《香港傭兵》: [Day 24－三合成立] PART 34
我同綽姿急急腳咁衝上車...
林雪坐喺司機位望住塊倒後鏡：「我屌閪你哋班仆街...咁柒多人...等陣落到山仲有八個要上...爆鳩晒棚喇...」
『我哋兩個去黃金㗎咋...順路姐...順路姐...』都唔係好遠姐...
林雪冷眼望住倒後鏡中嘅我：「順路？順你老母咩...唔使油吖？」
宋伯伯坐定定...帶住慈祥嘅微笑：「你都仲係咁斤斤計較嘅～」
林雪冷眼望住倒後鏡中嘅宋伯伯：「唔鳩係斤斤計較又點買回自由吖...你都戇柒柒...太閪耐冇做預行者吖？」
宋伯伯帶住慈祥嘅微笑擰擰頭：「幾多錢吖？去到屯門我幫佢哋俾返錢你喇～假如錢仲有用嘅話...」
林雪扣好鬆晒嘅安全帶：「錢幾閪時都有用㗎啦！坐穩啦！」
“咔！啪！”林雪閂好車門...
我同綽姿一坐低...
“吼！吼～”林雪立即由山上起飛...
我望一望車上...有唔少紅色同綠色粒子...飄散...消失...
都係由梓翹佢哋嘅斷口中飄出...
望住佢哋一個個...好攰咁嘅樣...應該都差唔多進入深層睡眠...
雨姐拍一拍我膊頭：「放心喎～佢哋唔會有事嘅～」
『嗯...』我點一點頭，『不過聽佢哋講...逆行者進入深層睡眠...會好痛苦...』
「吸收EVE能量嘅副作用...」雨姐都望望梓翹同子茵，「不過對佢哋兩個嚟講...應該冇乜嘢吖～係斷雙臂嘅鬼妹仔...慘啲姐～」
仁慈對眼半開半合咁...望一望雨姐...
輝哥憐憫咁望住子茵：「要佢哋咁細個就開始受咁多苦...真係冇陰公...」
宋伯伯帶住慈祥嘅微笑...望住倒後鏡中嘅輝哥：「你又想話我吖？都講咗條路自己揀㗎咯～」
輝哥怒視住宋伯伯：「根本就冇路俾人揀！你淨係整咗一條路出嚟咋嘛！」
宋伯伯帶住慈祥嘅微笑擰擰頭：「你哋咪又係行咗第二條路～」
輝哥谷住谷住：「我唔夠你講！」
宋伯伯帶住慈祥嘅微笑點點頭：「講道理姐～」
講道理...真係有道理咩？
“吼～依！吼～”紅Van有彎劈彎...衝住落山...
唔使幾耐就已經落到嚟山腳...
“依！吼...吼...”當紅Van駛到出路口...一個急停...
八個黑色身影就由草叢同斜坡走出...
“咔！啪！”紅Van車門一打開...
八個著住黑色長袍嘅臥底就立即上車...
“咔！啪！吼！吼～”八個臥底都上晒車後...林雪亦立即閂車門...踩盡油...
宋伯伯帶住慈祥嘅微笑...望住八個臥底：「辛苦晒你哋喇～」
其中一個臥底擰擰頭：「唔辛苦...不過而家入去...真係冇問題？頭先啱啱又有差唔多一百個行者跑入屯門...」
宋伯伯帶住慈祥嘅微笑點點頭：「放心～我呢個老朋友安排得...一定冇問題嘅～你哋就放心抖抖～你哋都辛苦咗好耐喇～」
八個臥底點點頭...
林雪又望望倒後鏡中嘅宋伯伯：「你哋兩條死老鬼...又有乜鳩嘢驚天大陰毛呀？」
宋伯伯帶住慈祥嘅微笑望風景：「你對我哋真係好有偏見～」
林雪又望返路面：「嘩我屌！你兩條撚屌喎！好閪難冇偏見喎！」
宋本木...杜王土...兩個前預行者...
“吼～依！吼～”紅Van劈多兩個彎...再加速...
已經差唔多...差唔多見到...
“吼...吼...依！”林雪一個急煞...停喺黃金海岸入口...
“咔！啪！”紅Van車門一打開...
我同綽姿一起身...
