《香港傭兵》: [Day 23－殺戮特區] PART 19
“嗡！”紅光刀刃消失後...我插返把精神刀柄喺腰間...
綽姿都收割晒其他人皮紋身...行到嚟我面前具西貢獻命光頭佬屍體旁邊...踎一踎低：「係黃金海岸...」
『嗯...真係黃金海岸...經水路...』黃金海岸...班黑社會仲喺唔喺嗰度...
「好喇...我哋都過去...」綽姿將最後一塊人皮紋身都收割埋之後...就起身行出泳池...
我都跟喺綽姿身邊...行到去圍欄...向平台花園跳落去...
一路跟住綽姿身邊...一路行去出口...一路行返落去另一道大鐵閘...
綽姿企喺大鐵閘前...輕輕揮幾刀...
“嗡嗡！嗡嗡嗡！”大鐵閘瞬間被斬成碎件...散喺地上...
跟住綽姿行出恆順園...回頭一望：『呢度真係好似迷宮一樣...』
「係咩。」綽姿冇理我咁多...繼續向住馬路方向行...
好啦...呢啲都唔係重要嘢...而家重要嘅係...趕過去黃金海岸...
我同綽姿一踏上馬路...就立即以忍步進發...
一邊以忍步進發...一邊感應住四周...
冇...冇行者嘅氣息...睇嚟佢哋都唔喺呢邊...
應該都留喺市中心嗰邊...工廠區嗰邊...或者再入啲嘅位置...
咁都好...唔使同人爭...同人搶...
唔係嘅話...我怕會忍唔住手...將佢哋都化成紅色粒子...
唔使一陣...就已經跑過咗三聖...差唔多已經見到...金毛MK仔...
有兩個手持長槍嘅金毛MK仔...手揗腳震咁企喺黃金海岸入口...
我就跑快兩步...跑過綽姿...跑到去兩個金毛MK仔面前...
“嗡！嗡嗡！”我將兩個金毛MK仔手上嘅長槍都斬成碎件...再以紅光刀刃降住其中一個條頸...
兩個金毛MK仔都未嚟得切驚...
我望住面前個金毛MK仔：『唔想死嘅...行開...』
兩個金毛MK仔嚇到腳都軟埋...坐咗喺地上...向後爬...
我同綽姿就望住入口入面...幾個掉低槍...舉晒手嘅金毛MK仔...讓條路...俾我哋行...
我同綽姿就一步一步...行入黃金海岸入口...向住碼頭方向行...
未行夠幾步...離遠望住停車場行...就見到有唔少白色輕型貨車停泊咗喺度...
輕型貨車旁邊仲企咗唔少西貢獻命光頭佬...仲有唔少金毛MK仔喺度...幫手運貨...
佢哋推住一箱箱車仔又有...徒手搬又有...
而幾個西貢獻命光頭佬就對住啲金毛MK仔呼呼喝喝：「快撚啲呀！快撚啲搬晒過去碼頭嗰邊啦！啲車入唔到去就爽撚手啦屌！」
當我同綽姿再行近啲...其中一個金毛MK仔就察覺到...我哋...
而呢個金毛MK仔...係肥屍...
肥屍驚恐咁望住我...
我同綽姿再行近啲...一步一步...再行緊啲...唔止肥屍...仲有個西貢獻命光頭佬都察覺到...我哋正逐步迫近...
個西貢獻命光頭佬望實我同綽姿大嗌：「係SPIRIT...殺到嚟喇！拎槍！拎槍！」
在場嘅西貢獻命光頭佬又好...金毛MK仔又好...個個都放低手上嘅貨物...立即去拎起長槍...手槍...指住我同綽姿...
我哋再行近多兩步...
其中一個西貢獻命光頭佬就大嗌：「開槍呀！開槍呀仲等咩呀？！」
在場嘅金毛MK仔都呆呆滯滯...手震震...
而十幾個西貢獻命光頭佬就立即向我同綽姿開槍...
“砰砰！砰！砰！啪！啪！砰！”十幾粒子彈就飛埋嚟我哋面前...
“嗡！嗡嗡！嗡嗡嗡！”我立即揮動精神刀...以紅光刀刃擋住子彈...
班金毛MK仔見西貢獻命光頭佬開槍...都跟住向我哋開槍...
