《香港傭兵》: [Day 24－三合成立] PART 38

紅光一閃...身上閃住紅光嘅片翼...就由灰塵之間飛出...飛到嚟我面前...

片翼雙手持刀...長長嘅極刺眼紅光刀刃就由下而上...由右至左抽刀一斬...

“嗡！吱！嗡嗡！吱！”我立即以紅光刀刃一擋...片翼立即再向我連砍兩刀...

我一擋再擋...後退兩步...一站穩陣腳就雙手持刀...向片翼使出袈裟斬...

“嗡！吱！！！”片翼舉刀一擋...紅光刀刃與極刺眼紅光刀刃之間擦出大量紅色粒子...



我一路用盡全力...壓向片翼...片翼一直擋住...

“吱！吱！吱！！！”喺紅光閃爍閃爍...大量紅色粒子噴出之間...我同片翼互相對視...

片翼嘅眼神相當堅定...

係認為...我冇可能打敗你嘛？

片翼以紅光刀刃一推...



就喺我被片翼推開一少段距離之時...

「哼...」片翼立即橫刀一揮...

“嗡！吱！！！”我以紅光刀刃一擋...向後飛開...

片翼立即跟上...貼埋我面前...揮幾刀...

“嗡嗡！吱！嗡！吱！”我一邊以紅光刀刃招架...一邊向後退...



綽姿呢？一尾呢？佢哋兩個呢？

“轟隆！轟轟！轟隆！”喺片翼身後...遠處有危樓倒塌...

我仲感覺到...綽姿同一尾嘅氣息...喺裡面...

喺倒塌緊嘅危樓之中...灰塵之間...綽姿同一尾嘅氣息不停互相碰撞...碰撞...拉開再碰撞碰撞...

喺危樓倒塌緊嘅期間...兩個股氣息邊碰撞...邊移動...極高速咁移動到去隔離棟危樓...

兩股氣息一移動到入危樓嘅一瞬間...

“轟！轟隆！轟轟！轟隆！”危樓隨即倒塌...

而我亦被片翼壓住咁後退...



越嚟越遠...我同綽姿嘅距離...拉開得越嚟越遠...

唔得...我已經理唔到咁多...淨係要應付面前嘅片翼...

片翼趁住我一不留神...

「哼...」片翼極快速橫刀一揮...

“嗡！吱！！！”極刺眼嘅紅光刀影與無數咁多道紅光刀氣隨之而來...直撲埋嚟...

我立即以紅光刀刃一擋...

『嗚...』我成個人就被重重嘅橫刀一斬...及無數咁多道紅光刀氣斬到向後飛開...



“吱！吱！吱吱！吱！！！”無數咁多道紅光刀氣唔止劃到地面留下一條條刀痕...仲有我身上...

我嘅手手腳腳腰間膊頭多處地方都被紅光刀氣劃過...留下一條又一條紅光傷口...

紅光傷口飄出少量紅色粒子...

片翼並冇停落嚟...而係乘勝追擊...立即刀尖向前...以牙突姿勢衝埋嚟...

“嗡嗡！吱！嗡！吱！嗡嗡嗡！吱！”片翼不停以紅光刀尖刺埋嚟...

我就只有一邊向後退...一邊以紅光刀刃擋...格...避...再擋格...避...

之但係我根本就擋唔得幾多...又避唔得幾多...身上越嚟越多紅光傷口...飄出紅色粒子...

唔得...唔可以再捱打...要反擊...再次反擊...



“嗡！吱！嗡嗡！嗡！吱！”我等到片翼向住我個頭刺埋嚟...

“嗡嗡！嗡！吱！！！”我一刀格住長長嘅極刺眼紅光刀刃...擦出大量紅色粒子嘅同時...極速向片翼貼近...

喺片翼未嚟得切抽刀擋住之前...我一個迴身斬...

“嗡！吱！！！”斬中...斬中片翼條腰...不過...不過就被絕對領域擋住...

紅光刀刃與絕對領域擦出大量紅色粒子...

可惡...斬唔入...又係絕對領域...又係喺片翼氣息最強之時...被絕對領域擋住...

片翼立即快速用刀柄底部大大力鑿我下巴...



『嗚...』我成個人被鑿起之時...

