是咁的，我嘅職業係幫人瞓覺: 二百二十五、枷鎖
沉重而無辦法磨滅嘅打擊，無盡頭亦無被時間沖淡嘅思念，曾經許諾「好好生存落去」嘅誓言，通通都係綁住miki嘅枷鎖。
就好似監獄深處，被重重鐵鏈包裹全身，動彈不得。
喺生存嘅痛苦同死亡嘅解脫之間嘅分界線徘徊。
如果跨過去，自己一定會舒服好多。
但係為自己犧牲嘅金仔，為咗拯救miki所做嘅一切都會變得白費心機。
「我唔想佢為我做嘅一切全部歸零。」miki望住地下，微微一笑：「雖然我自殺的話，就可以喺痛苦之中解放出嚟，但依個係我自己嘅願望。金仔嘅願望係我可以生存落去，既然我應承咗佢，就算痛苦，我會捱落去。因為依個已經係我最鍾意嘅人，最後留低畀我嘅遺願。」