《香港傭兵》: [Day 22－現在未來] PART 14
將貨倉裡面嘅研究人員都殺光...解決...
綽姿就行到去中間...Set SB1...
我就...睇睇黑色箱...同埋電子儀器...
黑色嘅物質...係ADAM嘅副產品...
解放軍由西貢遺址抽取...運到過嚟呢度加工...再生產武器同裝備...
綽姿Set好SB1後行到嚟我身後：「有咩發現？」
『都係嗰啲...黑物質...ADAM嘅副產品...喺度加工...』拎起地上塊平板電腦...
數據...一大堆數據...都係睇唔明...
我隨手放塊平板電腦喺檯面...再行去箱...打開咗嘅黑色箱...
我望住裡面...深黑...深淵一樣黑嘅黑物質...
係ADAM嘅副產品...
已經...經過...加工？
『SB1摧唔摧毀到黑物質？』ADAM嘅副產品...ADAM...
日倫就好似喺我耳邊講：「我都唔清楚...」
連日倫都唔清楚...
羅羅又好似喺我耳邊講：「理得佢摧唔摧毀到吖～SB1都摧毀唔到，咁就唔使搞啦～」
『嗯...都有道理...只怕...唔係摧毀唔到咁簡單...』ADAM...ADAM...
綽姿、日倫同羅羅同時“嗯？”咗一聲。
『冇...冇咩...只係...有種莫名奇妙嘅擔憂姐...好喇...都係時候繼續行動...』我就冇再理一箱箱...一箱箱黑物質...
綽姿都行到去我前面...拎出電話...喺貨倉大門旁邊...牆身上嘅裝置掃一掃...
“咔！”貨倉大門隨即打開...
喺貨倉大門仲未打開晒...只係打開咗一條罅之時...我就已經見到出面遠處...有一隊...為數六人嘅黑色Full Gear解放軍士兵巡緊...
六個解放軍士兵完全冇留意過我哋呢邊...
喺貨倉大門開到有一個身位之時...六個解放軍士兵仲係向前行緊之時...
我就立即以忍步跑出貨倉...跑向六個解放軍士兵身邊...
喺六個解放軍士兵都仲未嚟得切反應...頭都未擰過嚟之前...
“嗡！嗡！嗡！嗡嗡嗡嗡！”橫刀直砍迴身半月斬...
喺每一個解放軍士兵身上都斬兩刀...最後都會送多刀落佢哋條頸...斬佢哋個頭落嚟...
“啪 啪 啪 咚 啪 咚 啪 啪 咚 咚”人體殘肢同頭顱都散喺地上...
而喺呢個時候...正正就有一盞大射燈...由瞭望塔掃射緊過嚟...
我就喺盞大射燈仲未掃到埋嚟...未照射到人體殘肢之前...以忍步極速跑上瞭望塔...
跑跑跳跳...一跳上瞭望塔之時...我望到守喺裡面嘅黑色Full Gear解放軍士兵仲未有任何反應...
“嗡！嗡！嗡！”我就喺解放軍士兵身上斬兩刀...再一刀斬落佢條頸...斬佢個頭落嚟...
“啪 啪 啪 啪 咚”人體殘肢同頭顱都散喺地上...
大射燈都冇再移動...冇掃到埋去散喺地面上嘅人體殘肢...
而綽姿都已經去到另一個貨倉大門前...拎住部電話放喺牆身上嘅裝備前...
“咔！”貨倉大門打開...
我望住綽姿行咗入貨倉之後...貨倉大門閂返埋之後...繼續喺瞭望塔觀察...
人...邊度仲有人...
我望到...正正就有兩個著住白色生化衣嘅研究人員...行緊去綽姿身處嘅貨倉...
我立即由瞭望塔飛落去...凌空轉個身...紅光圍住我身轉一圈...由上至下...由左至右...打斜砍落研究人員身上...
紅光打斜咁劃過研究人員全身...仲未分成兩件之前...我順勢轉身一斬...紅光劃過佢條頸...
喺研究人員開始分成兩件...個頭顱仲未飛到空中之前...我從後撳住另一個研究人員把口...一刀由背脊插入...
紅光刀刃由研究人員胸前刺出...全身震咗一震...我抽返把精神刀出嚟...鬆開手...喺佢仲未瞓落地之前...我快速喺佢身上斬兩刀...再橫斬一刀落佢條頸...
