[憑圖作文] 我同三個女仔既六日癡線泰國之旅: 《第十六章 鬧完交之後梗係要談下心》

「你係咪飲醉咗啊? 點解要咁做?」我質問眼前的May

趁回來後 Ada和Shandy睡著後 我立刻想搞清疑問

「咩飲醉咗 你講咩啊?」May沒好氣地對我說

「你冇啦啦癡埋個阿塬度做乜野啊?你識佢既咩?」我不解地與May吵架

「我唔識佢啊 頭先先識咋嘛 識下朋友有咩問題? 」





「我一睇就覺佢唔係個好人! 你唔好好似啲中學學生妹咁天真啦」我先入為主地道出我的想法

「你點解要咁諗人啊 人地冇啦啦幫我地找咗條數 份人又咁好 你唔好小人之心度君子之腹啦! 」阿May卻不明我的想法 奮力地擁護阿塬

「喂 我點天真啊? 你講到我好似洩底咗比人咁既? 」May反問我道

我們的對話越漸激烈 語氣也越來越重 充滿火藥味

「我係驚你危險咋! 你唔好咁隨便啦! 識男仔都唔係咁識ga! 」心急的我不經思考道出 但我很快便後悔了





「你講野洗唔洗咁難聽啊? 我點樣隨便法啊?」阿May也加大聲量回擊我
「我…」一時半刻 我居然無言而對 衝動的說話中傷了May

「乜你原來咁諗我既?」阿May冷冷地看著我

「係啊 我姣仔啊 我貪阿塬又高 生得又似方大同 連性格都好過你啊! 咁滿意未啊?」阿May說罷便轉身入房 大力閉上門 還鎖著門

我們很久也沒有這樣吵過架 明明我也是為了她好 為何她卻不明我的想法?
是我太保守了? 還是她太開放?





我曾經聽過一句話 男生吵架是為了理 女生吵架是為了情

我們吵架的聲浪引來Shandy的查看

「John 你地鬧交…?」Shandy走出大廳問道

「係啊…我都唔知佢諗緊乜…我地有冇吵醒Ada?」

「Ada訓著咗好耐啦 不如我陪你傾陣計啊…」Shandy說道

「阿May…佢應該有分寸既 不過我都覺阿塬唔係咩好人」Shandy再次坐在我身旁 從這句話我就知道Shandy與我站在同一陣線

幸好也不只有我察覺不妥 不然我真的會覺得是自己太多疑 無事生事

「旅行最緊要開心啊! 」Shandy察覺到我愁眉苦臉 雙手摸著我的臉 用拇指撐起我的笑容




然後對我甜甜一笑

我明知道你沒有其他意思 但能允許我記住這一下嗎?

「係啊.. 我唔諗啲唔開心既野啦! 嘿嘿…」
「嘻嘻 咁就好啦」她也陪我傻笑 說罷她便放下雙手

「唉 佢鎖埋對門 今晚要訓廳啦…」說著說著 我也漸漸有點睡意 然後閉目養神
「…我想同你講ga…每次想開口個陣…都仲係有啲…」我微微聽到Shandy說道

「咩話?」我張開雙眼問道
「冇啊…我話早抖咋 我翻房先」然後她便垂頭喪氣地回房了

怎麼她有時候奇奇怪怪的?





      

在前往格蘭島的路上 原本的四人團變成了五人行

多廣見聞的阿塬一邊介紹景色一邊說著今天的行程

「如果去格蘭島 梗係玩下海上活動 個拖曳傘好刺激ga 好似曉飛咁」阿塬說道

「阿塬真係識好多野 睇黎佢今日可以帶我地玩啦!~」Ada一邊讚賞一邊說道

「好啊 實好好玩」阿May回答道 說罷便跟著阿塬走

怎麼她的眼睛紅紅的 聲還有點沙 她還在生氣嗎?

「你地仲未好翻啊...阿May都嬲咗成晚啦 你快啲氹翻佢啦」Shandy悄悄地對我說





「....」此刻我與May的視線對上 到瞬間她便移開視線

「下 你地吵交啊? John你激嬲咗人啊?」Ada聽到我地的對話 加入話題

「Ada你細聲啲啦...佢地....唉....」

我若有所思地看著前方男生女生的背影 只感到無名火起

「生得靚仔大曬啊? 我唔靚仔咩? 」死偽文青 我今日點都要拆穿你!