[憑圖作文] 我同三個女仔既六日癡線泰國之旅: 《第一章 唔係掛 冇野搵野黎搞？》

是咁的 我叫阿John 讀緊港大法律 今年year2
雖則我生得咁靚仔 但成日都比朋友恥笑
原因係我生得似笑波子

「 ya 終於考曬啲科啦」我興奮叫道 
雖則今日exam 但我前幾日先開始溫 完咗sem 就當然慶祝後才擔心成績 

當我收拾物品 準備回hall打機慶祝時
「 John ！完咗sem之後 有冇興趣陪靚女我去旅行啊？」中分長髮的女生拍了拍我的肩膀道 
我側頭一望 露著恥笑表情




笑道 「 陪靚女就可以 但你係靚女咩？」
她面帶微笑 大力扭著我的耳仔道「 想死咪出聲....」
我連忙解釋「 講笑咋 講笑咋」

介紹翻 佢叫姚中南 阿May 
係我中同 中學三年同班 咁啱一齊入同一間U又同一科
萬年不變的中分頭 係我長期恥笑既目標
雖然她的樣貌不錯 但身材勉強有B 而且成日同我鬥串
似足男人婆 所以我覺得佢個名 姚中南 改得一啲都冇錯
中分頭加男人婆 中男 中男





「 咁你去唔去阿 你去我預埋你啦 」May沒好氣道
「 中南你想去邊先 澳門？深圳？長洲？」私底下我鍾意叫佢中文名
May露出仇視的目光 不屑的眼神令我感到有點尷尬
她道「 台灣 或者 韓國 我地想近近地 又唔洗用太多錢」
「 你地...？仲有邊個？」

「嘿！梗係我兩個好姐妹 shandy 同 Ada！」阿May翹起雙手 挺起嬌小的胸脯 令我不禁呆望了半刻
「 咁細...」我心想 但想法衝口而出
「 咩啊 你up乜」May不明所以地望著我 終於發現我的目光停留在自己身上 連忙拍打我




「 喂啊！」
被識穿的我只好轉移視線 到處張望
「 唔係 我話咁...少..人姐 3嗰女仔 我係度會晤會晤係咁方便啊？」
「 我見你放假成日係留係屋企打機 先問下你去唔去咋 識咗你咁耐 我信得過你喎 最多咪我同你同一間房咯...」May越講越細聲 搞到我聽不到最後一句
有得同靚女去旅行 或者可以為我既sem break帶來色彩「 好啊 我跟埋去啊」
「 一陣黎我間房搵我 我約咗佢地食dinner 順便介紹佢地比你識啊 你記得我邊間室啦」May罕有地露出微笑說道 然後轉身離去

「 okok 一陣見 」