《香港傭兵》: [Day 24－三合成立] PART 31
“咔...咔咔...咔...咔咔...”部“升降機”載住我哋一行八人慢慢向下降...
宋伯伯繼續講：「SPIRIT一直以地下組織身份...滲入喺唔同宗教...唔同教廷...甚至係宮廷皇宮裡面...做調查工作～」
除咗我之外...綽姿...羅羅同日倫都好留心咁聽...
宋伯伯繼續講：「SPIRIT一直以搵出呢三種聖物為目標...喺唔同嘅宗教...教派裡面...向傳聞傳說...甚至乎係神話裡面著手～」
呢啲算唔算係有用嘅情報？
宋伯伯繼續講：「過咗好多年...發起人都死埋喇～但佢嘅意志冇因為佢嘅死而消失～仲有好多信徒...教徒...組織裡面嘅人都深信...佢一直嘅堅持...繼續追尋落去～」
有冇用都好...反正部“升降機”仲係慢慢咁向下落緊...
宋伯伯繼續講：「SPIRIT一直喺世界之中...暗地裡運行...喺唔同嘅地方...唔同嘅層面...都搵到唔少相關嘅資料...當然...呢啲資料絕大部份都同傳說...神話有關～相對地都好虛無飄渺～」
傳說...神話...
宋伯伯繼續講：「時間耐咗...又冇乜頭緒...呢三種聖物一樣嘅三原核慢慢就成為SPIRIT嘅信仰...只係一種聚集精神嘅象徵～」
就好似...聖經...西方極樂...三位一體嘅上帝...天堂...伊甸園...
宋伯伯繼續講：「過咗好多好多好多年...SPIRIT已經演化成傭兵組織...而佢哋已經掌握到一種好強大嘅科技...係由佢哋前人咁多咁多咁多年追尋三原核所研究出嚟嘅成果...精神化～」
精神化...呢種科技...係由追尋三原核所研究出嚟...
咁多年...有幾多年？有冇成千年？
宋伯伯講到古代咁耐世紀...話唔埋係喺公元前...幾千年都唔出奇...
宋伯伯繼續講：「十二預行者之中...有一個年輕嘅預行者研究到抽取靈魂同靈魂導入技術...」
日倫驚訝咁問：「抽取靈魂？」
『嗯...』我點點頭，『我哋嘅精神液...係由少女身上...抽取靈魂而成...而精神化...大概就係將靈魂導入體內...使體內嘅靈魂超過正常水平...產生精神化現象...』
「嗯...」宋伯伯點點頭，「都幾清楚～」
『梗係清楚...我啱啱先俾你個好朋友點咗去國安局個抽取靈魂工廠...』仲好講...
日倫接住問：「國安局？你係話國安局抽取少女靈魂？」
『嗯...』我點點頭，『國安局同SPIRIT有交易...幫SPIRIT抽取少女靈魂製造精神液...自己又去研發魂導兵...』
「唔怪得...」日倫點點頭，「聖水就係國安局研究嘅實驗品...」
『聖水？』係...嗰啲紅色嘅...毒品？
「嗯...」日倫點點頭，「我調查過...聖水嘅成份同精神液相似...而且仲查到係由國安局散出嚟...原來真係...聖水就算唔係研究嘅其中一環...都一定同你所講嘅魂導兵研發有關...」
原來...日倫有調查過呢方面嘅事...
羅羅口震震：「咁即係話...我哋...我哋一直都用緊...消耗緊...人哋嘅靈魂？！」
「嗯...」宋伯伯帶住慈祥嘅微笑點點頭，「咁你又唔使咁驚訝...靈魂其實都只不過係一種能量嚟姐～」
『你就講得輕鬆...』我冷眼望住宋伯伯...
「梗係～」宋伯伯帶住慈祥嘅微笑望住我，「被抽靈魂嘅又唔係我～」
不負責任...
「不過呢...」宋伯伯擰擰頭，「喺少女身上抽取嘅靈魂都唔夠...就算係喺五六歲嘅小妹妹身上抽...能量都仲係唔夠強...」
大家都冇出聲...繼續等宋伯伯講落去...
宋伯伯就繼續講：「年輕嘅預行者成為唯一嘅預行者之後...利用死海文書...得知EVE擁有強大嘅能量...比起少女身上抽取嘅靈魂大好多好多更多更多...」
死海文書...Owner都提及過嘅...死海文書...
年輕嘅預行者唔會係Owner...因為唯一嘅預行者係恐怖...
咁死海文書...究竟而家喺邊個手？
而喺死海文書裡面...仲收埋咗乜嘢秘密？
宋伯伯繼續講：「最大問題又真係俾佢搵到EVE先衰～」
EVE...俾恐怖搵到？
宋伯伯繼續講：「不過...佢唔可以長久對EVE抽取能量...因為EVE受損...而且仲幾嚴重～」
EVE...受損...
