[讓謊言與虛偽堆砌成我們的最後樂土]《終末後．新世界》: 09-認識

「做咩姐你地兩個……我地冇惡意㗎。」學生女說。
「始終世界末日我地都要保護自己嘅。」阿俊：「末日片都有得你睇啦……比人襲擊點樣算？」
我忍不住竊笑起來，阿俊的這番話說出口莫名其妙地有點白痴。
「笑乜春啊你。」阿俊和我說。
「冇……冇嘢。」
學生女和男子並沒有停下腳步。
「我地都係想生存姐，有咗共同目標，呢個商場又咁多物資唔洗搶，有咩理由會同你地敵對？」男子率先開口：「你地叫咩名？」
「我叫Chris Wong，旁邊呢位係陳允行。」阿俊回應他倆。(註：DSE作文指定人名的梗)
聽到阿俊幽默的回答，我又傻笑了起來。
「睇嚟佢地都仲係好有戒心……」學生女說，不知所措地望著男子。




「他地想點？」阿俊切入正題，問。
男子和學生女已經來到我們面前幾步之遙，他們兩個沉默了一會，學生女說：「可能想識多兩個朋友，有咩事都可以互相幫幫掛……」。
阿俊沒有回應，從褲袋拿過手機，才說：「電話number幾號？」
學生女答：「6578 93XX。」
阿俊在手機通訊錄記下了號碼，又問：「學生哥呢？」
男子應：「9342 67XX」
一會，阿俊說：「我等陣間send whatsapp message比你地，你地add我啦。順便再俾陳允行嘅number你地。」
「而家都唔知道個世界發生咩事……識多啲人有個幫手都係好嘅。」我繼續拿著沉重的電鋸，說。
目前我知道的生還者只有四人……外面的世界到底還有多少人是仍然活著的？
靜童一定會無事的，我一定要找到她。




「係啦，你地兩位食咗飯未？」學生女說，打斷了我的思考。
「未啊。」我和阿俊異口同聲答道。
「咁我地一齊去食啦！」學生女高興地說。