[劇毒]自從裝左小熊來電之後……我部電話就無響過……: 20
[2/3/2015 08:13]
龍友就此躺在玻璃門前,全身皮膚紅紅的,大多數地方都被自身抓到流血。
他那雙眼就此瞪大望著我們,望上去既似生又似死,彷如控訴著我們眼白白讓他死去。
有一股罪疚感由心底湧現,令我手腳開始發抖。
……我……做左啲咩……
「櫓櫓……喀」比起我啊樺直情嘔左出嚟……
「啊!」援交妹一路尖叫一路跑左上二樓。
港女OL扮晒振定咁企左喺樓梯,但係佢隻手仲震得勁過我。
雖然四眼警察都算見慣死屍,但係佢都唔係太頂得順,擰轉左頭。
大隻佬無望到條屍,一野推開左我同啊樺,入去一樓到求其搵幾條圍巾去遮住龍友條屍。
我望一望MK仔,見到佢坐左喺樓梯到腳震震,比任何人都更加驚,睇嚟佢應該知啲野……
大家完全手足無措唔知做啲咩好,就連做開領袖既啊樺都只係一味嘔,做唔到決定。
衣個時侯,運動姐姐走左上前,拎開啲圍巾對龍友條屍左睇右睇,最後講左句:「我覺得佢似係過敏所以搞到咁。」
大隻佬話:「我岩岩同啊麟當更,見佢入左更衣室好耐,之後一出嚟變成咁……」
我指住MK仔話:「你琴晚究竟同佢做咩嚟,我見到你同佢一上到嚟就陰陰嘴笑咁!」
MK仔一見到我指住佢,即刻嚇左嚇,佢扮晒振定咁答我:「無啊!」
我:「明明有!」
MK仔再大大聲咁話:「無啊!」
我:「好!我就去更衣室到睇下有咩!」
MK仔即刻跑過嚟話:「喂!唔好啊!」
我無視佢講既野,同大隻佬一齊行左去更衣室到揭秘!
我望入更衣室到發現……
咩都無……只有一啲血水,除左咁,咩都無……
我地望望MK仔,但係佢只有一副疑懷同驚慌既樣,口入面就不停重復咁講:「無可能既……無可能既……無可能既……」
大隻佬一手抽起MK仔話:「喂!你究竟同龍友做過咩嚟!你講!」
MK仔慾言又止,只係重復咁講:「無可能既……無可能既……無可能既……」
大隻佬正想一拳打落去MK仔到,但係四眼警察叫停左佢話:「帶埋佢上去先。」
我指指龍友:「咁佢條屍呢?」
四眼警察:「一陣再傾,上去先啦。」
我地八個人上到去圍住左MK仔一個人坐,佢都總算冷靜左啲。
但係好多人都仲未平服到,而且啊樺嘔到唔舒服,所以問話既責任落到去大隻佬同我到。
我指住MK仔話:「快啲講你琴日同啊奇做過咩嚟?」
可惜MK仔一面尷尬咩都唔想講。
大隻佬大大聲咁問多次:「講啊!你琴日同啊奇哥做過啲咩嚟!」
MK仔比大隻佬大到話:「琴日奇哥佢同我當更當到無聊就……」但係佢又停左口唔敢講。
大隻佬對MK仔好呼喝咁話:「講啊!」
MK仔:「我地……」
大隻佬:「講啊!」
MK仔:「我地出左去執屍將佢鎖左入更衣室同佢搞野!」
「What the fuck!」港女大叫左出嚟。
本來都無再嘔既啊樺又再嘔多獲,運動姐姐就用左種好鄙視既眼神望住mk仔,但係最大反應都係援交妹,佢開始眼紅,仲要喊到收唔到聲。
MK仔用一種好後悔既眼神望住援交妹話:「Stephy……」
大隻佬:「咁條女呢?」
MK仔:「我點知啊!佢應該一直喺更衣室到架!但係唔知點解唔見左!」
大隻佬:「咁你有無Check過條女係唔係西裝佬扮啊!」
MK仔:「有架!我點知佢會唔見啊!」
見到佢地無止境既嘈吵,雖然我自己都好嬲,但係我決定望望窗邊,點知我就見到係「佢地」嚟緊……