《任務完成》今日終於扑左我個女上司(第二季): 二十九

「佢地咁盡力保護呢份名單，就係知道佢既獨特性？」為了保密，俱樂部的執行者個人資料，是由一個為名「次獨立維特電路」的電子科技保管的。這個盒子的特別之處就在能夠追蹤檔案的開啟次數與時間，檔案資料分為七個級別，每個級別會有不同的密碼，方便不同職權的管理層共用。
 
雖然這並非產品的原意，然而在交易時卻有一個好處：對方能夠透過追蹤檔案知道有沒有人曾經偷看過內容，確保沒有人「留底」。
 
「施氏將一部份名單交比螢火蟲，等佢地用方法削弱執行者既實力。」對於俱樂部而言，執行者才是最大的戰力。失去執行者的俱樂部，也不過是一個情報機關罷了。
 
「就係遊輪既事？」
 
「遊輪只係佢地其中一個方法，仲有更多地方，佢地將執行者困埋一齊互相殘殺。」
 




「點解要咁樣做？」既然獲得了名單，螢火蟲想要解決執行者，不是有更加容易的方法嗎。
 
「佢地想發掘有潛質既人，將佢地納為己用。」
 
「有咁既可能咩？」
 
狐狸點點頭：「執行者如果殺過其他執行者，而且仲要係大量屠殺，心理上就會產生排斥，為左說服自己係岩既，慢慢對執行者甚至俱樂部會產生敵意，呢個都係自我保衛機制既其中一種表現。」
 
「因為同螢火蟲決鬥，戰力既多少就係關鍵。」白鴿當然知道這一點，因為他這幾年來就是研究這些問題。
 




「如果我冇估錯，呢件事有兩大關鍵：第一係情報既掌握，第二係戰力既分佈。」狐狸接著說：「截斷左野鴿既消息來源，就可以解決情報問題，呢個肅清組一定可以完成。所以問題淨係一個，就係戰力分佈。」
 
「戰力分佈？」白鴿心裡想，卻沒有說出口。
 
「宜家戰場有三個。」為方便白鴿理解，狐狸拿了紙筆，畫了張分佈圖給他看：「一邊係白兔，一邊係莊嘉義既別墅，亦即係執行者名單既收藏地點，我收到情報程小銀已經潛入去偷份名單，一邊係俱樂部。」
 
「俱樂部？」白鴿不明白為什麼俱樂部會成為戰場。
 
狐狸點點頭，說：「如果我係施氏，當五大家族同蝸牛都係俱樂部既時候，就係最佳時機，我一定會聯同螢火蟲既人包圍俱樂部，然後逼佢地就範，到時無論係咩目的，都可以實現。」
 




「咪住，你話五大家族集合左？」白鴿不敢相信：「又唔係會員大會，點解會集合？」
 
「因為施氏手頭上有野威脅佢地，所以佢地不得不黎。」狐狸解釋：「施氏掌握左其他家族既秘密，要做一場交易，所以佢地不得不去。」
 
「咁點解保哥仲要去？」
 
「如果唔去，情況可能更差。」狐狸指一指圖畫：「唔去既話，肅清組只會保護蝸牛，咁其他家族既人就冇人保護。即使最後我地成功左，失去家族既資金，俱樂部都係搞唔到落去。只有將所有人集中埋一齊，先可以有效咁利用肅清組既實力。」
 
「但係肅清組已組出左發。」
 
「施氏既唯一戰鬥力，就係螢火蟲。但係螢火蟲都有佢地既戰場，要趕返黎俱樂部，都需要一定時間。」狐狸看了白鴿一眼，說：「所以呢場戰鬥既重點，就係時間。」
 
白鴿深深吸了一口氣，然後吐出來。他理解狐狸的話，這麼聽起來，似乎沒有破解的方法，所以他在等，等狐狸說出他的想法。
 
「五星執行者。」




 
沉默了好一會兒，狐狸再說：「白兔果邊暫時冇利益衝突，我地只需要增派五星執行者到別墅果邊。只要將名單搶走，佢地就可以盡快返黎俱樂部幫手。」
 
「放棄穎澄？」白鴿把狐狸的真正想法說了出來。的確俱樂部沒有保護執行者的義務，但是四星執行者也是極重要的戰力，況且穎澄在執行者之中也是頗有名氣的，這樣做恐怕會引來其他執行者的不滿。
 
這本來就不是一宗簡單的事件，要是想保住所有人，最終只會造成更多犧牲。也也許狐狸這個決定，才是最正確的。