香港之墓: 第五章 兩個自己

           「大侄仔，快點起身，達叔有啲事同你講。」達叔把我從甜夢中喚醒。
           「做咩姐，有屁就放，同你講啊，唔好再問奇怪嘅問題，假設性問題，我不能回答。」我兩眼惺忪，還沒有清醒過來。
           「其實我尋日點解發脾氣，係有原因嘅。」達叔道
           「你條粉腸，清醒過後先嚟認錯？我就睇吓你點樣解釋。」我心想

           「尋日我睇到電視上播嘅新聞，那個失蹤了四天嘅張子鵬，發生在他身上嘅事，
             可能我都經歷過，我有啲問題好想問吓佢，但是因為佢嘅身體及精神狀況都唔好，護士將我趕左出嚟，幾番嘗試後都失敗，
             所以生了點悶氣，你要原諒達叔啊！我先唔想跟你嘈交。」達叔安慰

             反正，到了這地步，他都這麼讓步，我還生氣就太小孩子氣了。




           「好啦，原諒你啦，你話有事，點講法？」我有點好奇。

           「詳細嘅就唔多講，我手機傳送一篇報道比你，他的處境應該同我好相似，你睇完就會明白，我先出去一下，今晚番嚟。」達叔說
           「有事做咩唔依家講？」我慍然道

           「其實我仲未清楚整個大概，反正你睇完就知道我嘅心情。」他回說
             轉眼間，達叔便離開了，剩下我一臉茫然地望著手機螢幕。

           「無論我向邊個方向行，都無辦法行出去。」
             從達叔傳來的網站中，看到了這樣的標題，正是那個昨天才被尋回的張子鵬的報章，細閱了整篇文章，我簡單列下重點。




          
             6月18日，張子鵬在早上出發行山，中途眼見天氣轉差，決定下山。
            後來天氣轉好，於是繼續行程，在半身高的灌木叢中「爆林」（穿過密林找路行）。
            走著走著，收到家人來電，報了平安後，不知為何天色慢慢轉暗。
            他當時稱「落山時…唔多對路，好似怎行同目標距離都無縮短到」，
             途中遺失了電話，又斷食糧，迷迷糊糊下入山谷休息。

           6月19日，第二日醒來，張子鵬繼續找路，行徑一條石澗時，
           竟看見一名身穿日軍制服的士兵，正在河邊喝水，身上帶有槍械。
           他不敢大聲呼喊，只得馬上離去，




           後來，又看見了一名樵夫，
           他大聲呼叫，但對方充耳不聞；追上去時，樵夫竟離奇消失。

           張子鵬一時無奈，在水潭休息一會，又見到有人在樹叢中跑出來。
           張趕緊起步後追，途中，他竟然看到了他老婆和家人在野餐，一副十分歡樂的樣子。
           在孩子的身後，有一個人瞇著眼盯著他看，露出牙齦地笑。

          這個笑容，他這一輩子也不會忘記。

          ——他看見了自己。