宋伯伯繼續講：「EVE受損...不穩定...只係抽取一次都差啲出事...唔可以貿貿然再抽取能量...因為一個唔好彩...成個地球都有機會俾EVE強大嘅能量毀滅～」
羅羅又口震震咁：「成...成個地球...有冇可能吖？」
宋伯伯帶住慈祥嘅微笑打量住羅羅：「我唔係誇大...更唔係講笑～你哋真係唔清楚...EVE原核可以釋出幾大能量～而事實上你哋有好多嘢都唔知...就好似原始人覺得火已經危險...唔會理解到核聚變可以帶嚟幾大嘅毀滅性～」
啱吖...喺SPIRIT嘅科技面前...我哋只係原始人...
老實講...咩係核聚變我都唔知啦...
宋伯伯繼續講：「EVE受損...年輕嘅預行者深明唔可以急於抽取能量...佢亦都唔心急～所以佢決定封印EVE～」
封印EVE...
宋伯伯繼續講：「EVE被封印...嘗試修復...當然～邊有咁容易～年輕嘅預行者好努力去研究...又嘗試喺死海文書中...探究出修復EVE嘅方法...但佢缺少咗關鍵嘅一部份～」
關鍵嘅...一部份？
宋伯伯帶住慈祥嘅微笑點點頭：「佢只係得封印EVE嘅一部份...缺少點去修復嘅一部份...縱使以佢嘅聰明才智...要去探究...都要時間...之但係我唔會俾佢有時間～」
宋伯伯...唔會俾時間...恐怖？
宋伯伯繼續Keep住慈祥嘅微笑：「我選擇咗去...搶...」
搶...由恐怖手中...搶EVE...
宋伯伯望咗梓翹同子茵一眼：「喺我哋手中...有關鍵嘅牌～」
關鍵嘅牌...係指...梓翹同子茵...偶然...必然...
“咔咔...咔咔...咔...咔咔...”我哋繼續慢慢向下降...
羅羅眼甘甘咁望住梓翹...
宋伯伯繼續講：「我哋...將EVE搶咗返嚟～」
搶...
牆身開始有...光...綠色嘅光...
一條條...長條形嘅綠光...好似LCD燈咁...喺牆上...
係照明系統？唔知...總之就有綠光照亮我哋...
而呢啲綠光...照到我身上...總係有一絲絲...暖意...
宋伯伯繼續講：「雖然期間唔係太順利...有少少意外...之但係總算俾我哋搶到EVE返嚟～」
宋伯伯所指嘅...意外係...
宋伯伯繼續講：「搶咗返嚟之後...封印都已經唔穩陣...不過我就係有年輕嘅預行者所缺少咗關鍵嘅一部份～」
日倫接住講：「修復EVE嘅方法...」
「嗯～」宋伯伯點點頭，「喺死海文書之中...有詳細講解點樣去修復EVE...呢部份都係年輕嘅預行者所缺少...又仲未探究到～」
又係...關死海文書事...
究竟死海文書係乜嘢嚟？
宋伯伯繼續講：「喺成功修復EVE之後...我哋就開始抽取EVE嘅能量...注入行者嘅體內...與SPIRIT利用精神液精神化好唔同呢～」
日倫接住問：「係將EVE能量注入體內...唔係以精神液...咁你哋點可以維持到...」
宋伯伯打斷日倫嘅說話：「喺人類仲係要依賴更換電芯之時...都諗唔明點樣可以隔空無線差電㗎～係咪？」
日倫諗一諗...點一點頭...
呢個比喻...大至上都係話我哋無知...
宋伯伯有啲唔耐煩：「呢部𨋢真係慢...幾時先落到去㗎...」
老實講...都真係幾慢...
已經向下落咗好耐...究竟要落到去幾深...又要幾耐先落到去我哋要去嘅地方？
宋伯伯繼續講：「不過講真...EVE能量真係強...好強...唔單止源源不絕...好彩喺佢仲未探究到點修復之前...就俾我哋搶走...」
EVE嘅能量...逆行者嘅能量...
假如...如果...萬一...俾SPIRIT得到EVE嘅強大能量...
宋伯伯帶住慈祥嘅微笑：「SPIRIT冇咗EVE...唔可以再研究...就只好繼續靠抽取少女嘅靈魂製造精神液～」
SPIRIT冇咗EVE...
『咁ADAM呢？你哋之前唔係都擁有ADAM？』就喺西貢攻防戰之前...
短白髮男講過...都係因為SPIRIT陰佢哋...錯誤令ADAM失控...
「ADAM...」宋伯伯帶住慈祥嘅微笑望住我...然後...然後...然後...