“啪啪啪！砰砰！砰！啪！啪！砰！”Keep住有幾十粒子彈飛埋嚟...
“嗡！嗡嗡！嗡嗡嗡！”我都一一以紅光刀刃擋住...子彈化成輕煙...
“啪！啪啪！砰！砰！啪！啪！砰！啪！”亂射咗一段時間...
“嗡嗡！嗡！嗡！嗡嗡嗡！”紅光刀刃將無數咁多粒子彈都化成輕煙...
西貢獻命同MK仔射到冇子彈嘅冇子彈...停手嘅都停咗手...
我就再行前一步：『唔係西貢獻命嘅人...唔想死嘅就...同我行開...』
班金毛MK仔呆咗咁...又手震震咁...
其中一個西貢獻命光頭佬又大喝大罵：「開槍呀！開槍呀！冇子彈就上彈啦！」
班金毛MK仔仲係手震震咁...
西貢獻命光頭佬就捉住肥屍：「開槍呀！我叫你開槍...」
“啪！”一聲...
肥屍就喺西貢獻命光頭佬胸口開咗一槍...
當個西貢獻命光頭佬倒斃喺地上...
其他金毛MK仔唔知點好...只係識得手震震...又腳震震咁散開...
班西貢獻命光頭佬又用槍指住班金毛MK仔：「作...反...呀...」
我就立即以忍步突進...
“嗡嗡！嗡嗡嗡！”我一邊以極速移動...一邊揮動手中嘅精神刀...
紅光刀影就斬斷長槍...再喺每個西貢獻命身上都斬兩三刀...
當我停落嚟...企正喺班金毛MK仔中間...肥屍面前之時...
“啪啪...咚...啪...咚...啪啪啪...咚咚...啪...”人體殘骸散喺地上...
肥屍睜大對眼望實我...手震震...口震震...全身震震...
我亦冷眼望住肥屍...
肥屍皺皺眉...又睜到對眼大一大：「呃...呃...係...係...你...」
其他圍喺我身邊嘅金毛MK仔腳都軟埋咁...向後退咗幾步...將手上嘅槍械都掉晒落地...
綽姿就行到去散喺地上嘅人體殘骸...收割...逐一逐一咁...將人體殘骸上嘅人皮紋身...割落嚟...
與此同時...有一大班手持長槍嘅西貢獻命光頭佬...由碼頭嗰邊衝緊過嚟...
我眼尾望一眼一大班西貢獻命光頭佬...一見到我...就立即舉起手上嘅長槍...指向我...
“砰砰！砰！砰！砰！”子彈就向住我身處嘅方向射埋嚟...
我立即推開幾個背住子彈嘅金毛MK仔...衝過去...
“嗡嗡！嗡嗡嗡嗡！”一邊以紅光刀刃擋住十幾粒子彈...一邊向住向我亂槍掃射嘅西貢獻命光頭佬衝過去...
子彈一接觸到紅光刀刃嘅瞬間...立即化為輕煙...
一邊擋...一邊以忍步衝...好快我就衝到去西貢獻命光頭佬面前...
“嗡嗡！嗡嗡嗡！”我揮動手中嘅精神刀...紅光刀影就斬斷長槍...再喺西貢獻命光頭佬身上斬三刀...
喺西貢獻命光頭佬嘅身體分開成一舊舊之時...我繼續向其餘嘅西貢獻命光頭佬接近...
“嗡嗡！嗡嗡嗡！嗡！嗡嗡嗡！”喺每個西貢獻命光頭佬身上都斬兩三刀...三四刀...
紅光刀影閃過不停...每個西貢獻命光頭佬身上都劃上幾道紅光影...
幾個...十幾個...幾十個趕過嚟嘅西貢獻命光頭佬瞬間俾我分屍...
殺...殺...繼續殺...
當我喺每個趕過嚟嘅西貢獻命光頭佬身上都劃咗幾道紅光刀影之後...我手持散發出刺眼紅光刀刃嘅精神刀...企定定...
“啪啪...咚...咚...啪啪啪...咚咚...啪啪...咚...”人體殘骸散喺地上...
我再望清楚...望遠啲...一路上...都有唔少西貢獻命光頭佬...呼喝住運緊物資嘅金毛MK仔...向住碼頭嘅方向走...
我就立即以忍步突進...