宋伯伯帶住慈祥嘅微笑...望住我同綽姿：「只要喺沙灘上搵到個...五角星標誌...用手掃一掃...門就會開㗎喇～祝你哋好運喇～少年～」
『嗯...』我點一點頭...再望望車上...眾人...
要進入深層睡眠嘅...就快進入深層睡眠...
其他就目送住我同綽姿...落車...
我同綽姿落車後...
“咔！啪！吼！吼～”林雪立即閂車門...踩盡油...
目送住紅Van絕塵而去...
望返黃金海岸門口...冇人...
『班黑社會呢？』一個人都冇...
尋日佢哋仲喺度...幫緊西貢獻命著草...
然後...我同綽姿殺到入嚟之後...佢哋都仲有喺度...打點...
「入咗去...睇睇先。」綽姿就向住黃金海岸入口行入去。
我都跟住綽姿身邊行...行入黃金海岸...
由黑社會所設置嘅閘口都仲喺度...仲有唔少雜物...但就係冇人...
穿過閘口繼續行...再行入啲...都仲係冇人...唔見有人...
之但係地上...路旁...草地上都堆放咗唔少雜物...
啲雜物...有冇用？係唔係垃圾？
「睇嚟...」綽姿望望四周，「走得好急。」
『嗯...』由四周嘅環境...可以睇得出...
走得好急...喺好急趕嘅情況之下...有好多嘢想帶走...但帶唔走...就趕住要走...
留低咗好多...可以話有用...但又唔算係必需...
淨係帶必需品趕急離開...
『佢哋都係...逃入屯門？』我望住有唔少木製餐具散喺地上...
「應該係...」綽姿點點頭...望住四周...望望冇人嘅店舖...一步一步行，「佢哋應該知道解放軍會攻入嚟。」
『咁佢哋又知唔知...SPIRIT會喺屯門守？』繼續行...望望黑漆漆嘅店舖裡面...一片混亂...
「知唔知都與我哋無關...」綽姿行落黃金蒙馬特，「不過應該都留意到...SPIRIT嘅行者經過。」
『咁都好正常...一大班黑色身影飛過...好難留意唔到...』佢哋都知有SPIRIT存在...尋日都見識過我同綽姿...
見到咁唔對路...都應該諗到...逃入屯門比較穩陣...好似係...
我同綽姿沿住黃金蒙馬特一直行...
兩旁都有唔少冇人嘅地攤...
啲攤檔唔係未開...就係放到一地都係貨品...亂糟糟...
睇嚟唔止班黑社會...就連喺呢度擺檔嘅小販都走得好急...
望望遠處嘅碼頭...啲貨都係散到一地都係...
而成個碼頭都係冇人...就只有...一隻船...
隻船泊咗埋碼頭...有個鬍鬚佬落咗船...企喺碼頭摸住頭咁望兩望...
然後...個鬍鬚佬望咗上嚟...望到我...就向我大嗌：「喂！知唔知啲人死晒去邊呀？」
我都向住個鬍鬚佬大嗌：「啲人走晒入去屯門...冇人喺呢度㗎喇...」
個鬍鬚佬又向住我大嗌：「吓？咁佢哋幾時先返嚟呀？」
我又向住個鬍鬚佬大嗌：『唔會返嚟㗎喇...你走啦...』
個鬍鬚佬又向住我大嗌：「吓？唔會返嚟？咁呢度點吖？」
我又向住個鬍鬚佬大嗌：『走啦...呢度好危險...』
個鬍鬚佬又向住我大嗌：「吓？咩好危險吖？」
我又向住個鬍鬚佬大嗌：『總之唔想死就快啲走...』
屌...我真係唔撚想理佢咁多...
繼續跟住喺綽姿身邊行...行多幾步...就見到有個攤檔...有個婆婆喺度執緊嘢...
仲有人...未走...
當我哋行到去個婆婆身邊之時...婆婆口噏噏咁：「唉...都唔知搞乜嘅...尋日咁多人入嚟...又槍聲...又慘叫...鬼咁亂...而家又鬼影都冇一隻...唉...」
綽姿冷冷放下一句：「唔想死就快啲走。」
婆婆一邊執...一邊口噏噏：「唔開檔搵食就真係死囉...」
食古不化...
