《香港傭兵》: [Day 14－紅色警戒] PART 18
「嗚...嗚呀...」異常生命體Boss慢慢爬返起身...左手好似碌光管咁...閃燦...閃燦...
唔止左手...身體上嘅奇怪花紋...刀痕都閃燦...閃燦...紅光閃燦閃燦...
望住異常生命體Boss身上嘅刀痕...又慢慢癒合...
唔撚係吖嘛？
超究武神霸斬ver.5唔係終結技嚟㗎咩？
中咗唔係必死無疑㗎咩？！
點解仲可以...異常生命體Boss仲可以自我癒合㗎？！
片翼雙手持刀...刀尖指向異常生命體Boss...擺出防禦姿態！
「嗚呀呀呀！！！」異常生命體Boss向天大嗌一聲！
就喺呢個時候，四周又出現咗幾隻異常生命體！
有幾多隻呢...數一數都有...三...四...五...六...六隻...
做咩吖？唔夠打叫幫拖呀？！
而呢啲幫拖又係喺邊度嚟㗎？
只見嗰六隻異常生命體嘅目標...好似唔係...我哋...都唔係...片翼...
六隻異常生命體一直望實異常生命體Boss...圍住異常生命體Boss行過去...
做咩吖？先集結吖？
呢頭都未講完...
「嗚呀！」六隻異常生命體就同一時間飛撲埋去異常生命體Boss身上！
只見六隻異常生命體又爪又咬異常生命體Boss！
做咩吖？明顯係攻擊緊...
「嗚！呀！嗚呀！」異常生命體Boss一手扯開一隻異常生命體！又一手扯住另一隻異常生命體把頭髮！
好明顯啦！好明顯佢哋就係互相攻擊緊...應該話係六隻異常生命體圍攻異常生命體Boss！
點解會咁㗎？佢哋唔係同類嚟㗎咩？
同類點解又會...自相殘殺？！
六隻異常生命體圍住異常生命體Boss又爪又咬！但好似唔係好有效...
「嗚呀！！！」異常生命體Boss一手就捉住隻異常生命體C個頭...一啖咬落條頸！
異常生命體C漸漸化成紅色粒子...被異常生命體Boss吸進口中！！！
又...又吸收？！
「嗚...嗚...」化成無數紅色粒子嘅異常生命體C完全被異常生命體Boss吸進口裡...吞噬...
真係...又吸收！
異常生命體Boss吸完異常生命體C之後，又一手扯住異常生命體D個頭...
「嗚呀！！！」異常生命體Boss一啖咬落異常生命體D條頸！
吸收一隻...
「嗚...嗚...」化成無數紅色粒子嘅異常生命體D完全被異常生命體Boss吸進口裡...吞噬...
又一隻...
異常生命體Boss單手將異常生命體E撳落地...又一啖咁咬...吸！
「嗚...嗚...」化成無數紅色粒子嘅異常生命體E完全被異常生命體Boss吸進口裡...吞噬...
異常生命體Boss一隻又一隻...逐隻將異常生命體吸收！
吸晒六隻...今次唔得掂喇...
頭先只係吸收咗兩隻...都疑似神化啦...而家再吸收咗六隻...直頭變神啦！！！
異常生命體Boss雙手攤開...
「嗚...呀呀呀！！！」異常生命體Boss嘅左手...身上嘅奇怪花紋同時閃亮住刺眼紅光！！！
大量紅色粒子圍住異常生命體Boss嚟轉！
仆街喇呢次...睇個勢都知呢次仆硬街喇！！！
「呀！嗚呀呀呀！！！」異常生命體Boss背後閃出...大小兩紅光環！！！
兩個紅色光環...喺異常生命體Boss背脊...
仆街喇...仆街喇...
「呀呀...嗚呀呀呀！！！」異常生命體Boss慢慢升起！
冇喇呢次...呢次真係玩撚完喇！！！
異常生命體Boss升到空中！停留喺空中！閃亮住紅色光芒！！！
好似神一樣...我哋就好似卑微嘅人類...喺地上望住天空中嘅神一樣...
約定嘅時間係唔係到喇？
係唔係要引發第五次衝擊喇？！
就喺我感到無助兼絕望之時...
「嗚...嗚呀...」我望到異常生命體Boss面上...出現微細嘅...裂紋？
一條條...的確有一條條裂紋...
裂紋越嚟越多...裂紋之中發出紅光...
