是咁的，我嘅職業係幫人瞓覺: 一百八十六、打破諾言在先

阿婷嬲到大啖大啖咁喘氣，阿邦見到，終於插嘴。

「佢無呃你。自從你警告過我之後，我就無再私下接觸過阿婷。當然，你亦無帶佢出嚟，所以我地實際上好耐都無再聯絡。」

「你兩個繼續扯貓尾。」

「我地知你一定係咁嘅反應，但你點睇還你點睇，我地覺得應該同你講返個事實係乜。」

「我地兩個真係咁無恥，今日就唔使坐喺度受你氣！」





「就係因為你地無恥，所以先再出現喺我面前懶係野向我交代，實際上係想幫自己洗底。」

阿婷拎出手機，叫余生自己睇對話記錄，證明佢同阿邦的確係三個月前先傾計。

「你del咗之前嘅記錄啫。」

聽到依句，阿婷呆咗一下，最後終於深呼吸口氣，平靜咁拎返部手機。

「我一早話咗，講咩佢都唔會信。」





阿邦嘆氣。

阿婷好冷靜，近乎完全無感情咁問余生：「你仲記唔記得，你應承過我啲咩？」

語氣中嘅平淡同之前相差太遠，好似阿婷心入面對余生僅存嘅感覺都已經消失殆盡。

「事到如今仲講咩。」

「你應承過唔會再懷疑我，應承過相信我。」





最後，雙方都守唔到諾言。

但實際上，係余生打破諾言在先。