《香港傭兵》: [Day 24－三合成立] PART 19
我望住背住我嘅魂導兵...
魂導兵隻啱啱復原嘅左臂...開始有紅色嘅幼線...越嚟越多...越嚟越粗...
當魂導兵左臂上嘅黑色皮甲產生裂甲效果後...紅光由裂紋之中發出...
復原...已經完全復原...
成隻左臂就好似冇斷過一樣...同身體上嘅裂紋無縫連接...閃亮住紅光...
係吸收...
照咁睇...當魂導兵唔可以靠自身能量復原...就靠吸收其他靈魂...
咁講法...假如我唔俾佢有時間吸收...超過自身能量復原嘅創傷...同時又冇時間吸收靈魂...
好...就試試佢...
我踏前一步...極速衝到去魂導兵背後使出一閃...
“嗡！”就喺我紅光刀刃快要擊中魂導兵之時...魂導兵轉身用腳一擋...再用另一隻腳向我一踢...
我立即單手向後一翻...避開魂導兵嘅紅光腳刀...
與此同時...綽姿由上而下...從天而降...向魂導兵兜頭砍落去...
“嗡！吱！”魂導兵再轉身向上一踢...一腳就踢向綽姿把紅光刀刃...
綽姿雖然係用紅光刀刃擋住...但魂導兵嘅能量之大...一腳就踢到綽姿飛向大型玻璃容器...背脊一撞...單膝半跪跪喺地上...
我緊接住以忍步向魂導兵接近...
當我再次跑到去魂導兵面前...我輕輕揮動精神刀...
“嗡！嗡！”紅光刀刃輕輕但快速咁揮向魂導兵...
“吱！吱！”魂導兵好輕鬆咁用紅光手刀左擋右擋...然後正要用腳向我一踢之時...
“嗡！吱！”我出盡全力以紅光刀刃向魂導兵嘅腳刀一格...魂導兵嘅上五吋下五吋就被我嘅紅光刀刃深深咁斬咗一刀...
魂導兵喺佢隻腳未俾我斬斷之前...立即跳後兩步...
雖然魂導兵嘅上五吋下五吋紅光傷口飄出大量紅色粒子...之但係仲未夠...
深係夠深...但斬唔斷嘅話...佢係可以自我癒合...
話口未完...眼見魂導兵嘅嘅上五吋下五吋紅光傷口正慢慢咁合返埋...
要繼續攻擊...仲要最起碼斬斷佢嘅手手腳腳...
我同綽姿同一時間一前一左...以忍步衝向魂導兵...
“嗡！”綽姿喺左邊橫刀一揮...紅光刀影劃向魂導兵條頸...
“吱！”魂導兵左手紅光手刀一擋...
“嗡！”我由下而上...由右至左大刀一揮...
“吱！”魂導兵左腳一擋...
魂導兵發力一推...就將我同綽姿推開...
我退後多一步...眼見魂導兵嘅傷口越嚟越窄...慢慢就癒合返...
我再同綽姿立即衝向魂導兵...
當我同綽姿都貼近魂導兵之時...我哋都揮動手中嘅精神刀...
“嗡嗡！吱！嗡！吱！嗡嗡！”紅光刀影閃過不停...紅光刀刃與紅光手刀...腳刀之間擦出大量紅色粒子...
我同綽姿圍住魂導兵又斬又砍...再擋再避再反擊...
仲未夠...仲未可以傷到...就係呢個時候...
趁住魂導兵轉身用紅光手刀擋住綽姿嘅抽刀一斬...我向住魂導兵背後極速用盡全力使出袈裟斬...
“嗡！吱！”魂導兵背後俾我深深咁斬中一刀...
魂導兵背脊上嘅紅光傷口又闊又長...飄出大量紅色粒子...
魂導兵立即轉身想用踢腳向我作出反擊...
“嗡！吱！”我以紅光刀刃一刀擋開魂導兵嘅紅光腳刀...再轉身抽刀斬向魂導兵胸口...
魂導兵胸口就俾我深深咁斬中一刀...紅光傷口飄出大量紅色粒子...