一條條裂紋...伸展落到條頸...花紋上...全身...同時亦有大量紅色粒子喺裂紋中飄出！
「嗚...嗚...嗚呀...」飄浮喺空中嘅異常生命體Boss全身震...震...抽搐...抽搐！
「嗚...嗚...呀呀呀！！！」異常生命體Boss背後大小兩紅光環越嚟越紅...越嚟越光！
唔單止兩個紅光環...就連面上嘅裂紋都越嚟越多...越嚟越光！
「嗚...嗚呀...呀呀呀！！！」異常生命體Boss失晒控咁全身勁抽勁搐！
大量紅色粒子由異常生命體Boss身上裂紋之中噴出！
異常生命體Boss背後大小兩紅光環突然好似碎裂...裂開...粉碎...化成無數紅色粒子喺空氣中飛散！
「呀呀呀！！！」
“轟隆！！！”一聲！異常生命體Boss大爆炸！炸成無數咁多紅色粒子喺空間中飄散！
『嘩...嘩呀！！！』而且呢一下大爆炸嘅衝擊都好大！大到我成個人跌咗落地！碌咗幾圈！！！
又係自爆？
點解又會係自爆㗎？！
突然...
「終於...得到...解脫...」有少女聲？
唔止一把...係有好多把...好多好多把少女聲同一時間...喺我腦海中...
點會...點會喺我嘅腦海中...
我喺火海之中爬返起身...
喺紅色粒子之間...隱約見到片翼嘅背影...
我、綽姿同羅羅都行近片翼身邊...
望望四周...異常生命體Boss消失咗...不留半點殘肢...只剩下紅色粒子...
大量紅色粒子喺空氣中飄散...消失...
係屬於異常生命體Boss嘅...紅色粒子...
片翼再望望四周：「呢度所發生嘅事，所有行者都要保密。呢度所得嘅情報亦都唔會Upload到。亦唔好諗住調查。」
吓？即係點吖？
只見羅羅同綽姿點點頭...
咁...咁我都只好點點頭囉...
片翼一轉身：「繼續滅絕所有異常生命體。」
望住左手手持長長紅光刀刃嘅片翼行入火海...離開...漸漸消失...
望住片翼消失喺火海之中之後...
呢種退場畫面真係型到呢...
不過可惜吖～可惜今次冇閃出綠光天使翼～
我仲諗住...諗住頭先片翼第一次飛上空中...狂刺異常生命體Boss嘅時候會好似上次咁...背後閃出一隻綠光天使翼...
「你哋有冇留意...」羅羅望住片翼離開嘅方向，「片翼...」
哦？原來羅羅都有留意片翼㗎喎～
咁都好正常嘅～話晒片翼喺先行者中排第二...仲要真係咁鬼勁又鬼咁型！
你睇頭先片翼VS異常生命體Boss～有姿勢又有實際～
之不過...有冇留意啲乜呢？
「你係指...」綽姿都望住片翼離開嘅方向，「氣息？」
氣...息？
「嗯...」羅羅點點頭，「片翼嘅氣息...由唔穩定...慢慢增強...」
呃...呢點...我都有留意到...
「嗯。」綽姿都點點頭，「喺西貢攻防戰嘅時候，就已經留意到。不過嗰時只係感覺到佢嘅氣息不穩定咁強大...而冇逐漸增強。」
吓？乜係不穩定咁強大？
「嗯？」羅羅諗咗諗，「咁就奇怪...喺西貢攻防戰之前...我遇過佢兩次～兩次佢都唔係咁㗎喎～」
兩次？
原來喺西貢攻防戰之前，羅羅已經遇過片翼兩次㗎喇？！
羅羅繼續講：「之前嗰兩次...片翼一出場就Keep住極強大～比起頭先頂峰嘅時候仲要強大多好幾十倍～」
嘩！唔撚係呀化？
頭先片翼未頂峰之前已經好撚勁㗎喇喎！
仲要勁多好幾十倍？一刀斬開地球都得啦！
「竟然係咁...」綽姿都覺得驚訝！
「哎吖～」羅羅撳住自己個嘴仔，「唔覺意漏咗口風俾你聽添～」
「咁我使唔使俾返錢你？」綽姿向住片翼離開嘅方向行。
「算啦算啦～睇你都窮開㗎啦～無謂喺乞兒兜攞飯食啦～」羅羅都跟住綽姿身邊行。
我都跟住羅羅同綽姿...行入火海之中...
穿過火海...穿過出口...喺闊闊嘅通道裡面行...四周都有唔少火光...地上都有唔少屍骸...牆身亦有唔少血跡...
一路跟住綽姿同羅羅身後行：『呃...係呢...片翼所講嘅保密...即係點吖？』
綽姿一直行：「保密即係保密。」
嘩...答咗㗎喇？答咗等於冇答喎...
「應該向邊行好呢？」羅羅企喺十字路中間。
周圍嘅電子顯示板唔係爛就係壞...
我都係拎返部電話出嚟睇睇個掃描：『呃...呃...直行...直行...』
其實都唔係掃到好多...都係鳩行㗎姐...
「嗯～」羅羅又好聽我點～繼續直行～
我哋三人一直行...又行過唔少著晒火嘅實驗室...研究室...
又穿過唔少爛咗嘅大閘門...
「嗚呀呀呀！！！」又聽到異常生命體嘅大叫聲...
