《香港傭兵》: [Day 22－現在未來] PART 02
我左手舉起匕首...以刀刃擋住子彈...
子彈未接觸到刀刃之前...扭曲...消失...
每粒都係...每粒子彈未接觸到刀刃...喺刀刃前...扭曲...消失...
唔單止係刀刃...就算係射向我身上...未接觸到長袍之前...子彈都係扭曲...消失...
“啪...啪...啪...啪...啪...啪...啪...啪...啪...”子彈並冇減少...仲係越嚟越多...
全部都係向住我身處嘅方向飛埋嚟...
我將手上把匕首向前一擲...匕首立即向住遠處...企喺裝甲車前...向我開緊槍嘅Full Gear解放軍士兵胸口直飛過去！
匕首穿過Full Gear解放軍士兵左胸之時，佢嘅左胸扭曲...扭曲出一個黑色洞...
同心臟差唔多大小嘅黑色洞貫穿士兵背後...匕首由背後黑色洞穿出...我亦同時化成“黑影”般狀態飛到士兵背後...左手接返住把匕首...
被匕首穿過心臟嘅士兵...胸口同背脊貫穿位置湧出大量鮮血！士兵亦倒在地上！
同時！我反手手持匕首...由上至下左至右一片！片落面前架裝甲車！
裝甲車隨即打斜咁一分為二！
喺裝甲車快要爆炸之前...我立即以匕首順勢將身邊個Full Gear解放軍士兵由下至上右至左一分為二！
“轟隆！”裝甲車發生大爆炸！旁邊幾個Full Gear解放軍士兵被爆風炸開！
就喺佢哋幾個失晒重心之時，我以匕首接近！逐一將佢哋嘅頭顱切甩！
一片...一片...再片...極速將五個Full Gear解放軍士兵嘅頭顱切甩後，五具身首異處嘅屍骸就攤喺地上！頸同頭顱嘅斷口噴出大量鮮血！一地都係...
其他解放軍士兵仲好似未嚟得切反應...槍口都未對得準我...
唔出奇...因為我真係好快...
我所有嘅動作...移動速度...比起遇過嘅行者...更快...
唔單止快...而且仲...好狠...
我再反手手持匕首，急速接近不遠處嘅Full Gear解放軍士兵！
喺個士兵仲未嚟得切用槍指住我之時，我就用匕首將佢手上把突擊步槍解體！再順勢一片！
匕首劃過士兵條頸...頭顱正要飛到上空中之時...
我再一轉身...順勢用匕首一片！片落另一個士兵條頸！
兩個士兵頭顱快要飛到上空中之時...
我再一轉身...用刀尖插入另一個士兵條頸！
轉身...一刺...一片...一插...轉身順勢再一片...一插...一刺...
跳上裝甲車上將GAU-8解體後，由上至下由左至右將裝甲車一分為二...
極速...而且每一個動作都相當流暢...
就好似...自然動作...反射動作...
已經經歷過多次...無數咁多次...殺人...出入生死之間...無時無刻面對死亡...唔係你死...就係我亡...生存喺殺戮之中多時嘅生還者...
身體每一個細胞都係為殺人而活動...
要致人於死地...每一下都必定係最致命...一擊必殺...
我從後撳住士兵塊面...一把匕首由佢背脊刺入心臟...
士兵冇晒生命蹟象...我就抽返把匕首出嚟...鬆開手...
“啪！”屍體就跌到落地上...
我望一望四周...短短三四秒...或更短嘅時間...至少解決咗四十幾個Full Gear解放軍士兵...分解咗五六架裝甲運兵車...
屍骸同頭顱一地都係...仲有大量鮮血...流到一地都係...
“轟隆...吱...吱...”裝甲運兵車爆炸...著火...焚燒...
火光熊熊...鮮血紅紅...
極短時間將趕過嚟嘅解放軍解決晒...一時之間仲未有第二批增援...
我就繼續行...一步一步咁...向住遠處嘅大帳篷行過去...
未行到過去大帳篷之前，就已經見到有架四驅車駛緊過嚟...
我喺架四驅車開始減速...仲未停定之前...將手上把匕首向前一擲...匕首立即向住遠處...坐喺四驅車司機位置嘅解放軍士兵直飛埋去！
匕首接近四驅車擋風玻璃之時...玻璃扭曲...穿咗一個窿...
匕首穿過個窿...直飛向解放軍士兵面前之時...我亦同時化成“黑影”般狀態飛上四驅車...企正喺解放軍士兵面前...左手接返住把匕首...一片...再片...片甩坐喺四驅車上，兩個解放軍士兵個頭！
解決咗兩個解放軍士兵...四驅車慢遛...慢遛...慢遛...
我就跳返落車...繼續向住大帳篷行過去...
越嚟越接近...行到嚟大帳篷前...一揭開出入口...裡面有一條膠管道...
沿住管道行...行多兩步...就有一道白色門...
我行近白色門...“吱！”門就自動打開...
穿過自動門後...“吱！”門自動關上...
喺呢一個四四方方嘅白色空間入面...“吱！”有消毒氣體噴出...
然後...“吱！”又有空氣被抽走...
又消毒...又抽空氣後...
“吱！”面前道白色門自動打開...
我再繼續向前行...行入膠管道...
一步一步...一步一步咁喺膠管道行多幾步...就見到喺一個放咗唔少電子儀器嘅白色房間裡面...有四個著住生化衣嘅研究人員...
我再行前多兩步...四個著住生化衣嘅研究人員望咗過嚟...
四個研究人員面上都帶住疑惑...凝望住我...
我再行前多一步...
