[憑圖作文] 我同三個女仔既六日癡線泰國之旅: 《第十九章 最中意打柒啲死狗公 冇人可以阻止我! 》

前提回顧

阿May視覺
眼前的身影靠近我 那一剎 我感受到他溫暖的雙臂
這個男孩 真的成熟了… 成為熟悉 體諒的他
「唔好喊啦 阿May」這把聲音...並不是John…
我推開他 才驚覺擁著我的人 竟然是阿塬
「點解會係你?」

      





我看著眼前抽泣的阿May 心裡滿不是滋味
但又不知如何是好 我應該上前給你一個擁抱嗎？
但我又想到 每次我擔心你的時候 你都總是無法領略到我的想法
我們認識了那麼久 我的性格你不是最清楚嗎？
我就係知道你好勝好鬥的性格 每次爭執時我也選擇讓步

但永遠我與你就似火星撞地球
好像為了遷就你 我也漸漸改變了自己...
明明我不想 卻要做




我不想道歉 我卻要主動認錯
我沒有錯 卻裝嬉皮笑臉氹你

我記得小時候 母親曾經跟我說過
「你不用討好每一個人 最緊要就係跟住你自己既諗法」
「溫柔的性格有好有壞 最容易比無心的人傷害」
「別讓別人把你的溫柔當著理所當然」

想著這點 我便緩緩把伸出的手臂收回





此時 阿塬衝了出來 擁著阿May並怒視著我

「阿May 唔好喊 我唔會比人傷害你！呢啲人根本唔值得你為佢喊！」說罷 他便上前伸出手推開我
「我鍾意阿May！John你唔鍾意佢 咁不如比佢走？」他持著一廂情願的想法 反勸著我
「阿May擺到明就憎你 你唔好再搞佢啦」阿塬繼續發表自己的結論 漸漸露出不屑的表情

「等等先...阿塬你係咪誤會左啲咩？」阿May推開阿塬 露出不解的表情

「你鐘意我？ 仲有咩我憎阿John？ 我都冇諗過呢d野 你唔好將自己諗法當係我wo」阿May指責阿塬的同時 注視了我一眼 像是想澄清什麼

阿塬聽到這點 本來得意盈盈的表情逐漸改變
他那表情變得十分愕視 我一看到他這種表情 那一直壓抑已久的心情終於爆發

我衝上前 來的就是一拳





「嗚啊！」阿塬硬生生中了我一拳後 摸著面頰 應聲倒地
「你打我做乜啊？」阿塬驚慌地問道

「我就係要打柒你呢個傻鳩！ 我都忍夠你啦！ 」我憤怒地大喊 引來途人的圍觀
我按著他在地上 左一拳右一拳 並像瘋了般大笑說著 死狗公 死傻鳩

阿May看見我這樣子 立即上前 用纖弱的雙手緊緊抱住我 
倚偎在我身旁顫抖地說道「夠啦...唔好再打啦...我地走啦 」

阿May扶著我 一步一步地行遠 阿塬亦站起來 轉身離開 越走越遠 我還能勉強看見 他有一瞬間回頭怒視著我 但最終都消失在我的視線中

「哇 做咩成身傷曬ga！」Ada看到我身上有瘀青 連忙問道
「冇乜野阿 哈哈...今日都玩得差唔多 不如我地翻去啦！」我微笑假裝沒事

Shandy露出擔憂的神情 但又像看透我的想法




我看著她那本來想伸出的手 緩緩收回
我抱著疑問的眼神渴望她能看著我 怎料回來的是迴避的反應

「阿塬呢?」 Ada問道
但我們沒有回答 走往碼頭

回到villa後 我們簡單梳洗便回到各自的房間
Shandy那反應是看出了什麼？
還是只是我的錯覺 我猜不懂 亦想不到
好不容易拉近的距離又被拉開 這是我最感到無力的

「仲痛唔痛啊？」阿May梳洗完 坐在我旁邊 親密地摸著我的臉問道
「呃..有小小啦...」 突如其來親密的動作令我無法適應

「我幫你按下？」她說完 很快便走到大廳 拿了一瓶藥酒進來




並開始幫我按摩 她那生疏的手勢 看得出平時很少幫別人按摩
不過她家中只剩她一人 這是無可避免的
即使她一時大力一時細力 又不時按得我痛得咬牙切齒
但看見她努力的表情 我不禁微微一笑

「笑咩阿...係咪好痕阿？」阿May停下手勢 側頭望著我
「唔係啊...只係...見到你就好想笑一笑」

她停頓半刻 然後緩緩吐出一句
「琴晚...真係對唔住...」 然後便逃了去浴室