然後就笑而不語...
咁即係點吖？
而家ADAM真係俾SPIRIT搶走咗？
咁會喺邊吖？
又係點樣㗎？
喂你唔知喺邊都唔緊要...話咗俾我聽ADAM係點嘅樣先啦...等我慢慢再去搵都好吖...
老老實實你哋嘅EVE能量有幾勁關我蛋治咩？
我而家...唔係...我一直都只係想搵出ADAM！俾我返翻去過去...俾我返翻去阿月身邊！
宋伯伯一直都係笑而不語...好似冇意欲解答我嘅疑問...
而仁慈...梓翹同子茵都冇出聲...靜靜咁企定定...
綽姿又係冷冷淡淡咁...
日倫就一面諗樣咁思考中...
而羅羅就凝視住梓翹...
咁即係點？
我嘅疑問係唔係得唔到答案？
“咔咔...咔...咔咔...咔...咔咔...”升降機繼續慢慢下降...
綠光一閃...一閃...一閃...
宋伯伯仲係唔多耐煩咁：「真係好慢...好鬼慢...可唔可以快啲...我就係最唔滿意呢個升降設備...咩年代吖...仲用啲咁古老嘅升降設備...」
唔係用呢種設備可以用邊種呢？
我嚟咗未來咁耐...都好似冇用過啲乜嘢特別先進又或者令人驚訝嘅升降設備咋喎...
講返轉頭...話說聽完宋伯伯講故事...都係唔知去緊邊...
之但係...我又冇乜不安嘅感覺...
仲有一絲絲...溫暖...一點點安心...
越係向下降...越係落得越深...呢種溫暖同安心感就越嚟越強...
就好似...一直等緊...一直期待...一直盼望嘅...越嚟越近...越嚟越接近...
點解會咁？點解我會有呢種感覺？
人嘅感覺...真係好奇怪...
“咔咔...咔...咔咔...咔...咔咔...”升降機慢慢開始...開始慢慢停落嚟...（真係慢到我都唔知係唔係真係停落嚟...）
然後...開始見到...鐵閘...
“咔...咔！”當升降機停定後...
宋伯伯指指個鐵閘：「幫手開開閘啦～少年～」
『哦...』點解又係我...
“咔！咔咔咔！”我拉開鐵閘...然後宋伯伯就行出升降機...
我哋幾個都跟喺宋伯伯身後行...行出嚟呢個...一大個空間...
喺空間之中...有唔少...綠色粒子...
唔少綠色粒子喺空氣中飄浮...
好溫暖...好親切...被呢啲綠色粒子圍住...總係有種溫暖...親切嘅感覺...
全個空間都係...以呢啲一粒粒...帶住溫暖...帶住親切嘅綠色粒子...作照明...
宋伯伯一直向前行...向前行...越係向前行...就越覺得溫暖...親切...
就好似...好似一直等緊...一直期待...一直盼望嘅...就喺前面...等緊我...等住我...
梓翹帶住尷尬嘅微笑摸摸頭：「你唔好咁望住我啦～」
羅羅立即擰去另一邊...又眼尾偷偷望住梓翹...
做...做咩呢？
羅羅好似好...在意梓翹咁嘅？
我都係唔理佢哋咁多...繼續跟住宋伯伯身後...被前方...不明嘅感覺所吸引...
繼續行...再行多幾步...然後...然後就見到前面...好似有綠光...
越嚟越光...越行前...越接近...就越嚟越光...
宋伯伯慢慢放慢腳步...我就見到...前面不遠處...有個大型玻璃容器...
成個大型玻璃容器...就好似國安局嗰啲...浸住少女嗰啲...大型玻璃容器...
一樣...一樣有液體喺裡面...分別在於...而家面前呢個...係閃住綠光...
一閃...一閃...綠光一閃一閃...
總係...好溫暖...好親切...呢個大型玻璃容器...就係源頭？
而裡面...好似浸住個...身影...
睇唔清楚...綠光一閃一閃...睇得唔清楚...
當我想行前...睇清楚啲...
綠光隨住液體向下降...慢慢向下流失...
宋伯伯望實大型玻璃容器裡面嘅身影：「果然...」
當所有綠光同液體都向下流失...
“吱！”宋伯伯望實大型玻璃容器塊玻璃打開：「再一步...」
然後...喺裡面嘅身影...就踏出大型玻璃容器...一步一步...向住我哋身處嘅方向...行過嚟...
一步一步...呢個...赤裸裸嘅身影...一步一步...慢慢咁...行過嚟...
當呢個赤裸裸嘅身影...行到距離我哋...大約五米範圍...
我可以...清楚咁望到...呢個赤裸裸嘅...少女身影...係...
「我哋...終於都...再次相見～」
『阿...月？！』