“啪 啪 咚 啪 咚”人體殘肢同頭顱都散喺地上...
望住散喺地上嘅人體殘肢...頭顱...
殺人...殺人...
雖然...雖然感覺得到...生命消失...
之但係...之但係仲缺少咗啲...缺少咗啲嘢...
係...係血...
用精神刀殺人...就係缺少咗...血腥味...
就算俾我斬到肢離破碎...都係冇血流出...缺少咗血腥嘅味道...
“咔！”貨倉大門打開...綽姿由大門行返出嚟...
綽姿望一望地上...仲著住白色生化衣嘅人體殘肢：「睇嚟要再快啲...再係咁...好快就會被發現。」
『嗯...』被發現...
綽姿向住對面嘅貨倉行近...我都跟喺佢身邊行...行多兩步...
我同綽姿同一時間各自跳向貨倉牆身上嘅黑色半圓球CCTV...
“嗡！嗡！”斬兩刀...將黑色半圓球CCTV分開四分...
我同綽姿同時落地...
“咚 咚 咚咚 咚”CCTV殘骸就跌落地上...
綽姿立即拎部電話出嚟撳幾撳...然後放喺牆身上嘅裝備前...
“咔！”貨倉大門打開...
我望到裡面...冇人...
大門打開後...我就行入貨倉...裡面一個人都冇...就只有一箱箱...黑色箱...
存貨嘅貨倉...真真正正嘅貨倉...
其實喺出面...我就感覺唔到...貨倉有生命嘅氣味...
總係有啲可惜...冇人俾我殺...
我同綽姿都行到嚟貨倉中間...被一箱箱黑色箱包圍...
綽姿Set好SB1之後...突然...
“BI！BI！BI！BI！”四圍都響起警報聲...
日倫就好似喺我耳邊講：「俾佢哋發現咗喇...啲屍體...」
發現咗...終於都...發現咗喇咩？
“BI！BI！BI！BI！”警報聲持續不斷...
『咁遲先發現...解放軍...都係不外如是...』始終都只係識得欺壓平民百姓嘅軍隊...
日倫又好似喺我耳邊講：「你係想...俾佢哋發現？」
『當然...俾佢哋發現...一次過解決佢哋...總好過左閃右避咁慢慢潛入...Set炸彈...』日倫應該估到...
綽姿接住講：「先決條件係解決到。」
『要解決佢哋只要我一個就夠...對手只係解放軍...』唔入流嘅解放軍...
綽姿接住問：「你真係咁有信心？」
『殺人...你放心交俾我就得。你就專心去Set炸彈。』殺人...殺人...
綽姿接住講：「我仲諗住係我嚟引開佢哋注意，由你嚟Set。」
『解放軍呢啲垃圾...唔需要勞煩到你大駕...』我先唔會錯過呢個機會...
殺人...殺盡解放軍...
我行前兩步...向住貨倉大門方向行前多兩步...
綽姿喺背後冷冷放下一句：「咁就交俾你喇。最好喺我...Set好晒炸彈之前...解決晒。」
我一步一步...行到嚟貨倉大門前...亮出紅光刀刃...
“嗡！嗡！嗡嗡嗡！嗡！”向住大門揮幾刀...
“砰！砰！啪啪啪！”大門殘骸散到一地都係...
我一步一步...行出貨倉...
喺貨倉外...有唔少大射燈不停咁掃...地面出現一個個大大個白光圓形...
掃嚟掃去...掃嚟掃去...
天上都有唔少銀色Drone閃住藍紅光...飛嚟飛去...飛嚟飛去...
我就一步一步咁行...行出去...再行出啲...越行越出...
然後...終於有盞大白光射燈掃過我...掃返嚟我身上...
一直射住我...照住我...跟住我移動...
唔止一盞...又多一盞...再多一盞...幾個大大個白光圓形喺唔同方向...四方八面咁掃過嚟...重疊咁射住我...照住我...跟住我移動...
一步一步...幾盞嚟自四方八面嘅大射燈一直照射住我...行到嚟較中間嘅位置...
就好似主角一樣...被射燈照射住...行到嚟舞台嘅正中間...
但我嘅感覺一啲都唔興奮...唔滿足...