片翼一個迴身踩...踩落我個肚...

我成個人就被踩到飛向路邊架...仲著晒火嘅廢棄車輛...

“轟隆！”我成個人就撞入焚燒緊嘅廢車之中...

我立即企返起身...喺火海之中擺出防禦姿勢...

身上嘅紅光傷口...一直飄出紅色粒子...

喺邊呢？片翼...片翼嘅氣息...感覺唔到...

消...消失咗...

突然...我感覺到背後...強大且霸道...片翼嘅氣息...

當我一轉身之時...片翼已經雙手持刀...長長嘅極刺眼紅光刀刃直指上天...向我使出袈裟斬...

“嗡！吱！！！”我及時舉刀一擋...同時借力向後一彈...跳出火海...

“嗡嗡！轟隆！”片翼揮兩刀...紅光刀影就將焚燒緊嘅廢車斬開幾件...散到一地都係火...

竟然...隱藏自己嘅氣息...偷襲...

不過...片翼控制氣息嘅技術相當高...

就算係咁強大...咁霸道...都可以控制住喺身邊...

就好似而家...片翼將焚燒緊嘅廢車斬開幾件後...氣息又消失咗...

喺邊...又隱藏咗氣息...

突然...我又感覺到背後...強大且霸道...片翼嘅氣息...

當我一轉身之時...片翼已經橫刀一揮...

“嗡！吱！！！”我及時反手持刀一擋...擋住斬向我腰間嘅極刺眼紅光刀刃...

雖然俾我及時擋住...之但係我都企唔穩....向後後退幾步...

當我站穩陣腳之時...片翼又唔見咗...氣息又消失咗...

喺邊...又消失咗...又隱藏住氣息...又會喺邊個位置...邊個角度...向我施襲...

我擺出防禦姿勢...聚精會神...提升五官六感...

感應片翼嘅氣息...片翼嘅位置...

“嗡嗡！嗡！”片翼再將喺路旁兩架焚燒緊嘅廢車斬開幾件...散到一地都係火...

喺邊...又去咗邊...

“嗡！嗡嗡！嗡嗡！”片翼再將喺路旁兩三架焚燒緊嘅廢車斬開幾件...地上再多啲火...

又去咗邊...片翼嘅氣息...又消失咗...

“嗡嗡！嗡！嗡嗡！”片翼再將喺路旁幾架焚燒緊嘅廢車斬開幾件...四圍都係火...

火光熊熊...濃煙飄到上空中...

我已被熊熊烈火包圍...

片翼嘅氣息...又消失喺火光之中...濃煙之間...

喺邊呢...究竟又會...

突然...感覺到背後上方...強大且霸道...片翼嘅氣息...

我一轉身同時舉起精神刀...片翼已經雙手持刀...由上而下...從天而降...向我使出空中袈裟斬...

“嗡！吱！！！”喺紅光刀刃與極刺眼紅光紅刀刃相格...擦出大量紅色粒子嘅同時...片翼又突然消失...

喺火光與濃煙之間...消失得無影無蹤...

又去咗邊...又隱藏喺邊...係邊個位置...

突然...片翼嘅氣息由左邊接近...

好快...好快...已經嚟到...

我一轉身同時以紅光刀刃一擋...

“嗡！吱！”擋住片翼嘅拔刀一閃...擦出大量紅色粒子之時...片翼又突然消失喺火光與濃煙之中...

好快...片翼嘅動作...控制氣息...

突然...片翼嘅氣息由後面接近...

我一轉身同時以紅光刀刃一擋...

“嗡！吱！”紅光刀刃與極刺眼紅光刀刃相擦嘅一瞬間...片翼又突然消失喺火光與濃煙之中...

然後...突然又喺背後...

“嗡！吱！”紅光刀刃與極刺眼紅光刀刃再相擦嘅一瞬間...片翼又再突然消失喺火光與濃煙之中...

唔得...

“嗡！吱！”

好快...

“嗡！吱！”

好勉強...

“嗡！吱！”

每次喺感覺到片翼嘅氣息之時...

“嗡！吱！”

都只可以好勉強咁擋住...

“嗡！吱！”

再係咁落去...

“嗡！吱！”

再係咁...

“嗡！嗡！”

說時遲...那時快...

