。
「你地可以放心。我企喺你地嗰邊。」紫宜這樣說。