《香港傭兵》: [Day 24－三合成立] PART 25
“啪！啪！”喺魂導兵上下半身跌落公路上...慢慢化成紅色粒子...喺空氣中飄散...消失嘅同時...
我已經以忍步極速前進...
望住綽姿同四個魂導兵...喺車與車之間邊跑邊交戰...
紅光刀刃...紅光雙爪...紅光手刀閃過不停...
而我都貼住身邊架巴士...喺巴士與輕型貨車之間極速狂奔...已經跑到魂導兵背後...
我以居合拔刀姿勢儲力...
魂導兵感覺到我嘅氣息...立即轉身右踢腳...
我一儲夠力就立即拔刀一閃...
“嗡！吱！！！”魂導兵嘅紅光腳刀俾我嘅紅光刀刃一斬...隨即斷開兩截...
斷咗右腳嘅魂導兵失咗重心...向後半退半跌...
我立即乘勝追擊...追貼魂導兵...由下而上...由右至左抽刀轉身一斬...
“嗡！吱！！！”魂導兵嚟唔切擋...胸口被我手上嘅紅光刀刃深深咁斬咗一刀...
魂導兵胸口上嘅紅光傷口噴出大量紅色粒子嘅同時...佢成個人亦被斬擊嘅衝力向後一飛...撞向身後...啱啱駛到嘅巴士車身上...
我立即向住魂導兵一跳...同時向佢身上揮動精神刀...
“嗡嗡！嗡嗡！嗡！”五道紅光刀影喺魂導兵身上劃過...亦同時劃過巴士車身...
我一腳踩向魂導兵胸口...同時一個後空翻...企喺正好駛過嘅私家車車頂上...
“依！依！依！！！”巴士隨即失控...
貼住喺巴士車身上嘅魂導兵身體開始分離...巴士車身亦同時斷開...
“依！吱！依！砰啪！轟！”巴士車身殘骸橫瞓喺公路上轉咗一圈後...撞埋石壆...
“咇咇！依！”後面嘅車輛一一扭軚閃避...
其餘三個魂導兵繼續夾擊綽姿...
綽姿就只有擋...避...再向前跑幾步...
三個魂導兵對綽姿窮追不捨...
我立即喺私家車車頂一跳...跳上小巴車頂再一跳...跳上巴士車頂短距離加速後再一跳...
我喺空中以居合拔刀姿勢轉體三百六十度儲力...
兩個背住我嘅魂導兵一左一右...立即向我轉身一踢...
我儲夠力嘅一剎那立即拔刀一閃...
“嗡！吱！！！”紅光刀刃同時將兩隻紅光腳刀斬斷...
我再順勢一轉身...再向住兩個魂導兵條頸一斬...
“嗡！吱！！！”紅光刀影劃過兩個魂導兵條頸後...兩個頭顱就與身體分離...飛到空中...
當我一落地之時...黑色Benz已經向住城門隧道衝過去...
兩架黑色Chevrolet亦緊追其後...追撞Benz車尾...
而綽姿仲俾個魂導兵糾纏住...跑得唔快...
唔得...再唔快啲追上...幫仁慈解圍...宋伯伯架Benz真係唔使要...
不過要幫仁慈解圍之前...首先要幫咗綽姿先...
我立即再喺兩架私家車之間以忍步極速穿過...衝向魂導兵...
就喺魂導兵想一爪爪向綽姿之時...我揮刀一擋...
“嗡！吱！”就喺紅光刀刃與紅光利爪擦出大量紅色粒子之時...綽姿向住魂導兵大髀一斬...
“嗡！吱！”斬唔入...綽姿把紅光刀刃只係輕輕咁喺魂導兵大髀上擦過...
我立即將魂導兵格開：『做咩吖？唔係而家先嚟手軟吖嘛？！』
其實已經唔係而家...早喺一落車...對上一開始嗰三個魂導兵...我就覺得綽姿手軟腳軟冇奶力咁...
搞咩吖？
魂導兵彈後兩步...踩住小巴車頭向住我一跳...
