《香港傭兵》: [Day 05－一天當下] PART 01

寒冬夜裡，我同阿月坐喺...球場嘅觀眾席...

一盞盞光猛嘅射燈，射向冇人嘅球場上...

我哋都靜咗好耐...靜靜咁坐喺度...享受片刻嘅寧靜。

「好喇...都差唔多要返去喇。」阿月企起身，跳吓彈吓咁由觀眾席落返地面。

『嗯嗯...』都坐咗好耐...都有啲夜...都係時候送阿月返去...



喺送阿月返屋企嘅路途上，我哋都係冇出聲...

我喺阿月嘅身後，望住佢嘅背影行...保持住半個身位嘅距離，跟住阿月行...

直至嚟到燈位前...

「快啲啦～閃緊喇！」阿月突然捉住我隻手！

我哋就急步跑過對面！



跑到上行人路之後，身後嘅行人過路燈都已經變為紅色...車輛都喺背後駛過...

阿月就繼續拉住我行...

就算係喺冇人嘅街道上，阿月都係繼續拉住我行...

呢區嘅街道都好殘舊...

暗黃色嘅街燈照射之下，兩邊都係日久失修嘅唐樓...



而街上嘅舖頭...都落晒閘...閂晒門...

一向毒開嘅我此情此景被一直傾慕住嘅女神拉住...真係唔識得俾反應...

淨係識得...一直被阿月拉住行...拉住行...拉住行出殘舊而且冇人嘅街道...

當行到嚟61X巴士站之時...

「天氣凍吖～」阿月將自己頸上條綠色頸巾除出嚟，溫柔咁幫我戴上，「戴返條頸巾啦～」

阿月條頸巾...除咗帶俾我溫暖之外...仲有...香味...

係阿月嘅體溫...仲有...阿月嘅體香...

好親切...呢種感覺...真係好親切...



正當我忍唔住想攬住阿月之時...

整個空間漸漸變成灰色…分裂…

分裂到阿月嘅甜美笑容之中...粉碎...飄散...

當我再次有意識之時...再次睜開眼之時…

『阿...天...』花板…

又係發夢...

又返到嚟殘酷嘅世界...



「醒喇？」又聽到綽姿把冷淡聲...

『嗯...』當我想起身望望綽姿之時...

我見到綽姿嘅...裸背！

係赤裸裸...冇Bra冇吊帶背心冇底褲一絲不掛咁成個雪白幼嫩嘅裸背展露喺我眼前！

『你...你可唔可以...入廁所先換衫...』我睇到眼到凸埋！

尤其係雪白幼嫩嘅小腿...大髀...屁股仔...

「有問題咩？」綽姿正想擰轉身！

我就喺仲未望到唔應該望嘅嘢之前，立即瞓返落床大被蓋過頭：『梗...梗係有問題啦！我會睇到㗎嘛！』



仲要問㗎喎！

你又唔知我幾時醒！我又唔知你幾時換衫！但次次都係咁啱得咁橋喺正你換緊衫嘅時候我就醒！

前幾次就話你仲著住內衣褲姐...

今次仲要睇晒成個裸背！

咁下次呢...會唔會真係...睇到正面㗎？！

「睇到咁又點呢？都只不過係軀殼。」綽姿完全唔介意咁嘅口吻。

睇到咁又點？



只不過係軀殼？

咁係唔係即係話任睇唔嬲先？

嗱！你講㗎咋！

我就偷偷地...又要威，又要戴頭盔咁探頭望一望...望一望綽姿...

當我望到綽姿之時...原來佢已經換好校服！

車～冇嘢睇～

綽姿又成個學生妹咁，行到埋梳妝檯前拎起把梳，對住塊鏡梳頭。

其實...我又冇話期待會睇到啲乜嘅...

「點解你會知道...地下室嘅事？」綽姿對住塊鏡仔，一邊梳頭一邊問。

『吓？』我著晒迷咁望住學生妹Look嘅綽姿，一時之間都Get唔到佢問乜添...

唔知會唔會俾綽姿察覺到添㗎...

唔知俾佢察覺到嘅話...會唔會殺咗我添㗎...