我一向都唔鍾意成為焦點...受注目...成為主角...
從來都係...從來都冇渴望過要成為主角...甚至只係想躲喺陰暗之中...唔起眼...不被重視...冇人留意...如同唔存在...透明...
而家被咁多盞射燈射住...的確令我周身唔聚財...不過我並唔急住解決佢哋...
我...首先要...解決咗...面前...
面前正正有架銀色嘅裝甲運兵車...向住我身處嘅方向...駛緊埋嚟...
我踏前一步...再行前一步...以忍步向前跑...
剎那間...我就已經嚟到銀色裝甲運兵車三個身位前...
我一躍...順勢喺空中一轉...“嗡！”手上嘅紅光刀刃就由下至上...“吱！”垂直斬向裝甲運兵車車頭...
“吱！嗡！吱！”我一轉再轉...喺裝甲運兵車車頂飛過...將整架裝甲運兵車左右平均咁一分為二...
然後...當我差唔多飛到落後面架四驅車之時...我雙手反手持精神刀...紅光刀刃向住四驅車車頭一插...
“吱！”我單膝半跪...插咗大半把紅光刀刃入四驅車車頭之後...極速一手抽返紅光刀刃出嚟...再順勢一個橫斬...
“嗡！”將四驅車塊擋風玻璃連同坐喺車上兩個黑色Full Gear解放軍士兵個頭都斬落嚟...
喺架四驅車仲未爆炸之前...我就跳落車...企喺地上擺出拔刀姿勢...
面前架銀色裝甲運兵車想扭軚避開...
我就向住車身拔刀一閃...
“嗡！吱！”成架裝甲運兵車就被我攔腰斬開一半！
“砰！砰！啪轟轟隆隆！”身後堆廢鐵撞埋一舊....爆炸...起火...
我唔知道喺短短一兩秒...或更短嘅時間裡面...死咗幾多人...
但我的確感覺到有生命消失...
仲要唔少...唔少生命消失...
然後...我身上有幾點紅點...
“吱！“啪...啪...啪...啪...啪...啪...啪...”子彈就由幾個瞭望塔上...沿住大射燈嘅強光射過嚟...
M134？
我極速退後幾步...左閃一步...右閃兩步...避開射向我身上...無數咁多粒子彈...
然後...我再睇清楚...子彈...瞄準住我嚟射嘅子彈...就好似...一條銀線...
我一跳...踩住子彈...就好似鋼繩咁...沿住子彈連成嘅鋼繩跑上瞭望塔...
“啪...啪...啪...啪...”當我差唔多跑到上瞭望塔之時...我以牙突姿勢持刀...一插...
“嗡！吱！”刺突大射燈後...再直刺入控住M134嘅士兵胸口...
我抽返把紅光刀刃出嚟...企入瞭望塔裡...再順勢橫斬落士兵條頸...
喺士兵個頭都仲未飛出瞭望塔外之前...我一跳...就跳落隔離條吊橋...
吊橋上啱啱趕過嚟嘅黑色Full Gear解放軍士兵雙手持長槍...仲未嚟得切反應舉起槍指住我之前...
“嗡！嗡！嗡嗡！嗡！”我揮刀斬斷兩個士兵對手...長槍同時被紅光刀刃劃過...劃到身上...身上被紅光劃咗幾刀...
“嗡！”我再橫刀一斬...同時斬落兩個士兵條頸...
頭先嗰幾刀...同時將吊橋斬斷...
“咔！啪！”我企緊嗰邊吊橋同堆人體殘骸一齊向下降...
我企正喺斷口...一路向下降...一路望住另一條吊橋...有隊黑色Full Gear解放軍士兵雙手持長槍跑緊...想跑過嚟...
當我跌到落橋底...
“嗡！嗡！”我向頭上條吊橋斬兩刀...斬出一個V字缺口...
我一跳...就由V字缺口跳上吊橋... “嗡嗡！嗡嗡嗡！”一邊揮刀斬斷吊橋...一邊以忍步衝向企喺吊橋盡頭嘅解放軍士兵...
幾個解放軍士兵用長槍指住我...但仲未嚟得切開槍...
“嗡嗡！嗡嗡嗡！嗡嗡嗡嗡嗡！”六個解放軍士兵就被我亂刀分屍...
殺人...殺...殺人...