『你去幫仁慈先...』我立即擺出居合拔刀姿勢儲力...
綽姿立即轉身...以忍步極速衝向城門隧道...
與此同時...魂導兵凌空轉身三百六十度向我使出Rider Kick...
我亦已經儲好力...向住魂導兵使出居合拔刀一閃...
“嗡！吱！！！”極刺眼嘅紅光刀影劃過魂導兵紅光腳...同時有度極刺眼嘅紅光刀氣飛出...劃過魂導兵身體...仲劃過埋喺佢身後架小巴...
魂導兵連同佢身後架小巴...同時被紅光刀氣上下分開兩截...
“依！依！砰啪！轟隆！”小巴殘骸炒埋石壆...魂導兵嘅人體殘骸亦跌落公路上...
就喺呢個時候...黑色Benz已經衝入城門隧道...兩架黑色Chevrolet亦緊追其後...衝入隧道...
要快啲...
我唔理有幾多無辜嘅人死喺我刀下...立即轉身...以忍步極速追上綽姿...
好快...跑過兩架的士之後...好快就俾我跑到嚟綽姿身邊...
我同綽姿肩並肩咁...衝入城門隧道...
越嚟越近...已經跑到好近...
仁慈左扭右扭...黑色嘅Benz就左Cut右Cut...爬過兩架的士頭...
而緊追喺後面嗰兩架黑色Chevrolet亦左Cut右Cut...被架的士擋一擋...就撞一撞佢尾...
的士怕咗佢...立即Cut線讓...
“咇咇！！！”但喺兩架黑色Chevrolet過咗頭之後...都要唔憤氣長咇兩聲...
我同綽姿就再短距離加速...以忍步跑多兩步...跳上的士車頂...再跳上私家車車頂...
而當我哋越嚟越接近之時...兩架黑色Chevrolet左邊前客座車門隻車窗同時打開...
兩個黑色身影由左邊前客座車門車窗爬出...爬上車頂...
又有...又有兩個魂導兵...
兩個魂導兵單膝半跪...各自跪喺黑色Chevrolet嘅車頂上...對向前面架黑色Benz...
要阻止...一定要阻止佢哋...
我同綽姿一左一右...叉交走位咁以忍步跑上隧道嘅牆身...
借牆身短距離加速...向上方跑...
當差唔多跑到上天花...我同綽姿立即同一時間跳向跪喺黑色Chevrolet嘅車頂上...準備要跳向Benz嘅魂導兵...
兩個魂導兵都感覺到我同綽姿嘅氣息...停止佢哋原本打算嘅行動...立即使出迴旋踢...
我喺空中轉體三百六十度後...短時間儲力居合拔刀一閃...
“嗡！吱！！！”紅光刀刃與紅光腳刀互碰嘅一瞬間...我踩住喺黑色Chevrolet車頂...立即再向魂導兵A揮兩刀...
魂導兵A轉身一避...再單手撳住車頂轉身避開紅光刀刃企返起身...
我趁住魂導兵A仲未站穩陣腳...就向住司機位舉刀...準備向下一插...
消滅魂導兵係次要...阻止架車繼續追上仁慈先係最重要...
但仲未站穩陣腳嘅魂導兵A勉強向我使出二連腳刀...
紅光刀氣直飛向我面前...
我只好立即以紅光刀刃一擋...再擋...
“吱！吱！”化解咗兩度紅光刀氣之後...魂導兵A立即單手爪住車頂...再向我施展旋風腿...
我及時再以紅光刀刃一擋...但衝擊力之大...將我成個人踢出車頂外...飛埋去隧道牆身...
我背脊一撞埋牆身...魂導兵A立即向我使出Rider Kick...
我立即反手持刀...一刀插入牆身再急速轉身迴避...
“轟！”魂導兵A嘅Rider Kick踢到隧道牆身穿咗個大窿...
我立即轉身...順勢將把刀抽返出嚟...同時揮出紅光刀氣...
“吱！！！”紅光刀氣打橫片住隧道牆身...片向魂導兵A...