我諗最重要都係唔好俾阿月知囉！

點都唔可以俾阿月知...我竟然會同個學生妹一齊生活...一定唔可以！

「大宅嘅地下室。」綽姿Keep住對住塊鏡仔，梳梳兩邊鬢髮...

『哦！大宅嘅地下室！冇～任務咪要我去元朗搵車嘅？咁我又冇通行證，又唔知冇通行證過 唔到去喎...咁啱呢個時候咖啡店老闆叫我送啲咖啡豆過去～』我都仲未講完...

「咖啡店？」綽姿困惑咁望住我...

『係吖～咖啡店吖～你之前叫我搵啲嘢做嘛～咪喺咖啡店做Part Time囉～咁啱咖啡店老闆叫我送啲咖啡豆過去元朗～仲借埋張通行證俾我～咁啱要送嘅地方就係宋本木嘅大宅～咁啱佢叫我落去地下室搵佢～所以我咪知道地下室嘅事囉～仲有吖～架車都係佢借俾我嘅～』我就一五一十咁講晒出嚟～

「又會咁橋...」綽姿對住塊鏡仔諗諗...

『嗯～』就係咁橋囉～『講真呢份Part Time都真係幫到我唔少～』

又可以收集到情報～又幫我完成到任務～

「嗯...咁就...繼續...」綽姿梳好頭就整理一下校服，「今日唔會接委託，你就做自己嘢。」

今日唔會接委託？

做自己嘢係唔係即係放假咁解吖？

「喺做自己嘢之前...拎啲衫去洗...」綽姿望望餐檯...又行去雪櫃頂拎咗包麵包放喺餐檯，「仲有入貨。」

『入...入貨？』入咩貨？

「精神液都用晒...要去東叔度入貨。」綽姿又Dry咬麵包。

『哦...』原來係要我去東叔度買精神液...

「唔...唔...自己好好計吓要入幾多...」綽姿咬住塊麵包，著埋件毛毛大褸，再著返對婆仔鞋...

好好計吓要入幾多？

「唔好俾東叔搵笨。」綽姿拎埋個袋就出門口。

『哦...』目送住綽姿出門之後...

又要拎衫去洗...又話要入貨...即係要做阿四啦？！

又話做自己嘢喎...放假喎...邊有咁好死吖～

唉～唔好理～第一時間都係拎部電話睇睇先～

我就落床搵搵自己部電話放咗喺邊...

隨便望一望，我部電話又係放咗喺茶几上！

係綽姿幫我...放？

我諗冇其他人啦～

我就拎返起部電話，睇睇先～

睇啲乜？

梗係睇睇有幾多Sil啦～

話晒尋晚完成咗個勁多錢嘅委託～

我一打開SPIRIT App，立即睇睇有幾多Sil！

『2,101？！』右上角正正就顯示有2,101 Sil！

喂點呀？！

尋晚個委託明明就有10,000 Sil作報酬！

點解我而家個Balance得2,101呢？

死淨我同綽姿咋喎！

唔好計我係第一個搵到宋伯伯喇！就算平分，唔係每人5,000咩？！

唔使問都知一定又係俾綽姿食咗啦！

次次都係咁...問都唔問聲又拎埋人地嗰份...

唉...算！咁計法都應該差唔多還晒俾佢！

以後就可以自己袋返應有嘅報酬～

好啦～而家就等我睇睇有乜情報好買先～

我一開始都係由最貴嘅情報睇起～

『最貴嘅情報...都係有關...原核...十一預行者失蹤...死海文書...逆行者...』全部都係億億聲...

屌啦...有過億Sil又係唔係真係會買呢啲情報返嚟J吖？

都係實際啲...搵返...西貢攻防戰...

心底裡...我總係對西貢攻防戰好有興趣...

或者係因為...同綽姿有關...

我就輸入“西貢攻防戰”！

畫面一轉，好快就列出有關西貢攻防戰嘅情報！

情報唔算係好多...大約都係得十個八個...

而價錢方面...大約都係500 - 2,000 Sil之間...

既然有返啲錢...就搵個1,000 Sil嘅情報睇睇啦～

我就撳入一個需要1,000 Sil嘅情報...