一路衝...以忍步衝過去...衝過去有西貢獻命光頭佬嘅方向...
當西貢獻命光頭佬見到我呢個黑色身影極速接近...喺佢哋都未嚟得切向我舉槍之前...
“嗡嗡！嗡嗡嗡！”我揮動手中嘅精神刀...紅光刀影就喺兩個西貢獻命光頭佬身上劃咗幾刀...
然後再前啲嘅位置...又有幾個西貢獻命光頭佬立即舉槍指住我：「殺到嚟喇！開槍！開...」
我冇等到佢哋有機會開槍...
“嗡嗡！嗡！嗡嗡嗡！”就喺三個西貢獻命光身上劃咗幾刀...
幾個搬住物資嘅金毛MK仔回頭一望...就極度驚恐咁掉低手上嘅物資...向住四周逃命...
「唔好走呀！開槍吖！開...」我冇等西貢獻命光頭佬再呼呼喝喝...
“嗡！嗡嗡！嗡嗡嗡！嗡！”再喺幾個西貢獻命光頭佬身上斬幾刀...
幾個金毛MK仔走得嘅就走...又有幾個企喺西貢獻命光頭佬身邊嘅金毛MK仔手都震埋咁拎住支長槍...腳都軟埋咁企咗喺度...面上流露住驚恐嘅神色...
我冷眼望住幾個三魂唔見咗七魄...唔知點好嘅金毛MK仔：『唔係西貢獻命嘅人...唔想死嘅就...同我行開...』
幾個金毛MK仔仲係唔知點算好...手震震咁用槍支住我...
幾個西貢獻命光頭佬就一邊大呼大喝...一邊開槍：「開槍呀！射撚死佢...」
“砰砰！啪啪啪！”子彈就由幾個西貢獻命光頭佬手上支長槍射過嚟...
“嗡！嗡嗡嗡！嗡嗡！”我立即揮動精神刀...以紅光刀刃擋住子彈...
幾個金毛MK仔都跟住向我開槍...
“砰！啪啪啪！砰！啪！”幾個西貢獻命光頭佬同幾個金毛MK仔同時向我亂槍掃射...
“嗡！嗡嗡！嗡嗡嗡！嗡！”我以紅光刀刃擋多十幾粒子彈...踏前一步...立即向住西貢獻命光頭佬衝過去...斬斷佢手中嘅長槍...再喺佢身上斬幾刀...
紅光刀影喺一個西貢命光頭佬身上劃咗幾刀後...再喺另一個西貢命光頭佬身上劃幾刀...
一個接一接...喺所有西貢獻命光頭佬身上斬幾刀...再擋幾粒子彈...再衝去金毛MK仔面前...斬斷佢手上支槍...
“嗡嗡！嗡！嗡嗡嗡！”斬斷幾支...再斬幾兩支...
“啪啪...咚...啪啪啪...咚咚...啪...咚...”當西貢獻命光頭佬嘅人體殘骸...同槍械嘅殘骸跌到落地上...我企正喺班金毛MK仔中間...
我望住班腳軟軟...呆晒咁企喺度...面露驚恐神色嘅金毛MK仔：『唔想死嘅...走...』
成班金毛MK仔腳震震咁...掉低手上嘅槍械殘骸...一邊轉身...一邊跑住咁大嗌：「怪...怪物呀...怪物呀！！！」
望住成班金毛MK仔好似見到異形咁...向住四周...一仆一碌咁逃命...
我感覺到...喺遠處...遠遠嘅歐陸式建築物...一樓平台上...有三粒子彈飛緊埋嚟...
係...Sniper...
“嗡！嗡嗡！”我揮動手中嘅精神刀...以紅光刀刃將三粒子彈化為輕煙後...再用力向歐陸式建築物嘅一樓平台上揮一刀...
“嗡！！！”一度極刺眼嘅紅光刀氣直飛向遠遠嘅歐陸式建築物一樓平台牆身...
牆身被紅光刀氣斬破...破出一條長長又闊闊嘅刀痕...打橫劏開匿喺後面...三個持Barrett指住我嘅西貢獻命光頭佬身體...
離遠望住遠遠嘅三個西貢獻命光頭佬上半身向後一倒...三支Barrett亦跟住向後一跌...
唔好諗住匿喺遠處鬼鬼祟祟偷偷射就冇事...