都識講而家鬼影都冇一隻...俾你開到檔都搵唔到食啦...
我同綽姿都冇理個婆婆咁多...由佢自己繼續執嘢開檔...我哋就繼續行...
繼續行...一直行...跨過散喺地上嘅雜物...繼續行...一直行...一路上都再遇唔到其他人...
然後...就行到嚟沙灘...
我同綽姿一踏落沙灘...企定定...望一望...整個冇人...得沙同海嘅黃金海岸沙灘...
『點搵吖...』呢度咁大...咁空曠...
「宋本木提咗我哋喺沙灘搵已經好好...唔係嘅話...成個黃金海岸咁大...仲難搵。」綽姿行落沙灘。
『都係嘅...』我都跟住綽姿行落沙灘...
我同綽姿喺沙灘上行...
“唰...唰...”聽住海浪聲...一直向前行...
一直行...總係有一種...熟悉嘅感覺...吸引住我...
好似...一直吸引住我...向前行...就喺前面...
行多幾步...喺沙灘上留下足印...就見到...就見面前不遠處...有一個...白色嘅...殘破嘅...
『救生塔...』
我同綽姿望住個白色救生塔...諗一諗...
呢種熟悉嘅感覺...喺嗰度...白色嘅救生塔...
我同綽姿就向住救生塔行過去...
當我哋行到嚟救生塔...呢種熟悉嘅感覺...好強烈...超強烈...
我同綽姿圍住個救生塔行咗一圈...觀察...
殘殘舊舊...甩晒灰...又勁多裂紋...
冇...冇五角星...
然後...我同綽姿都行上樓梯...
行上兩三級...就有一級穿咗窿...再行上兩級...又有兩層裂晒...
我哋只可以輕輕力...上...再上兩級...避免踩冧條梯級...
然後...我哋就上到嚟救生塔...
喺裡面仔細咁望望...觀察...搵搵...
然後就俾我喺牆身上...搵到...
『係...呢度...』一個...五角星...刻紋...
「就係...呢個...」綽姿同我一齊望住牆身上...五角星...刻紋...
『應該...係...宋本木話...只要搵到個五角星...用手掃一掃...門就會開...』我用左手...喺五角星嘅刻紋上掃一掃...
輕輕一掃...我手背上...隱約出現...五角星...
黑色嘅五角星...慢慢由我手背中浮出...
然後...慢慢變成...紅色...
喺我手背中嘅紅色五角星就飄出紅色粒子...飄向...牆身上嘅五角星刻紋中...
而喺五角星刻紋之中...隱約看到...紅色嘅...光線...
紅光線慢慢咁...越嚟越強烈...越嚟越鮮明...
突然...牆身上嘅五角星刻紋發出耀眼嘅紅光...
強紅光一閃後...眼前出現咗...出現咗...
『黑...黑洞...』眼前出現咗一個大黑洞...
成個人咁高嘅大黑洞...有如深淵一樣...深不見低...
而且喺黑洞四周...好似仲有一點點...紅色粒子閃爍...閃爍...吸入黑洞裡...
「呢個就係...」綽姿向黑洞伸出手，「宋本木所指嘅...」
『用ADAM整落嘅黑洞通道...』我都向黑洞伸出手...
我同綽姿伸出手...踏前一步...走近黑洞...被紅色粒子包圍嘅黑洞...
一步...再一步...我同綽姿同時...走進有如深淵一樣嘅黑洞裡...
被黑洞吞噬嘅同時...我只感覺到好似置身於重力邊緣...身體處於失重嘅空間之中...
呢度...究竟...究竟呢度係咩地方？
喺呢個黑漆漆嘅無重空間之中...除咗光亮嘅紅色粒子之外...乜都冇...
連綽姿...綽姿喺邊？
身邊乜都冇...就只有紅色粒子喺身邊飄浮...穿梭...
『綽姿？綽姿？！你係邊吖？』就喺我想搵綽姿嘅位置之時...
眼前嘅紅色粒子開始向後移動...
紅色粒子移動速度越嚟越快...越嚟越急...越嚟越多...越嚟越光...越嚟越強...越嚟越耀眼...
『呀...』
深淵被紅色粒子嘅強光掩沒...眼前就只有紅光一閃...
...
..
.