斬得中...斬得入...仲要斬得好深...
我同綽姿就一左一右咁乘勝追擊...
“嗡嗡！吱！嗡！吱！嗡嗡嗡！”紅光刀影不停咁劃遍魂導兵全身上上下下前前後後...
雖然魂導兵都擋到唔少刀...之但係中刀亦唔少...
不論係我定係綽姿...都總會有刀斬中...砍中...刺中魂導兵身體...
雖然魂導兵面上並冇任何表情變化...但佢嘅動作明顯慢咗...
頻密嘅攻擊...造成嘅傷害...睇嚟真係奏效...
之但係...就算魂導兵嘅動作明顯減慢...變得遲鈍...喺佢身上嘅紅光傷口...都係慢慢咁合返埋...一直Keep住癒合...
唔得...只係得傷口...係唔足夠...一定要再傷啲...要對魂導兵造成大量傷害...
就喺呢個時候...綽姿側身彎腰避開魂導兵手刀之後...順勢抽刀一斬...
“嗡！吱！”魂導兵單腳一擋...就俾綽姿用力一揮...揮上空中...
我就立即向住喺空中嘅魂導兵一跳...
“嗡！吱！嗡嗡！吱！嗡！”我一路追上空中嘅魂導兵...一路向住佢身上揮刀...
魂導兵邊擋邊中...身上又多咗十幾條...幾十條紅光傷口...
就喺魂導兵滿身紅光傷口...飄出大量紅色粒子之時...我一刀砍落魂導兵...
“嗡！吱！！！”魂導兵以紅光手刀交叉一擋...俾我壓住咁直轟落地...
“轟！吱！！！”落地產生巨響嘅同時...魂導兵兩隻前臂亦同時被紅光刀影劃過...
魂導兵兩隻前臂飛到空中...再跌返落地...
斷咗兩隻前臂...斷口噴出大量紅色粒子嘅魂導兵立即彈後兩步...
當魂導兵企定...企定定...然後就有越嚟越多...閃亮住紅光嘅紅色粒子...由右邊個大型玻璃容器...飄向魂導兵身體...
唔可以...今次唔可以再俾佢吸收精神能量...吸收靈魂...
越嚟越多...無數咁多粒紅色粒子...由浸有赤裸裸小妹妹嘅大型玻璃容器飄出...飄到去魂導兵身上...吸收...
我立即以忍步極速跑向魂導兵...
一瞬間...跑到嚟魂導兵面前之時...我揮動精神刀...
“嗡嗡！嗡嗡嗡！”紅光刀影向住魂導兵揮舞...
魂導兵立即左閃...右避...邊閃避...邊後退...
我不停貼近魂導兵身...橫斬直砍轉身斬砍...
魂導兵再閃再避...後退多幾步...再提腿用腳擋...
而原本被魂導兵吸收緊靈魂嘅大型玻璃容器...已經冇紅色粒子飄向魂導兵身上...但喺佢身後嘅大型玻璃容器就有紅色粒子飄向佢背脊...
我一路攻擊...魂導兵一路向左向右向後退避...
身邊一個個大型玻璃容器就接住咁被魂導兵吸收靈魂...
竟然...唔使企定定都可以吸收靈魂...
仲要可以無間斷咁...一個接一個...喺附近嘅大型玻璃容器吸收靈魂...
唔得...咁落去唔係辦法...一定要諗辦法...辦法就係...繼續對魂導兵造成大量傷害...
喺魂導兵一對前臂斷口...正有幾條紅光...紅線...伸出之時...
“嗡嗡！吱！嗡嗡！”我向魂導兵斬幾刀...
魂導兵避開兩刀...當佢正要提起腿...想用腳擋之時...
“嗡！吱！！！”我大大力一刀砍落魂導兵小腿...
魂導兵立即一個側身翻拉開距離...
當魂導兵半踎半跪之時...一對前臂嘅斷口所伸出嘅紅光線嘅數量明顯少咗...速度亦明顯慢咗...
而啱啱俾我斬傷嘅小腿上...深深嘅紅光傷口飄出大量紅色粒子...