確定提示都冇，就直接入咗去情報內文！

喂屌！呢種設計擺明呃錢㗎姐！

一陣手殘撳錯，撳咗去啲唔係想睇嘅情報裡面咪白俾？！

以後都係要小心啲～

好啦～撳咗入嚟就睇睇有乜情報啦～

一開始係...

『喺2033年尾...中國香港政府收到情報...佔據西貢一帶嘅反抗軍——西貢獻命有所舉動...』2033年尾？

而家係...2035年頭...咁講法都差唔多一年前嘅事...

繼續...

『中國香港政府收到嘅情報唔多，但就指出西貢獻命會用武力攻擊政府設施，推翻...』政權？！

講笑咩～

推得翻香港政府，都推唔翻中共啦～

咪得個搞字～

之但係...可以用咩武力？又可以有幾暴力？

繼續...

『中國香港政府為咗可以查清西貢獻命有咩級數嘅武器，就僱用咗我哋SPIRIT去偵查...』原來...香港政府都有請我哋幫手...

仲要係幫手查...反抗軍...

咁即係話...我哋係幫政府做事多？

唔...第一晚嘅委託人係警察...尋晚嘅委託人係...解放軍...

照咁睇...都好有可能...

咁我哋又會唔會有反抗軍嘅委託？

會唔會有衝突？

唔...都係繼續睇吓先...

我就喺餐檯上拎塊麵包，邊咬邊睇...

『喺調查西貢初期，發現西貢獻命已經派出多人封鎖所有來往西貢嘅出入口。』封鎖來往西貢嘅出入口...

我諗要封鎖來往西貢嘅出入口都唔係好難...

好似都係得一兩條路...

只要封鎖嗰一兩條路，西貢就完全同外間隔絕！

其實西貢嘅地理位置真係幾適合起革命。

繼續...

繼續睇內文，大多數都係講西貢嘅地理位置...講大約有幾多西貢獻命嘅人守住...有咩方法入去...

都係同我嘅推測差唔多，西貢真係一個易守難攻嘅地方。

然後就係...分析西貢獻命會喺幾時作出行動...

內文寫明雖然唔可以進入內部查探，但以所得嘅情報推算，喺十日內，西貢獻命就會有所行動！

行動...究竟西貢獻命有乜行動呢？

恐襲？可以點襲？襲去邊？

我就繼續睇...但後面嘅都冇交代到西貢獻命會有咩行動...

只係推算會係好嚴重...必須立即阻止！

所有有關西貢獻命喺2034年1月9日至2034年1月16日嘅情報都交晒俾中國香港政府...

中國香港政府得知事態嚴重及迫切，決定尋求解放軍幫助！

唔怪之得尋晚啲解放軍裝甲車可以大搖大擺咁喺馬路出現！

原來喺嗰陣時...解放軍就...

跟住呢？跟住嘅劇情發展又會係點呢？

『解放軍分析過形勢，決定僱用我哋SPIRIT協助佢哋...進攻西貢！』進攻西貢？

亦即係西貢攻防戰？！

就係綽姿有份參與嘅...委託！

快啲睇！快啲睇埋落去！跟住就到戲肉喇！！！

當我想揭下一頁之時，我眼角望咗一望右上角Balance...

『801？！』點解得返801 Sil㗎？！

呢個情報唔係1,000 Sil咋咩？點解買完得返801唔係1,001㗎？！

仲有二百去咗邊呀？！

我再望望頁數上面寫住...

『50 Sil？！』唔撚係每頁要收多50 Sil呀化？！

嘩屌！食水咁深我仲睇唔睇落去好？

梗係唔撚睇啦！再睇落去容乜易睇到冇錢入貨㗎？！

屌！搵笨柒㗎！

都係Cap埋圖先！唔好蝕！

正當我Cap Screen之時...畫面立即彈出...

『無法擷取畫面？！』屌你呀！

買完唔俾Cap...咁我退出之後，仲可唔可以返入嚟睇返㗎？

唔...Try Try Not Die...

我就試吓撳返出去...再撳返入頭先買咗嘅情報...

係得嘅～不過...

望住畫面中...“沒有足夠Sil”嘅提示...

係要再俾錢買囉！

『屌你...我究竟睇咗啲乜呀？！』