是咁的，我嘅職業係幫人瞓覺: 一百七十二、同一個人

而阿俊之後，我記得係緊接住⋯⋯係喇，我去青衣嘅老麥門口，接下一個客——阿婷。

場景明明一樣，點解我無為意？

我望住手中嘅手製至尊寶公仔，同夢中所見嘅一樣，只係依隻大啲。

「依個公仔⋯⋯係送比阿婷嘅？」

余生嘅面色一沉：「點解你會知我個ex叫阿婷？」





我用手㩒住自己個頭。

我嘅客人阿俊同阿婷，原來只係余先生喺夢之迷宮入面嘅投影。

係被潛意識扭曲咗之後，展現喺我眼前嘅心願。

「余先生⋯⋯你⋯⋯你叫咩名？」我一直只係知佢姓余，但唔知佢嘅全名。

「余俊朗。你都未答我問題喎，點解你會知我ex叫咩名？」





阿俊、阿朗、余先生⋯⋯係同一個人⋯⋯