魂導兵A一個後空翻...同時以腳刀化解紅光刀氣...
我一個後空翻...單膝半跪咁跪喺一架的士嘅車頭上...
而魂導兵A後空翻跳到上天花板...立即以短促儲力一跳...再轉身向我使出Rider Kick...
我立即跳上隔離架貨車避開...魂導兵A嘅Rider Kick就直擊的士車頭...
“轟隆！”的士被魂導兵A嘅Rider Kick直接擊中...立即發生大爆炸...
“咇咇！依！咇！！！”後面嘅車輛爭相閃避...
喺火海及濃煙之中...一道閃住紅光嘅黑影飛出...飛到上嚟貨車車頂上...
魂導兵A身上仲有少量火亮...同時向我一踢...再踢...轉身迴旋踢...
我一避...再避...以紅光刀刃擋擋擋...
將魂導兵A嘅攻勢一一化解後...我立即跳向隧道牆身...同時轉身向魂導兵A揮幾刀...
幾道紅光刀氣由紅光刀刃揮出...飛向仲企喺貨車上嘅魂導兵A...
魂導兵A一擋...一避...亦立即跳向隧道牆身...
“吱吱！吱！”三道紅光刀氣誤中貨車...立即失控...打橫瞓喺地上滑行...
後面嘅車輛收制不及...直撞貨車...
“轟隆！”隨即發生大爆炸...火光熊熊...飄出大量濃煙...
唔得...唔可以再俾魂導兵纏住...
綽姿好似仲苦戰緊...
而兩架黑色Chevrolet又追住Benz車尾嚟撞...
要趕過去...幫仁慈解圍...之前要幫咗綽姿先...
我喺隧道牆身上以忍步加速...向住天花跑上去...
後面嘅魂導兵A死追住我...
綽姿跳上架巴士...另一個魂導兵亦準備跟住跳上去...
就喺魂導兵B用力一跳...同時我一邊以居合拔刀姿勢儲力...一邊跑到上天花...倒住喺天花以忍步極速狂奔...
當魂導兵B差唔多跳到上巴士上之時...我立即喺天花上跳向魂導兵B...
由我跳向魂導兵B嘅同時...我亦剛好儲夠力...瞬間向魂導兵B使出居合拔刀一閃...
魂導兵B反應極快咁一爪爪實巴士身體...順勢轉身向我踢一腳...
“嗡！吱！！！”喺紅光刀刃與紅光腳刀碰撞嘅一瞬間...我手上嘅紅光刀刃被帶動...向巴士車身斬落去...
我一邊失去重心...一邊揸實精神刀...紅光刀刃插住喺巴士車身...向下直劏...
當紅光刀刃劏落巴士輪胎...我都跌落地面...碌咗幾個圈再貼住地面滑行幾米遠...
“依！依！！！”巴士失去控制...左搖右擺...正要橫瞓之時...
喺天花上倒轉嚟跑嘅魂導兵A立即向住仲喺地面上滑行緊嘅我一跳...再次使出Rider Kick...
我後滾翻再勉強單膝半跪...但都嚟唔切閃避招架...
今次弊...已經嚟到面前...
就喺我快要被魂導兵A嘅Rider Kick踢中之時...
“嗡！吱！！！”綽姿及時飛身一閃...將魂導兵A隻腳斬斷...
魂導兵A亦同時被擊飛...
而失控嘅巴士已經橫瞓喺路面上...壓住魂導兵B滑行緊...
正當巴士要撞向隧道旁邊嘅石壆之時...魂導兵A都撞咗埋去巴士度...
“轟隆！！！”就喺巴士撞埋石壆之後...隨即發生大爆炸...
我企返起身...同綽姿一齊回頭望住...Benz啱啱爬過巨型運油車頭...兩架黑色Chevrolet亦跟住抽頭...
而喺巴士嘅殘骸...熊熊烈火...厚厚濃煙之中...仲有兩個雜亂嘅氣息...
竟然...魂導兵A同B咁都仲未化成紅色粒子？！