其中一個拎住平板電腦嘅研究人員正想開口問：「你係...」
我就以忍步極速接近！左手手持匕首反手一片！
生化衣物連同研究人員條頸瞬間被切開！
同時...我再極速將其餘三個研究人員個頭切落嚟！
四個研究人員都未嚟得切驚...頭顱就同身體分離...
“啪...啪...啪...咚...啪...咚...咚...咚...”身首異處嘅屍骸就跌落地上...
人...殺晒...望一望整個白色房間...電子儀器...
突然...好似有啲唔對路...
“咇！咇！咇！咇！”全間白色房間閃住紅光！
好嘈...好閃...
然後...
“轟隆！轟隆！”電子儀器相繼爆炸！
完全唔知咩事之下，全間房又爆炸...又火光熊熊...
最後成個大帳篷都被炸開！
火好猛...燒得好大...我就企喺熊熊烈火之中...
我抬頭一望...望向遠處嘅上空...
有一架...幾架...細細架...三角形...銀光閃閃...閃住藍紅光嘅Drone飛緊埋嚟...
幾架三角形嘅Drone喺天空上越飛越近...好快就飛到過嚟...飛到嚟我頭頂...
廿幾架Drone就圍住喺我頭上...藍紅光閃過不停...
廿幾條紅色Laser指住我...但我身上亦都冇紅點...
同頭先一樣...每條紅色Laser差唔多射到去我身上之時...就逐漸失消...
“吱！啪啪啪啪啪啪啪啪啪啪啪啪！”廿幾架Drone同時向企喺火堆之中嘅我開槍！
無數咁多粒子彈向住我身上飛埋嚟...
我郁都唔郁...企定定喺火海之中...
子彈飛到埋嚟我身邊之時...仲未接觸到我身上件長袍之前...扭曲...消失...
全部都係...所有子彈都係...喺接觸到我身上件長袍之前就開始扭曲...消失...
我冇再等啲Drone慢慢射...一跳！踩上其中一架Drone！大大力將佢踩落地之時，借力順勢跳上另一架Drone！再大大力將佢踩落地之時，借力順勢跳上另一架Drone！
一架接一接...再踩住另架Drone之時...我將手上把匕首向前一擲...匕首立即直飛埋去遠處架Drone...
當匕首接近架飄喺空中嘅Drone之時...機身扭曲...扭曲出一個黑洞...
匕首穿過個黑洞...架穿咗個窿嘅Drone向火海墜落之時...我亦同時化成“黑影”般狀態飛向匕首...
左手一接匕首...喺空中半轉身...向天空中再高一啲架Drone一擲！
當匕首差唔多直飛到去架飄喺空中嘅Drone之時...機身扭曲...扭曲出一個黑洞...
匕首穿過個黑洞...又一架穿咗個窿嘅Drone向火海墜落之時...我亦同時再次化成“黑影”般狀態飛向匕首...
投擲...化成“黑影”般狀態飛...再接...再擲...用同一個方法流暢又極速咁將所有Drone擊落！
當我由空中落返地面...我已經跳出火海...
而嗰廿幾架Drone殘骸就喺火海之中燃燒...燃燒...
我冇再理會嗰廿幾架喺火海中BBQ嘅Drone...因為面前...有三部坦克車...
三部坦克正正就喺正我面前...一字排開...砲口已經對正我...
說時遲...那是快...
“轟！轟！轟！”三部坦克向我發砲！
三粒大大粒砲彈勢凶夾狠飛埋喇！！！
我企定定...反手手持匕首...擋住第一粒砲彈！
當砲彈差唔多接觸到刀刃之時...開始減速...扭曲...成粒砲彈扭曲...
當粒砲彈扭曲到差唔多消失之時...我順勢再以匕首擋住另一粒砲彈！
同樣地...當砲彈差唔多接觸到刀刃之時...開始減速...扭曲...成粒砲彈扭曲...
同時...第三粒砲彈差唔多飛到埋嚟之時...我輕輕側一側身...
粒砲彈就由我右邊面擦過...飛向我身後...
“轟隆！”一聲巨響！砲彈直轟我身後...產生大爆炸！
爆炸嘅火光與黑煙從地面升起！升到空中！地面亦被炸開一個大窿！
或者係因為仲未及時上到第二粒砲彈...三架坦克各自用上車頂兩支GAU-8瞄住我！
“吱！啪啪啪啪啪啪啪啪啪啪啪啪！”圍數共六支GAU-8就向住我亂射！
我喺子彈仲未飛到埋嚟之前...我極速向左邊跑！
超快...極快咁繞過去...六支GAU-8根本就追唔上我嘅速度！
不到半秒...就已經俾我繞到去坦克側邊！
我半車身咁立即向住坦克車身擲出匕首！
匕首直飛向坦克...當刀尖差唔多直飛到去坦克車身之時...車身扭曲...扭曲出一大個黑洞...
好大...好大...差唔多有成架坦克咁大個黑洞...
匕首穿過個黑洞...穿過坦克車...再直飛去另一架坦克...
當刀尖又差唔多直飛到去坦克車身之時...車身又扭曲...又扭曲出一大個黑洞...
匕首再穿過個黑洞...再穿過坦克車...又再直飛去第三架坦克...
三架坦克車都係一樣...被扭曲出一大個黑洞...
匕首穿過三架坦克之後...我亦同時再次化成“黑影”般狀態一飛...穿過三架坦克車身上嘅大窿...接住把匕首！
當我企喺地上之時...
“轟隆！轟轟隆隆！”身後三架坦克同時爆炸！
熊熊烈火...燃燒...燃燒...