喺魂導兵身邊個大型玻璃容器繼續有紅色粒子飄出...飄到去魂導兵身上...
魂導兵小腿上嘅紅光傷口正慢慢咁癒合...
仲未夠...仲未足以阻止...
我立即以忍步極速跑向魂導兵...
當我差唔多跑到去魂導兵面前...佢一個掃膛腿...
我立即跳起避開...再喺空中向魂導兵揮兩刀...
“嗡嗡！吱！”紅光刀影劃過魂導兵兩邊肩膀...留下深深嘅紅光傷口...
喺魂導兵兩邊肩膀紅光傷口飄出紅色粒子之時...我一落地...就向魂導兵抽刀一斬...
“嗡！吱！！！”魂導兵俾我攔腰一斬...斬到上空中...
我立即用力一跳...追上喺空中嘅魂導兵...
“嗡嗡嗡！吱！嗡！吱！”一邊衝上去...一邊向魂導兵連環快斬幾刀...魂導兵一直都用紅光腳刀招架...
魂導兵嘅反應...動作明顯慢咗好多...
我就睇準機會...再向住魂導兵胸口...上半身斬多幾刀...
“嗡！吱！嗡嗡嗡！吱！”幾道紅光刀影劃過魂導兵上半身...劃出一條條深深嘅紅光傷口...
我再凌空向魂導兵身上轉身斬兩刀...
“嗡！嗡！吱！！！”魂導兵就俾我斬到直墜落地面...
“轟隆！”魂導兵落地之後...半踎半跪...
我就再次由上而下...從天而降咁向魂導兵使出袈裟斬...
正當我手上發出刺眼紅光嘅紅光刀刃斬向魂導兵頭上之時...佢舉起雙臂...前臂斷口立即伸展出十幾...百幾...數之不盡咁多條紅線...瞬間交織返兩隻前臂出嚟...
“嗡！吱！！！”一對浮出黑色皮甲嘅前臂亮出紅光...以紅光手刀交叉擋住我嘅紅光刀刃...
可惡...竟然可以...
魂導兵一腳就將我踩開...
『嗚...』我喺地上碌咗幾圈...一刀插落地...單膝半跪跪喺地上...
竟然仲可以繼續吸收靈魂...
冇錯...喺頭先我對魂導兵展開一連串攻擊之時...佢都冇停過...冇停過吸收附近嘅大型玻璃容器...吸收靈魂為自己癒合...
唔可以阻止...單單對魂導兵造成傷害...都唔可以阻止佢持續吸收附近嘅大型玻璃容器...吸收靈魂為自己癒合...
而家仲吸緊...離我差唔多有廿米遠嘅魂導兵...仲吸收緊佢身邊嘅大型玻璃容器...大量紅色粒子都由大型玻璃容器飄出...由浸喺裡面個赤裸裸小妹妹身上飄出...
要用另一種方法...既然對魂導兵造成傷害都唔可以阻止佢持續吸收...就要用另一種方法...
要...破壞大型玻璃容器...
只要周圍...在場所有大型玻璃容器...令佢再冇靈魂可以吸收...
我望住身邊嘅大型玻璃容器...望住浸喺裡面...赤裸裸嘅小妹妹...
就喺我舉刀...想揮刀斬落去之時...
「唔好...」綽姿捉實我隻手...阻止我揮刀...
『做咩？』做咩要阻止我？
「你會殺咗佢。」綽姿望住...浸喺大型玻璃容器裡面...赤裸裸嘅小妹妹...
『唔咁做...魂導兵會一直吸收靈魂癒合...』再係咁落去...到我哋會死...
「佢會死㗎。」綽姿仲係緊緊捉住我隻手...望住個赤裸裸嘅小妹妹...
『佢而家喺裡面同死有乜分別？』一直浸喺裡面...被吸收靈魂...
「之但係...」綽姿都未講句...
「嗚呀！」魂導兵突然大嗌...雙手攤開...
魂導兵全身嘅裂紋閃亮住刺眼紅光...
「嗚...呀！」魂導兵慢慢升起...
弊...睇個勢...唔對路...