是咁的，我嘅職業係幫人瞓覺: 二百一十七、你又點解幫我？
miki大大力吸咗啖氣：「幫人寫遺書嘅時候，會勾起好多同佢一齊嘅回憶架。或者依個就係我幫人寫嘅原因，講到尾都係自私，想記返起金仔啫。」
「但我無委託你幫我寫遺書，你又點解幫我呢？」
miki向我豎起大拇指：「因為你都叫金仔呀嘛！」
噗。
忍唔住笑咗出嚟。
「咁你咪好鬼唔得閒？唔通個個叫金仔嘅你都管咩。」
「如果可以做到嘅梗係個個都管啦～」miki向我做出一個勝利嘅手勢，真係服鬼咗佢。
「就算我叫金仔，我都唔係你個ex嚟。」
miki燦爛嘅笑容漸漸消失，嘴角嘅弧度減少。