“嗡！嗡！”

我兩邊手臂中咗兩刀...

“嗡！吱！嗡嗡！”再喺我擋住片翼一刀後...兩隻大髀又中多兩刀...

唔得...再只係擋嘅話...

“嗡嗡！嗡嗡！”唔止雙手同大髀...就連背脊都中刀...

喺我身上嘅多處紅光傷口飄出紅色粒子...

尤其係背後一刀...比較深...飄出大量紅色粒子...

唔得...唔可以一直都只有擋...一直都話唔可以淨係捱打...要反擊...要反擊！

當片翼嘅氣息...再次喺我背後極速接近之時...

“嗡！吱！！！嗡嗡！”我一刀格開片翼把長長嘅極刺眼紅光刀刃...再順勢轉身斬兩刀...

片翼身上嘅絕對領域一擋...再擋...

我出盡全力抽刀...將片翼成個抽上空中...

然後我立即全力一跳...同時向片翼揮刀...

“嗡嗡嗡！吱！嗡嗡！吱！”我向住片翼連環揮刀...連環斬...片翼不停擋...擋...招架...擋擋擋...

紅光刀影就喺空中閃過不停...

不論係俾片翼以長長嘅極刺眼紅光刀刃擋住又好...被片翼身上嘅絕對領域擋住又好...我都不停咁斬斬砍砍...

要進攻...要狂攻...

“嗡嗡！嗡！吱！嗡嗡嗡！吱！嗡嗡！”再喺空中向住片翼狂斬猛砍多幾十下...

「天真...」片翼一刀格住我嘅橫斬...

“吱！！！”大量紅色粒子就由紅光刀刃與極刺眼紅光刀刃之間擦出...

『吓...』我都未回到神...

片翼一刀格開我把紅光刀刃...

“嗡嗡嗡！嗡嗡！嗡嗡嗡嗡！”喺我身上亂刀狂斬...

極刺眼嘅紅光刀影不停喺我身上劃過...

『嗚...嗚...嗚呀...』我全身上上下下被劃出無數咁多條紅光傷口...

片翼再一個斜斬...

“嗡！吱！！！”

『嗚呀...』我成個人就飛向地面...

“轟轟隆！”我直撞落地面再鏟住地咁...背脊撞去建築物...

同時...片翼已經飛到嚟我面前...一刀插向我左邊膊頭...

“嗡！吱！！！”極刺眼嘅紅光刀尖就插入我膊頭...由後面刺出...插住喺建築物牆身...

『嗚...呀...』我右手一捉住長長嘅極刺眼紅光刀刃...掌心就飄出大量紅色粒子...

「就只有咁咋咩？」片翼望實我...

就只有...

「不論係戰術...能量...都未去到預期水平...」片翼用長長嘅極刺眼紅光刀刃...將我舉起...

『嗚...呀！！！』我被長長嘅極刺眼紅光刀刃插住...舉起...舉到雙腳離地...

「我想問清楚...你...有乜嘢係你最珍貴...」片翼一刀Fing我上天...

有乜嘢...係我最珍貴...

「我們總會再次相見...」

阿...月...

「我哋...終於都...再次相見～」

係...阿月...

「可惜相見係短暫...」

就只有...阿月...係最珍貴...

片翼一跳...飛到嚟我面前...正要向我使出一閃之時...

“嗡！”就喺長長嘅極刺眼紅光刀刃...斬到埋嚟我腰間之時...

我身上嘅紅色粒子...消失晒...

一粒紅色粒子都冇...全部消失晒...

消失晒...就連氣息都...連同紅色粒子一同消失...

喺我身上...冇半粒紅色粒子...半點氣息都沒有...

黑色...就只有黑色嘅行者長袍...連長袍上嘅暗花都只有黑色...好似進入咗深層睡眠一樣...

就只有...手上...暗淡嘅紅光刀刃...

然而長長嘅極刺眼紅光刀刃...斬到埋嚟我腰間...我腰間突然出現...黑...深淵一樣黑嘅...黑洞...

黑洞將極刺眼嘅紅光刀刃擋住...唔係...唔係擋住...

係好似扭曲...慢慢咁扭曲緊...極刺眼嘅紅光刀刃被深淵一樣黑嘅黑洞扭曲緊...能量正被扭曲緊...