喺邊度傳嚟呢？
會唔會係前面呢？
呢度真係好大好大...好似行極都行唔完...
而一路上都唔見其他行者...亦唔見有異常生命體出現...就只有...屍骸...
大多數都係肢離破碎...血肉模糊...再唔係就著緊火...燒焦...
望得多...開始習慣...並唔再覺得嘔心...
突然！
「救...命...救命...吖...」我聽到有求救聲由實驗室裡傳出嚟！
我回頭一望，正正就望到有個著住白色醫生長袍嘅男人喺地上爬緊！
有...有人未死！
我立即走上前！諗住扶起佢之時...
「救...救...」個男人就睜大對眼...斷氣...
羅羅踎一踎低...翻轉屍體...
啲腸就漏晒出嚟...
紅色嘅血...腸...肚皮被爪破...
咁落毒手嗰隻異常生命體喺邊呢？
會唔會仲係附近呢？
「繼續行。」綽姿只係冷眼望一望，又漠不關心繼續行。
都啱嘅...快啲行...話唔定可以避開異常生命體...
我哋三個繼續行...然後...就行到...
『咦...奇怪...點解前面...掃唔到？』我望住幅地圖...掃到前面就黑晒...乜都掃唔到...
我再望返上前...綽姿同羅羅就行到埋一道...深黑色嘅大閘前...
係...閘口？
我都跟上前...跟住綽姿同羅羅...摸摸閘門...
深黑色...好似金屬嘅物質...有啲似...精神刀柄...
「鎖咗。」綽姿摸住閘門嘅圓形...大鎖？！
好大個...係點開㗎呢？用咩嚟解㗎呢？就咁睇真係唔知喎...
羅羅望實道深黑色金屬門...唔知諗緊乜咁...
突然！手上部電話大大力一震！
綽姿同羅羅同時拎出電話！
我哋三個都同時望住自己部電話...
『委託完成...』立即撤離？！
乜原來已經...完成委託㗎喇？
「快啲搵出口～」羅羅望實我，「應該向邊個方向行呢？」
『呃...呃...』應該向邊個方向吖？
我碌碌幅地圖...應該點行呢？應該點行呢？！
「你仲旨意佢吖？跟我行。」綽姿就帶頭行。
咩姐...我係路痴...我係睇住幅地圖都唔識行...好多人都係咁㗎啦...怪我囉...
我同羅羅都跟住綽姿身後，以忍步奔跑！
喺通道左穿右插！穿過火海！好快就見到𨋢門！
我哋三個跳入𨋢槽！左右左右咁向上跳！
好順利咁跳返上地面！跑出室外！
一跑出室外，就見到有幾個身上發出紅光嘅黑影！
係行者...以佢哋身上嘅氣息...應該仲要係先行添...
同幾個先行者匯合...一齊跑...又再遇到幾個先行者！再一齊跑向出口！
一出到嚟出口...
「立即上車。」就有個先行者叫我哋上車！
我就跟住羅羅同綽姿跳返上車！坐好！
坐定定之後...車上都好似冇乜人...
等咗一陣...都係得兩三個人上車...
而呢兩三個人嘅氣息...都應該係先行者...
再等咗一陣...上多兩個人之後...車尾大門隨即關上！
“咔！啪！吱！吱～”巨型貨車隨即開動！！！
吓？開車喇？架車仲未滿...好空喎！
其他人呢？其...其他人...枯竭同盛況...
本來坐喺我身邊...枯竭同盛況嘅位置...只係淨返黑色大褸...
其他只淨返黑色大褸嘅位置...
同一車人著返件大褸...
“吱～”巨型貨車向住未知方向飛馳！
我拎部電話出嚟...打返開今次個委託一睇...
好多隊伍就只剩返隊長...隊員都空空如也...
就好似我哋嗰隊...得返妖邪、瓦解同吞噬三個名...
消失咗喇...其他人都化成紅色粒子...消失咗喇...
留返低嘅...大多數都係先行者...
今次嘅委託真係好危險...我唔死得都真係要謝天謝地...
“吱～吱...依！”貨車開始停落嚟...停低...
“咔！”車尾大門隨即打開！
大家都好快就落車！
我都跟大家一齊落！
一落到車，其他行者都好快咁向住唔同方向四散！
然後...
“咔！啪！吱！吱～”一架架巨型貨車跟住駛走。
解散喇？解散喇...
喺陰暗嘅環境之中...就只有暗黃色街燈作照明...只剩下我哋三人...
「要唔要嚟我度瞓？」羅羅行近綽姿身邊，「我呢頭都有地方落腳呢～」
「唔使。」綽姿冷淡拒絕。
突然…
「但我怕佢捱唔到返去特殊區喎...」
覺得有啲攰…
「嗯？又係咁...」
好眼瞓…
「唉...真係好弱…」
四肢乏力…
…
..
.
TO BE CONTINUED